సుష్మకు మరో చిత్రమైన ట్వీట్.. నా భర్త ప్రియురాలిని కనిపెట్టండి..
posted on Sep 1, 2016 @ 1:14PM
విదేశాంగ మంత్రి సుష్మ స్వరాజ్ కు విచిత్రమైన ట్వీట్లు రావడం కొత్తేమి కాదు. ఆ ట్వీట్లకు ఆమె అదేవిధంగా చాలా ఓర్పుగా సమాధానం కూడా ఇస్తుండేవారు. అయితే ఇప్పుడు అదేవిధంగా ఆమెకు ఓ విచిత్రమైన ట్వీట్ వచ్చింది. అదేంటంటే.. తన భర్త ఓ థాయ్ ల్యాండ్ అమ్మాయితో ప్రేమాయణం సాగిస్తున్నాడని, భర్తతో కలసి తాను ఇండియాకు వచ్చిన వేళ, ఆ అమ్మాయి కూడా వచ్చిందని తనకు తెలిసిందని చెప్పిన సుజాత అనే యువతి, ఆమె ఎవరో తెలుసుకునేందుకు సాయపడాలని తన ట్విట్టర్ ఖాతా ద్వారా సుష్మా స్వరాజ్ ను అభ్యర్థించింది. ఈ ట్వీట్ చూసిన సుష్మ మొదట షాక్ తిన్నా.. ఆతరువాత ఎప్పటిలాగే ఆమె "సుజాతా... నా సానుభూతి నీపై ఉంటుంది. దురదృష్టవశాత్తూ, ఈ తరహా భర్తలను శిక్షించేందుకు లేదా సంస్కరించేందుకు నాకు ఎలాంటి అధికారాలు లేవు. నీకు సాయపడలేను" అని రీట్వీట్ చేశారు. మరి సుష్మకు ఈతరహాలో ఇంకెన్ని ట్వీట్లు వస్తాయో పాపం..