9.   మదవతి యొకతె మృ | దంగము పై గొని
           మధుర స్వప్నమున - మాణిత మాడును |
                                  సుందరాంగి యొక - పణవము జేకొని
                                  శయనించుచు తన - ప్రియుని అంకమని |
           స్వహస్తముల - స్తనములబూని
           కిల కిల లాడును - కోమలి కలగని |
                                లంకేశుడు శయ | నించె కాంతలతో
                                సీతకై వెదకె - మారుతి ఆశతో ...    ||శ్రీ||
    10.   అందొక వంక ప | ర్యంకము జేరి
            నిదురించుచుండె - దివ్యమనోహరి |
                            నవరత్న  ఖచిత - భూషణ ధారిణి
                            నలువంకలను కాంతి ప్రసారిణి |
            స్వర్ణ దేహిని - చారురూపిణి
            రాణులకు రాణి - పట్టపు రాణి
                            లంకేశ్వరుని - హృదయేశ్వరి
                            మండోదరి లో | కోత్తర సుందరి ....     ||శ్రీ||
     11.   మండోదరిని - జానకి యనుకొని
              ఆడుచు పాడుచు - గంతులు పెట్టి
                             వాలము బట్టి - ముద్దులు పెట్టి
                              నేలను గొట్టి - భుజములు తట్టి |
              స్తంభము లెగసి - క్రిందకు దుమికి
              పల్లటీలు గొట్టి - చెంగున జుట్టి |
                                  చంచలమౌ క | పి స్వభావమును
                                  పవన తనయుడు ప్ర | దర్శన జేసెను .....    ||శ్రీ||
                                       __: 10 వ. స. సంపూర్ణము :_
                                11 వ. సర్గ
    1.   "రాముని సీత | ఇటులుండునా?
            రావణు జేరి | శయనించునా ?
                              రాముని బాసి | నిదిరించునా ?
                              | భుజియించునా భూ | షణములు దాల్చునా ?
            పరమపురుషుని - రాముని మరచునా ?
            పరపురుషునితో - కాపురముండునా ?
                              సీతకాదు కా | దు కానే కాద" ని
                              మారుతి వగచుచు - వెదక సాగెను ....    ||శ్రీ||
    2.   "పోవగరాని - తావుల బోతి
            చూడగరానివి - ఎన్నో జూచితి |
                               నగ్నముగా ప | రున్న పరకాంతల
                                పరిశీలనగా - పరికించితిని |
            రతికేళి సలిపి - సోలిన రమణుల
            ఎందెందరినో - పొడగాంచితిని |
                           ధర్మము గానని - పాపినైతి" నని |
                            పరితాపముతో - మారుతి కృంగెను ....     ||శ్రీ||
    3.   "సుదతుల తోడ - సీత యుండగ
            వారల జూడక - వెదకుటేలాగ ?
                                   మనసున ఏమి వి | కారము నొందక
                                   నిష్కామముగ వి | వేకము వీడక |
            సీతను వెదకుచు - చూచితి గాని
            మనసున ఏమి - పాప మెరుగ" నని |
                               స్వామి సేవ పర | మార్ధముగా గొని 
                                మారుతి సాగెను - సీతకోసమని ....     ||శ్రీ||
                               __: 11 వ. స. సంపూర్ణము :__
                               12 వ. సర్గ
    1.   భూమీ గృహములు - నిశాగృహములు
           క్రీడా గృహములు - లతాగృహములు |
                              ఆరామములు - చిత్రశాలలు
                               బావులు తిన్నెలు - రచ్చ వీధులు |
           మేడలు మిద్దెలు - ఇళ్ళు కోనేళ్ళు
           సందులు గొందులు - బాటలు తోటలు |
                                ఆగి ఆగి ఆడు | గడుగున వెదకుచు
                                సీతను గానక - మారుతి వగచె ....     ||శ్రీ||
    2.   "సీతామాత - బ్రతికి యుండునో
            క్రూర రాక్షసుల - పాల్పడి యుండునో |
                            తాను పొందని - సీత యెందుకని
                            రావణుడే హత | మార్చి యుండునో |"
            అని యోచించుచు - అంతట వెదకుచు
            తిరిగిన తావుల - తిరిగి తిరుగుచు |
                               ఆగి ఆగి అడు | గడుగున వెదకుచు
                               సీతను గానక - మారుతి వగచె ....   ||శ్రీ||
                                __: 12 వ. స. సంపూర్ణము :__