గుడివాడలో టిడిపి అభిమానులు చంద్రబాబు నాయుడు ను ముఖ్యమంత్రి చేశారు. అదేంటి చంద్రబాబు ముఖ్యమంత్రి కావడం ఏంటి అనుకుంటున్నారా? ప్రస్తుతం చంద్రబాబు "వస్తున్నా...మీ కోసం" పాదయాత్ర గుడివాడలో జరుగుతున్న నేపథ్యంలో ఆయన అభిమానులు ఆయన ముఖ్యమంత్రి అయినట్లు, కుర్చీ మీద కూర్చున్నట్లు …రుణ మాఫీ ప్రకటించినట్లు..తొలిసంతకం ఆ ఫైలు మీద పెట్టినట్లు ఫ్లెక్సీలు తయారు చేసి కట్టేశారు. కాబోయే ముఖ్యమంత్రి చంద్రబాబేనని అభిమానులు చెబుతున్నారు. చంద్రబాబు ముఖ్యమంత్రి కాగానే ఇవన్నీ ఖాయం అని అంటున్నారు. ఇది సహజంగానే టిడిపి అభిమానులకు సంతోషం కలిగించే వార్తే.