కేసీఆర్ మంత్రివర్గంలో బాలకృష్ణ
posted on May 31, 2014 @ 10:10AM
కేసీఆర్ మంత్రివర్గంలో , కేటీఆర్, హరీష్ రావు, ఈటెల రాజేందర్ తదితరులు ఉంటారని ఇప్పటికే రూడీ అయ్యింది. ఇప్పుడు తాజాగా మరో ఇద్ద్దరి పేర్లు బయటపడ్డాయి. మానకొండూరు ఎమ్మెల్యే రసమయి బాలకిషన్, ఆసిఫాబాద్ ఎమ్మెల్యే లక్ష్మి కూడా 15 మందితో కూడిన కేసీఆర్ మంత్రివర్గంలో ఉన్నట్లు తాజా సమాచారం. కేసీఆర్ తన మంత్రి వర్గంలో అన్ని సామాజిక వర్గాలకు తగు ప్రాధాన్యం ఉండేలా జాగ్రత్తలు తీసుకొంటూనే, అదే సమయంలో తెలంగాణాలో పది జిల్లాలకు కూడా ప్రాతినిధ్యం కపిన్చినట్లు తెలుస్తోంది. ఎల్లుండి ఆయనతో బాటు ప్రమాణం స్వీకారం చేయబోయే మంత్రుల పేర్లను రేపు సాయంత్రం ఆయన గవర్నరుకు అందజేస్తారు. ఆ తరువాతనే వారందరి పేర్లు మీడియా చేతికి చిక్కే అవకాశం ఉంది. కేసీఆర్ మరియు ఆయన మంత్రివర్గ సభ్యులు జూన్ రెండున ఉదయం 8.45 గంటలకు రాజ్ భవన్ లో ప్రమాణ స్వీకారం చేయబోతున్నారు. అదేరోజు ఉదయం ఆరు గంటలకు రాష్ట్ర హైకోర్టు ప్రధాన న్యాయమూర్తి తెలంగాణకు గవర్నర్ గా నియమితులయిన నరసింహన్ చేత ప్రమాణ స్వీకారం చేయిస్తారు. ఆ తరువాత ఆయన కేసీఆర్ మంత్రి వర్గం చేత ప్రమాణ స్వీకారం చేయిస్తారు.