ట్రంప్ కు నిరసనల వెల్లువ.. నగ్న చిత్రాలతో..
posted on Aug 19, 2016 @ 10:46AM
అమెరికా అధ్యక్షబరిలో ఉన్న డొనాల్డ్ ట్రంప్ చేసే వివాదాస్పద వ్యాఖ్యలకు ఫలితంగాను ఇప్పుడు ఎక్కడ చూసినా ఆయనకు వ్యతిరేకంగా నిరసనలు తలెత్తుతున్నాయి. మొదట్లో ఆయన చేసిన వ్యాఖ్యలను అంతలా పట్టించుకోకపోయినా.. రాను రాను నిరసనలు మొదలయ్యాయి. ఇప్పటికే అమెరికా యువత ట్రంప్ కు వ్యతిరేకంగా ఉన్నట్టు ఓ సర్వే ప్రకారం తెలిసింది. ఇప్పుడు తాజాగా మరో నిరసన చెపట్టారు. అది కూడా ట్రంప్ నగ్న విగ్రహం పెట్టి. మన్ హట్టన్ ప్రాంతంలోని యూనియన్ స్క్వేర్ వద్ద ‘ఇండిక్లెయిన్’ పేరిట జట్టు కట్టిన ఆర్టిస్టులు.. ట్రంప్ శరీర వర్ణంతోనే నగ్న విగ్రహం తయారుచేసి అక్కడ ఏర్పాటు చేశారు. ఇక సమాచారం అందుకున్న అధికారులు అక్కడికి వెళ్లి ఆపాలనుకున్నా.. అప్పటికే జరగాల్సింది జరిగిపోయింది. అందరూ తమ ఫోన్లలో.. కెమెరాల్లో బంధించేశారు. అంతేకాదు ట్రంప్ వైఖరికి నిరసన తెలపడానికే ఇలా చేశామని.. ఇంకా ఇలాంటి తరహా నిరసనలు తెలుపుతామని ‘ఇండిక్లెయిన్’ సభ్యులు చెబుతున్నారు. మరి ట్రంప్ దీనిపై ఎలా స్పందిస్తారో చూడాలి.