Aloo Vankaya Curry

 

ఆలూ వంకాయ కూర

 

కావాల్సిన పదార్ధములు:

వంకాయ ముక్కలు - 250 గ్రా

ఆలూ గడ్డ - 150 గ్రా

మునక్కాడ - ఒకటి

ఉల్లిపాయ తరుగు - రెండు

పచ్చిమిర్చి - రెండు

టమాటో - మూడు

అల్లం వెల్లులి పేస్ట్ - ఒక టేబుల్ స్పూన్

కరివేపాకు - రెండు రెబ్బలు

కొత్తిమీర - రెండు టేబుల్ స్పూన్స్

ఆవాలు - ఒక టేబుల్ స్పూన్

జీలకర్ర - ఒక టేబుల్ స్పూన్

ఎండు మిర్చి - రెండు

ఉప్పు - తగినంత

పసుపు - పావు టేబుల్ స్పూన్

కారం - ఒక టేబుల్ స్పూన్

ధనియాల పొడి - ఒక టేబుల్ స్పూన్

జీలకర్ర పొడి - ఒక టేబుల్ స్పూన్

గరం మసాలా - అర టేబుల్ స్పూన్

నూనె - పావు కప్పు

చింతపండు - సరిపడ

తయారీ విధానం:

* నూనె వేడి చేసి అందులో మునక్కాడ ముక్కలు వేసి 3-4 నిమిషాలు పాటు మగ్గనిచ్చి పక్కకి తీసుకోవాలి.

* అదే నూనెలో వంకాయ ముక్కలు మరియు ఆలు గడ్డ ముక్కలు వేసి వంకాయ మెత్తగా, ఆలూ గడ్డ బంగారు రంగు వచ్చేదాకా వేపుకుని పక్కనపెట్టుకోవాలి.

* తర్వాత అదే నూనెలో ఆవాలు, జీలకర్ర, ఎండుమిర్చి, కరివేపాకు వేసి వేపుకోవాలి.

* ఉల్లిపాయ తరుగు , ఉప్పు , పసుపు వేసి మగ్గెవరకు వుంచాలి.

* మగ్గిన ఉల్లిపాయల్లో అల్లం వెల్లులి పేస్టు వేసి వేపుకోవాలి, తరువాత ధనియాల పొడి, జీలకర్ర పొడి, కారం, కొద్దిగా నీళ్లు పోసి మాడకుండా వేపుకోవాలి.

* టమాటో తరుగు వేసి గుజ్జుగా అయ్యేదాకా మగ్గనివ్వాలి.

* మగ్గిన టమాటోలో వేపిన ఆలూ, వంకాయా, మునక్కాడ ముక్కలు వేసి నెమ్మదిగా కలిపి మూత పెట్టి 4 నిమిషాలు మగ్గనివ్వాలి.

* మగ్గిన తరువాత చింతపండు పులుసు పోసి మునక్కాడ మెత్తబడేదాకా మూతపెట్టి మీడియం ఫ్లేమ్ లో ఉడికించుకోవాలి.

* కొత్తిమీర తరుగు గరం మసాలా వేసి కలిపితే మనకు కావాల్సిన ఆలూ వంకాయ కూర రెడీ.