ప్రస్తుతం చందు మొండేటి దర్శకత్వంలో 'తండేల్' (Thandel) మూవీ చేస్తున్న అక్కినేని నాగ చైతన్య (Naga Chaitanya).. తన తదుపరి చిత్రాన్ని 'విరూపాక్ష' ఫేమ్ కార్తీక్ దండు డైరెక్షన్ లో చేయనున్నాడు. ఎస్.వి.సి.సి, సుకుమార్ రైటింగ్స్ బ్యానర్స్ పై రూపొందనున్న ఈ మైథలాజికల్ థ్రిల్లర్ గురించి క్రేజీ న్యూస్ వినిపిస్తున్నాయి. 

'తండేల్' చిత్రం దాదాపు రూ.80 కోట్ల బడ్జెట్ తో రూపొందుతుండగా, కార్తీక్ దండు దర్శకత్వంలో తెరకెక్కనున్న మూవీ ఏకంగా రూ.110 కోట్ల బడ్జెట్ తో తెరకెక్కనుందని తెలుస్తోంది. ఇది చైతన్య కెరీర్ లోనే అత్యధిక బడ్జెట్ కావడం విశేషం. కేవలం సీజీ వర్క్ కోసమే రూ.30 నుంచి 35 కోట్లు ఖర్చు పెట్టనున్నారని సమాచారం.

చైతన్య-కార్తీక్ కాంబినేషన్ లో రూపొందననున్న ఈ మూవీ షూటింగ్ డిసెంబర్ రెండో వారంలో హైదరాబాద్ లో ప్రారంభం కానుందట. ఈ చిత్రంలో మీనాక్షి చౌదరి హీరోయిన్ గా నటించనుండగా, 'కాంతార' ఫేమ్ అజనీష్ లోక్‌నాథ్ సంగీతం సమకూర్చనున్నాడు.