క్రిస్మస్ ప్రతి సంవత్సరం డిసెంబర్ 25న జరుపుకుంటారు. ఇది క్రైస్తవ మతస్తులు చాలా ఇష్టంగా  జరుపుకునే అత్యంత పవిత్రమైన పండుగ. దీనిని  యేసుక్రీస్తు జన్మదినంగా జరుపుకుంటారు. ఈ పండుగ వెనుక మతపరమైన ప్రాముఖ్యత మాత్రమే కాకుండా శాంతి, ప్రేమ,  ఐక్యత వంటి చాలా విషయాలు నిగూఢంగా దాగున్నాయి. క్రిస్మస్ సందర్భంగా క్రిస్మస్ చెట్టును అలంకరించే సంప్రదాయం ఉంది. చాలా మంది లైట్లతో కూడిన నక్షత్రాలను ఇంటి గుమ్మాలకు,  ఇళ్ళలో వేలాడదీస్తారు.  ఇంకా ఇళ్లలో క్రిస్మస్ ట్రీ కూడా ఏర్పాటు చేస్తారు. అయితే క్రిస్మస్ ట్రీ ఏర్పాటు చేయడం వెనుక కారణం ఏంటి? తెలుసుకుంటే..

క్రిస్మస్..

మానవాళిని పాపాల నుండి విముక్తి చేయడానికి.  ప్రేమ, దయ,  సహనం ప్రాముఖ్యతను.. వాటి సందేశాన్ని అందించడానికి యేసుక్రీస్తు జన్మించాడు. యేసుక్రీస్తు ఒక గుహలో జన్మించాడని నమ్ముతారు. అక్కడ గొర్రెల కాపరులు అతని పుట్టుక గురించి అందరికీ తెలియజేసారు. క్రైస్తవ విశ్వాసాల ప్రకారం, యేసుక్రీస్తు దేవుని కుమారుడు.  ఆయన జీవితం మానవాళి సంక్షేమానికి అంకితమైంది. యైసుక్రీస్తు బోధనలను గుర్తుంచుకోవడం,  వాటిని  జీవితంలో అమలు చేయడం క్రిస్మస్ ముఖ్య ఉద్దేశ్యంగా పరిగణిస్తారు. ముఖ్యంగా  యేసుక్రీస్తు చేసిన త్యాగాన్ని గుర్తుచేసుకుంటారు.

క్రిస్మస్ చెట్టు..

క్రిస్మస్ చెట్టును అలంకరించే సంప్రదాయం  చరిత్రలో  16వ శతాబ్దం కాలం నుండి ఉంది. ఈ సంప్రదాయం జర్మనీలో ప్రారంభమైంది. ఇక్కడ ప్రజలు శీతాకాలంలో తమ ఇళ్లను సతత హరిత చెట్లతో అలంకరిస్తారు. ఈ చెట్టు శీతాకాలంలో కూడా పచ్చగా ఉంటుంది.  ఇది జీవితంలో ఆశ..  దేవుని పట్ల శాశ్వతమైన ప్రేమకు చిహ్నం. చలికాలంలో ఈ సంప్రదాయం ప్రపంచవ్యాప్తంగా ప్రాచుర్యం పొందింది. చలికాలంలోనే క్రిస్మస్ జరుపుకునే సందర్భంగా క్రిస్మస్ చెట్లను అన్ని చోట్ల ఏర్పాటు చేస్తుంటారు.

క్రిస్మస్ చెట్టు సింబాలిక్ వెనుక కారణాలు..

క్రిస్మస్ నాడు ఏర్పాటు చేసే క్రిస్మస్ ట్రీ లో వివిధ వస్తువులు ఏర్పాటు చేస్తారు. ఇందులో   కనిపించే నక్షత్రాలు కాంతికి  చిహ్నాలుగా పరిగణించబడతాయి. ఇవి  జీవితం నుండి చీకటిని తొలగిస్తాయి,  జీవితంలో ఉత్సాహాన్ని..  ఆనందాన్ని నింపుతాయి. చెట్టుపై ఉంచిన దీపాలు దేవుని కాంతిని సూచిస్తాయి. ఇది ప్రతి కష్టంలో మార్గనిర్దేశం చేస్తుంది.

అలంకరణ..

క్రిస్మస్ చెట్టును రంగురంగుల బంతులు, రిబ్బన్లు,  గంటలతో అలంకరిస్తారు. ఈ అలంకరణలు ఆనందాన్ని,వ వేడుకలను సూచిస్తాయి.

బహుమతులు..

చెట్టు కింద ఉంచిన బహుమతులు ప్రేమ, దాతృత్వం,  పరస్పర ప్రేమను సూచిస్తాయి. ఈ సంప్రదాయం పిల్లలు, కుటుంబ సభ్యులలో ప్రత్యేక ఆనందాన్ని తెస్తుంది.

క్రిస్మస్ చెట్టును అలంకరించడం వెనుక  లోతైన మతపరమైన,  సాంస్కృతిక ప్రాముఖ్యతను కలిగి ఉంది. ఇది యేసుక్రీస్తు జననాన్ని స్మరించుకోవడమే కాకుండా సంఘీభావం,  వేడుకల జరుపుకోవడానికి ఒక మార్గంగా  కూడా భావిస్తారు. కుటుంబం,  స్నేహితులు కలిసి క్రిస్మస్  జరుపుకుంటారు. క్రిస్మస్ కేవలం పండుగ మాత్రమే కాదు.. జీవితంలో మంచితనాన్ని, ప్రేమను,  కరుణను కలిగి ఉండాలనే స్ఫూర్తినిస్తుంది. పరిస్థితులు ఎలా ఉన్నా, మనలో ప్రేమ,  దయ అనే లక్షణాలను కాపాడుకోవాలని  బోధిస్తుంది. క్రిస్మస్ చెట్టు,  దాని అలంకరణలు జీవితంలో ఆశ, శాంతి,  ఆనందాన్ని సూచిస్తాయి.

                                            *రూపశ్రీ.