English | Telugu
2021లో ఇండియాలో బిగ్గెస్ట్ గ్రాసర్ మన సినిమా కాదు.. హాలీవుడ్ మూవీ!
Updated : Jan 3, 2022
ఇండియాలో హాలీవుడ్ ఫిల్మ్ 'స్పైడర్మ్యాన్: నో వే హోమ్'కు ఎదురనేది లేకుండా పోయింది. 2021లో దేశంలోనే బిగ్గెస్ట్ గ్రాసర్గా ఆ మూవీ నిలిచింది. టామ్ హాలండ్ టైటిల్ రోల్ పోషించగా, డిసెంబర్ 16న విడుదలైన ఈ సినిమా ఇండియాలోనే బిగ్గెస్ట్ ఓపెనింగ్స్ సాధించిన సినిమా కూడా. ఇప్పుడు ఇండియా బాక్సాఫీస్ దగ్గర రూ. 260 కోట్లు వసూలు చేయడం ద్వారా, దేశంలో 2021లో విడుదలైన సినిమాల్లో అత్యధిక వసూళ్లు రాబట్టిన మూవీగా నిలిచింది.
Also read: సిరి, షణ్ణు తెలిసే చేశారు.. మానస్ బయటపెట్టేశాడు!
కొవిడ్ 19 కేసులు పెరగక ముందు బాక్సాఫీస్ రికవరీకి 'స్పైడర్మ్యాన్' సక్సెస్ పెద్ద ఊపునిచ్చింది. దేశంలోని అన్ని ప్రాంతాల్లో సినిమా థియేటర్లకు కొత్త ఊపిరినిచ్చింది. విడుదలైన దగ్గర్నుంచీ పలు రికార్డులను బ్రేక్ చేసింది ఆ మూవీ. ప్రపంచవ్యాప్తంగా హయ్యెస్ట్ గ్రాసింగ్ మూవీగా నిలిచిన ఆ సినిమా కరోనా మహమ్మారి కాలంలో దేశంలో అత్యధిక వసూళ్లు సాధించిన సినిమాగా పేరు తెచ్చుకుంది.
Also read: "షణ్ముఖ్, నేను విడిపోతున్నాం".. దీప్తి సంచలనం! కారణం ఆమేనా?
ఇప్పటివరకూ 'స్పైడర్మ్యాన్: నో వే హోమ్' వసూలు చేసిన మొత్తం రూ. 260 కోట్ల గ్రాస్ బాక్సాఫీస్ కలెక్షన్ (GBOC), రూ. 202 కోట్ల నెట్ బాక్సాఫీస్ కలెక్షన్ (NBOC). టామ్ హాలండ్, జెందాయ జంటగా నటించిన ఈ సినిమా ఇండియాలో అత్యధిక థియేటర్లలో విడుదలైన హాలీవుడ్ మూవీ. మొత్తం 3264 స్క్రీన్స్లో ఈ మూవీ రిలీజైంది.