జనగాం శాసనసభ ఎన్నికల వివాదం కేసులో రాష్ట్ర ఐటీ శాఖ మంత్రి పొన్నాల లక్ష్మయ్య హైకోర్టుకు హాజరయ్యారు. ఈ కేసుపై విచారణ జరిపిన కోర్టు మంత్రి పొన్నాల వాంగ్మూలంను రికార్డు చేసింది. తరుపరి విచారణను రేపటికి వాయిదా వేసింది. 2009 ఎన్నికల్లో పొన్నాల లక్ష్మయ్య వరంగల్ జిల్లా జనగాం శాసనసభా నియోజకవర్గం నుంచి 236 ఓట్ల తేడాతో గెలిచిన విషయం తెలిసిందే. పొన్నాల లక్ష్మయ్య 2009 ఎన్నికల్లో కాంగ్రెసు పార్టీ తరఫున పోటీ చేయగా, కొమ్మూరి ప్రతాప రెడ్డి తెలంగాణ రాష్ట్ర సమితి (టీఆర్ఎస్) తరఫున పోటీ చేశారు. స్వల్ప మెజారిటీతో గెలిచిన పొన్నాల లక్ష్మయ్యపై కొమ్మూరి ప్రతాప రెడ్డి న్యాయ పోరాటానికి దిగారు.