నంద‌మూరి క‌ల్యాణ్ రామ్ క‌థానాయ‌కుడిగా పూరి జ‌గ‌న్నాథ్ ద‌ర్శ‌క‌త్వంలో ఓ చిత్రం రూపొందిస్తోన్న సంగతి తెలిసిందే. ప్ర‌స్తుతం హైద‌రాబాద్‌లో చిత్రీక‌ర‌ణ జ‌రుగుతోంది. త్వ‌ర‌లోనే చిత్ర‌బృందం స్పెయిన్ ప‌య‌న‌మ‌వుతుంది. జులై 5 క‌ల్యాణ్ రామ్ పుట్టిన రోజు సంద‌ర్భంగా ఈ సినిమా ఫ‌స్ట్ లుక్ టీజ‌ర్‌ని విడుద‌ల చేయ‌డానికి ఏర్పాట్లు జ‌రుగుతున్నాయి. ఈ సినిమా టైటిల్‌ని కూడా అదే రోజు చెప్పేస్తార‌ట‌. ఈ సినిమా కోసం 'రిపోర్ట‌ర్ బాల‌కృష్ణ‌' అనే పేరు ప‌రిశీల‌నలో ఉంద‌ని స‌మాచారం. మీడియా చుట్టూ తిరిగే క‌థ ఇది. క‌ల్యాణ్ రామ్ రిపోర్ట‌ర్ పాత్ర‌లో క‌నిపిస్తాడు. అత‌ని పేరు బాల‌కృష్ణ అని.. ఈ సినిమాకి అదే పేరు పెడితే బాగుంటుంద‌ని పూరి భావిస్తున్నాడ‌ట‌. మ‌రి అవునో కాదో తెలియాలంటే ఫస్ట్ లుక్ రిలీజ్ అయ్యే వరకు ఎదురు చూడాల్సిందే..!