దేశంలో మోడీ హవా లేదని సోనియాగాంధీ పుత్రికా రత్నం ప్రియాంక తనకు అంతా తెలిసినట్టు చెప్పేశారు. ఢిల్లీలో జరుగుతున్న ఎన్నికలలో ఓటు వేయడానికి తన భర్త రాబర్ట్ వధేరాతో కలసి పోలింగ్ స్టేషన్‌కి ప్రియాంక వచ్చారు. ఓటు వేసిన అనంతరం మొగుడూ పెళ్ళాలిద్దరూ తమ చూపుడు వేళ్ళ మీద వున్న ఇంకు గుర్తులను మీడియాకు చూపించారు. ఈ సందర్భంగా మీడియా వాళ్ళు దేశంలో మోడీ గాలులు వీస్తున్నాయంటున్నారు. ఈ విషయంలో మీరేమంటారని ప్రశ్నిస్తే, ‘మోడీ గాలులు వీస్తున్నాయా? ఆ గాలులేవీ నాకు కనిపించలేదు’ అని ప్రియాంక జోకేసింది. దేశంలో ఎక్కడా మోడీ హవా లేదని ఆ తర్వాత తన జోక్‌ని విడమరచి చెప్పింది. చూడమ్మా ప్రియాంకా.. గాలి కనిపించదు.. దాని ప్రభావం మాత్రం త్వరలో నీకు కనిపిస్తుందని అక్కడున్నవాళ్ళు మనసులో అనుకోకుండా వుండి వుంటారా?