తెలివైన హీరోయిన్ కార్తీక అని సినీ ప్రముఖులంటున్నారు. విషయంలోకి వెళ్తే సీనియర్ హీరోయిన్ రాధ కుమార్తె కార్తీక నాయర్ తొలిసారిగా తెలుగులో వాసూవర్మ దర్శకత్వంలో, యువసామ్రాట్ అక్కినేని నాగార్జున కుమారుడు నాగచైతన్య హీరోగా నటించిన "జోష్" సినిమాతో హీరోయిన్ గా పరిచయమైంది. కానీ ఆ సినిమా ఆశించిన స్థాయిలో విజయం సాధించకపోవటంతో కార్తీక లెగ్ ఐరెన్ లెగ్గని తెలుగు సినీ పరిశ్రమ ఘోషించింది. దాంతో కార్తీకకు అవకాశాలు కూడా సన్నగిల్లాయి.

కానీ కార్తీక మాత్రం నిరుత్సాహపడకుండా మళయాళంలో "మకార మంజు" అనే సినిమాలో నటించింది. అప్పుడూ ఆమెకు నటిగా సరైన గుర్తింపు రాలేదు. మళ్ళీ తమిళంలో "కె ఒ" అనే సినిమాలో జీవా సరసన హీరోయిన్ గా నటించింది. ఆ సినిమా సూపర్ హిట్టయ్యింది. దాంతో కార్తీక గోల్డెన్ లెగ్గనే సంపాదించుకుంది. ఆ సినిమానే తెలుగులో "రంగం" అనే పేరుతో విడుదలై మంచి సినిమాగా పేరు తెచ్చుకుంది. దెబ్బతిన్నా వెనుకడుగేయకుండా విజయం సాధించి తానేంటో నిరూపించుకున్న కార్తీకను తెలివైన హీరోయిన్ అని అంతా అంటున్నారు.