విజయవాడలో బీసీ సంఘాల సదస్సు..
posted on Feb 9, 2016 @ 12:24PM
విజయవాడలో ఆర్.కృష్ణయ్య ఆధ్వర్యంలో బీసీ సంఘాల సమావేశం జరగుతుంది. ఈ సందర్భంగా ఆయన మాట్లాడుతూ ఇది ఆకలి పోరాటం కాదు.. ఆత్మగౌరవ పోరాటం అని అన్నారు. కాపుల్ని బీసీల్లో ఏ ప్రతిపాదికన చేర్చుతారంటూ గతంలోనే హైకోర్టు ప్రశ్నించింది అని గుర్తుచేశారు. అంతేకాదు జనాభాకు తగినట్టు విద్య, ఉద్యోగ, రాజకీయాల్లో ప్రాతినిధ్యం లేకుంటేనే బీసీల్లో కలపడానికి అర్హత ఉంటుంది.. అయినా బీసీలకు రిజర్వేషన్లు కల్పించాలే తప్ప ఇతర కులాల్ని చేర్చకూడదని అన్నారు. సమాజంలో చిన్న చూపుకి గురవుతున్న కులాలవారికి.. అన్ని రంగాల్లో ప్రాతినిధ్యం కల్పించాలన్నదే రిజర్వేషన్ల ఉద్దేశం. బలప్రయోగం ద్వారా బీసీల్లో కలపాలని చూస్తే మాత్రం ఉత్తరాదిన జూట్ కు పట్టిన గతే పడుతుందని హెచ్చరించారు.