మంచు మనోజ్ పెళ్ళి ఖాయమైందట...అని ఆయన సోదరి మంచు లక్ష్మీ ప్రసన్న తెలియజేశారు. వివరాల్లోకి వెళితే ప్రముఖ నటుడు, నిర్మాత, విద్యాదాత, రాజకీయనాయకుడు అయిన కలెక్షన్ కింగ్, పద్మశ్రీ, డాక్టర్ మోహన్ బాబు కనిష్ట కుమారుడు, ప్రముఖ యువ హీరో మంచు మనోజ్ కుమార్ త్వరలో పెళ్ళి కొడుకవబోతున్నాడు. గుంటూరుకు చెందిన ఒక తెలుగు దేశం పార్టీ నాయకుడి కుమార్తెను మనోజ్ వివాహం చేసుకోబోతున్నాడట. పెళ్ళి కూతురు ప్రస్తుతం హైదరాబాద్ లో ఇంజనీరింగ్ చదువుతూంది. ఇది పెద్దలు కుదిర్చిన వివాహం.

ఈ విషయం గురించి మంచు లక్ష్మీ ప్రసన్న మాట్లాడుతూ " మా తమ్ముడు మనోజ్ పెళ్ళి ఫిక్స్ అయ్యింది.ఇది పెద్దలు కుదిర్చిన వివాహమే. రెండు కుటుంబాలూ ఈ విషయంలో చాలా సంతృప్తిగా, సంతోషంగా ఉన్నాము. పెళ్ళి బహుశా వచ్చే సంవత్సరం జరుగుతుంది" అని అన్నారు. పెళ్ళి కూతురు పేరు ఎందుకనో రహస్యంగా ఉంచారు. మనోజ్ ప్రస్తుతం "మిస్టర్ నోకియా", "ఊ కొడతారా...? ఉలిక్కిపడతారా...?" అనే సినిమాల్లో నటిస్తున్నాడు. మనోజ్ పెళ్ళికి ఈ రెండు సినిమాలూ రిలీజవుతాయి.