రాష్ట్ర మంత్రి కన్నా లక్ష్మీనారాయణ కాబోయె ముఖ్యమంత్రి అంటూ ప్లేక్సిలు వెలిశాయి. గుంటూరులో జరిగిన రచ్చబండలో కాబోయే ముఖ్యమంత్రి కన్నా లక్ష్మీనారాయణ అంటూ కటౌట్లు, ఫ్లెక్సీలు పెట్టేశారు. దీంతో ఇది చర్చానీయాంశం అయింది. అదే సమయంలో కన్నా పిసిసి మాజీ అధ్యక్షుడు డి.శ్రీనివాస్ తో భేటీ అవడం కూడా గమనించదగ్గ అంశంగా ఉంది. కొన్ని రోజుల క్రితం సోనియాగాంధీని ఆయన కలిసి రాగానే ఆయన సీమాంధ్ర ముఖ్యమంత్రి రేసులో ఉన్నారని ప్రచారం మొదలయింది. ఆయన పదవికి ఆశపడి అధిష్టానం ఆదేశాల మేరకు విభజనకు మొగ్గు చూపుతున్నాడని ఆరోపణలు మొదలయ్యాయి. అయితే అలాంటిది ఏమీ లేదని, తాను ముఖ్యమంత్రి రేసులో లేనని కన్నా తేల్చిచెప్పారు. ఆయన అభిమానులు త్వరలో కాబోయే ముఖ్యమంత్రి అని బోర్డులు పెట్టడం విశేషం.