13.   | "మహా పతివ్రత | ను లోకమాతను
             ఎంత హీనముగ - తలపోసినాను |
                                 రావణాసురుడు - ఇంతటనైన
                                  రాముని సీతను - రాముని కొసగిన
               శాంతి భద్రతలు - నిలుచును గాని
            | లేకున్న లంకకు - చేటు కాల" మని |
                                      సీతను గానక - యోచన జేయుచు
                                      మారుతి వెదకెను - కడు చింతించుచు     ||శ్రీ||
                                 __: 9 వ స. సంపూర్ణము :__
                                   10 వ. సర్గ
    లంకేశ్వరుని దివ్య శయనము :__
    1.   స్పటిక మణులతో - నిర్మితమైనది
           రత్న కాంతులతో - వెలుగొందునది |
                             సుగంధములతో - నిండియున్నది
                             దంతపు పనులతో - అమరియున్నది |
           ఉన్నతమై వి | శాలమైనది
           స్వర్గతుల్యమై - అలరారునది |
                             లంకేశ్వరుని - దివ్య శయనమది
                              మారుతి గాంచెను - అచ్చెరువొంది ....    ||శ్రీ||
    2.   మావి కాజిన - నంవృతమైనది
           అతి మృదువై మ | నోహరమైనది | 
                          అశోక కుసుమ - మాలలల్లినది
                          చంద్రుని బోలిన - చత్రమున్నది |
           స్వర్ణమయమై - రంజిల్లునది
           సూర్యకాంతులతో - భాసిల్లునది |
                             లంకేశ్వరుని - దివ్య శయనమది
                             మారుతి గాంచెను - అచ్చెరువొంది ....    ||శ్రీ||
    3.   ఐరావతము - దంతపు మొనలతో
           పోరున బొడిచిన - గంటులతో |
                         వజ్రాయుధపు - ప్రఘాతములతో
                          చక్రాయుధపు  - ప్రహరణములతో |
           జయం పరంపరల - గురుతులతో
           కీర్తి చిహ్నముల - కాంతులతో |
                             లంకేశుడు శయ | నించె కాంతలతో
                             సీతకై వెదకె - మారుతి ఆశతో ...    ||శ్రీ||
    4.   మినప రాశివలె - నల్లనివాడు
           తీక్షణ దృక్కుల - లోహితాక్షుడు |
                              రక్త చందన - చర్చితగాత్రుడు
                              సంధ్యారుణ ఘన - తేజోవంతుడు |
            సతులగూడి మధు - గ్రోలినవాడు
            రతికేళి సలిపి - సోలినవాడు |
                             లంకేశుడు శయ | నించె కాంతలతో
                             సీతకై వెదకె - మారుతి ఆశతో ...    ||శ్రీ||
    5.   సులక్షనమౌ - సుందరాంగుడు
           మణిమయ భూషిత - కామరూపుడు |
                           భుజబల తేజుడు - మహావీరుడు
                            దశకంఠుడు వి | శాల వక్షుడు |
           పద్మముఖులచే - పరివేష్టితుడు
           పద్మాకరమున - కరి సదృశుడు |
                           లంకేశుడు శయ | నించె కాంతలతో
                           సీతకై వెదకె - మారుతి ఆశతో ...    ||శ్రీ||
    6.   శ్రేష్టమైన పీ | తాంబర ధారుడు
           షడ్రసోపేత | మృష్టాన్న ప్రియుడు |
                               మధువాసనల - బుసగోట్టువాడు
                               కోడెత్రాచువలె - శయనించువాడు |
           మణిమయ కుండల - మండిత వదనుడు
           జరిగిన స్వర్ణ కి | రీట శోభితుడు |
                               లంకేశుడు శయ | నించె కాంతలతో
                                సీతకై వెదకె - మారుతి ఆశతో ...    ||శ్రీ||
    7.   ఉత్తమాంగనల - ఆలింగనముల
           పరిమళితములత | ని సర్వాంగములు |
                           అయిదు తలలు గల - పెనుబాములు
                            తీరుగ బలిసిన - అతని బాహువులు |
           చంద్రకాంతి లో - మెరసే మేఘము
           చంద్రముఖులతో - అతని దేహము |
                             లంకేశుడు శయ | నించె కాంతలతో
                             సీతకై వెదకె - మారుతి ఆశతో ...    ||శ్రీ||
    8.   వీణావేణు మృ | దంగ వాద్యముల
           ఆటల పాటల - అలసిన యువతులు
                               వీణను చేరి ని | దురించు గాయని
                                చుంబనలిడు తన - ప్రియుడే యనుకొని  |
           మరియొక జవ్వని - పిల్లనగ్రోవిని
           మత్తుగ ముద్దిడు - మగడే యనుకొని |
                             లంకేశుడు శయ | నించె కాంతలతో
                              సీతకై వెదకె - మారుతి ఆశతో ...    ||శ్రీ||