ఒబామా కూతురి పార్ట్ టైం జాబ్... ఆరుగురు సీక్రెట్ ఏజెంట్లు..
posted on Aug 8, 2016 @ 3:21PM
ఆమె చేసేదే పార్ట్ టైం జామ్. కానీ ఆమెకు ఆరుగురు సీక్రెట్ సర్వీసు ఏజెంట్లు కాపలా. వినడానికి విచిత్రంగా ఉన్నా ఇది నిజం. ఇంతకీ ఎవరా అమ్మాయి.. ఆమెకు సీక్రెట్ ఏజెంట్లు ఎందుకు అంటారా..? ఇంతకీ సంగతేంటంటే.. అమెరికా అధ్యక్ష పదవిలో ఉన్న బరాక్ ఒబామా చిన్న కూతురు సాషా మసాచుసెట్స్ లోని ఓ రెస్టారెంట్లో పార్ట్ టైం జాబ్ చేస్తున్న సంగతి తెలిసిందే. రెస్టారెంట్ యూనిఫాం అయిన టీ షర్ట్, టోపీ పెట్టుకొని ఆమె సాధారణ అమ్మాయిలా అక్కడ పనిచేస్తున్న తీరుకు చాలా మంది ఆశ్చర్యపోతున్నారు. అంతేకాదు ఆమె సర్వ్ చేసే ఫుడ్ కోసం కస్టమర్లు కూడా ఎక్కువయ్యారట. ఇక ఎంతైనా ఆమె సామన్యమైన మనిషి కాదు.. ఒబామా కూతురు.. అందుకే ఆమెకు ఆరుగురు సీక్రెట్ సర్వీస్ ఏజెంట్లను నియమించారు. కాగా జనవరి 20న అమెరికా అధ్యక్ష బాధ్యతల నుంచి బరాక్ వైదొలగనున్న సంగతి తెలిసిందే. తమ పిల్లలు సాధారణ జీవనానికి అలవాటు పడేందుకు ఇలా జాబ్ చేయడం తప్పు కాదని మిషెల్ ఒబామా అభిప్రాయపడ్డారు.