కొన్ని రోజుల క్రితం ప్రముఖ హీరోయిన్ అరుంధతి నాయర్ కేరళలో రోడ్ ప్రమాదానికి గురయ్యింది. ఒక ఇంటర్వ్యూ లో పాల్గొని  తన తమ్ముడు తో కలిసి స్కూటీ మీద వెళ్తుంటే ఒక కారు డీ కొట్టడంతో ప్రమాదం జరిగింది. దీంతో ఇద్దరకీ తీవ్ర గాయాలయ్యాయి.తాజాగా ఆమె ఆరోగ్యం విషయంలో వస్తున్న ఒక వార్త అభిమానులని ఆందోళనకి గురి చేస్తుంది.

 తమిళ చిత్ర రంగానికి చెందిన అరుంధతి నాయర్ ప్రస్తుతం తిరువనంతపురం లోని ఒక హాస్పిటల్ లో ట్రీట్మెంట్ తీసుకుంటుంది. ఇప్పుడు ఆమె పరిస్థితి విషమంగా ఉంది. బ్రెయిన్ సర్జరీ చెయ్యడానికి డాక్టర్ లు సిద్ధం అవుతున్నారు. అరుంధతి కుటుంబం ఆర్ధికంగా అంతంత మాత్రమే కావడంతో  సాయం కోసం సోషల్ మీడియాలో బ్యాంకు వివరాలని  పొందుపరిచారు. సాయం విషయంలో  ట్రోల్ చేస్తున్నారని  అరుంధతి సోదరి భాదపడుతూ చెప్పింది.

అరుంధతి కి యాక్సిడెంట్ జరిగిన దగ్గర నుంచి తమిళ చిత్ర రంగం నుంచి ఎవరు పరామర్శించలేదనే వార్తలు వస్తున్నాయి. ఆర్టిస్టుల  సంక్షేమం కోసం ఏర్పడిన  నడిగర్ సంగం కూడా స్పందించలేదని అంటున్నారు. ఈ విషయాన్ని మరో నటి అరుందతి స్నేహితురాలైన రెమ్య జోసెఫ్ వెల్లడించింది. వీరుమాన్డీకం శివ నందికం, సైతాన్, కన్ని రాశి, పిస్తా, లాంటి చిత్రాల్లో అరుంధతి నటించింది.