తెలుగు చలన చిత్ర పరిశ్రమలో నట సామ్రాట్ అక్కినేని నాగేశ్వరరావు(akkineni nageswararao)ఎదిగారు అనే కంటే, తెలుగు చిత్ర పరిశ్రమే ఆయన వల్ల ఎదిగిందని చెప్పడంలో ఎలాంటి అతిశయోక్తి లేదు. తెలుగు తెరపై ఆయన పోషించని పాత్ర లేదు.సాంఘిక, పౌరాణిక,జానపద తరహా చిత్రాలన్నింటిలోను అవలీలగా నటించి ఆయా పాత్రలకి ఒక బ్రాండ్ ని క్రియేట్ చేసిన ఘనత కూడా అక్కినేని సొంతం.ఈ రోజు ఆ మహానటుడి శత జయంతి. ఈ సందర్భంగా  అక్కినేని ఘన చరిత్ర గురించి  యువరత్న నందమూరి  బాలకృష్ణ(balakrishna)కొన్ని వ్యాఖ్యలు చేసాడు 

తెలుగు సినిమా చరిత్రలో సువర్ణాక్షరాలతో లిఖించబడిన అక్కినేని నాగేశ్వరరావు గారి శతజయంతి సందర్భంగా ఆయనను స్మరించుకోవడం మనందరికి గర్వకారణం. నాటకరంగం నుండి చిత్రరంగం వరకు సాగిన ఆయన ప్రయాణం ప్రతి ఒక్కరికి ప్రేరణని ఇవ్వడమే కాకుండా ఆయన చేసిన కృషి సంపాదించిన  కీర్తి, ప్రతి నటునికి మార్గదర్శకంగా కూడా నిలుస్తుంది. మన హృదయాల్లో చిరస్థాయిగా నిలిచిపోయిన పాత్రలు, తెలుగు సినిమాకు ఆయన చేసిన అమూల్యమైన సేవలు చిరస్మరణీయాలు.ఈ  శత జయంతి రోజున ఆయన సాధించిన  విజయాలను స్మరించుకుంటూ శిరస్సు వంచి కృతజ్ఞతలు తెలుపుదామని చెప్పుకొచ్చాడు.

ఇప్పుడు బాలకృష్ణ  చేసిన ఈ  వ్యాఖ్యలు అక్కినేని, నందమూరి అభిమానుల్లో ఎనలేని ఆనందాన్ని తెస్తున్నాయి.పైగా బాలకృష్ణ తనకి అవకాశం దొరికినప్పుడల్లా అక్కినేని నాగేశ్వరావు నట ప్రస్థానం గురించి చాలా గొప్పగా చెప్పే బాలయ్య  అక్కినేని ఆప్యాయంగా బాబాయ్ అని పిలుస్తాడు.