పలు వివాదాలు ఎదుర్కొని అతికష్టం మీద విడుదలయిన ‘విశ్వరూపం’ సినిమా విజయవంతమయిన సందర్భంగా ఇటీవల హైదరాబాదులో జరిగిన సక్సస్ మీట్ లో ఆ సినిమాను నిర్మించి దర్శకత్వం వహించి, అందులో నటించిన కమల్ హస్సన్ ఈ ఏడాదిలోనే విశ్వరూపం సీక్క్వేల్ ‘విశ్వరూపం-2’ అనే సినిమాను కూడా విడుదల చేయబోతున్నట్లు ప్రకటించారు. అయితే, ఎప్పటిలోగా విడుదల ఉంటుందో ఆయన చెప్పలేదు. కానీ, మీడియాలో ఆ సినిమా షూటింగ్ మొత్తం విశ్వరూపంతో బాటే పూర్తయిపోయిందని, కొద్దిగా మిగిలిపోయిన సన్నివేశాల షూటింగ్ కూడా పూర్తయిపోగానే, సినిమా పోస్ట్ ప్రొడక్షన్ కార్యక్రమాలు మొదలవుతాయని ప్రచారం జరుగుతోంది. ఆ వార్తల ప్రకారం అయితే, ‘విశ్వరూపం-2’ ఈ వేసవి శలవులకే విడుదలయ్యే అవకాశం ఉంది. కానీ, కమల్ హస్సన్ ఈ వార్తలను ఇంతవరకు దృవీకరించలేదు అలాగని ఖండించలేదు కూడా.