'మిస్ అమెరికా' పోటీల్లో విజేత తెలుగమ్మాయి
posted on Sep 16, 2013 @ 11:04AM
'మిస్ అమెరికా' కిరీటాన్ని మిస్ న్యూయార్క్ నీనా దావులూరి (24) కైవసం చేసుకున్నారు. 15మంది సెమీ ఫైనలిస్ట్ లనూ అధిగమించి అందాల కీరిటాన్ని అందుకున్నారు. 'మిస్ అమెరికా' కిరీటాన్ని సొంతం చేసుకున్న తొలి ప్రవాస భారతీయురాలు దావూలూరి నీనా.ప్లాస్టిక్ సర్జరీపై జడ్జిలు అడిగిన ప్రశ్నకు నీనా బదులిస్తూ... తాను పూర్తిగా సర్జరీకి వ్యతిరేకమని, ఒకసారి ప్లాస్టిక్ సర్జరీ చేయించుకుంటే నచ్చిన నచ్చకున్నా దానితోనే ఉండాలని కానీ కృత్రిమపరంగా పుట్టుకతో వచ్చే శారీరక అందంతోపాటు ఏ సర్జరీకి తలవంచని మానసిక అందమే గొప్పదని ఆమె చెప్పిన సమాధానం ఆకట్టుకుంది. ఆత్మవిశ్వాసంతో ఏదైనా సాధించవచ్చునని ఆమె చెప్పారు. కాగా, మిస్ అమెరికా రేసులో నిన్నటి వరకు ఇద్దరు ప్రవాసాంధ్ర అందగత్తెలు పోటీ పడ్డారు. హైదరాబాదుకు చెందిన పామర్తి బిందు(23), నీనా దావులూరిలు ఉన్నారు.నీనాకు అమెరికా తరపున 50వేల డాలర్లు ఉపకర వేతనం రూపంలో అందనున్నాయి.