శ్రీ లక్ష్మీ అష్టోత్తర శతనామ స్తోత్రమ్
శ్రీ లక్ష్మీ అష్టోత్తర శతనామ స్తోత్రమ్
ఓం దేవ్యువాచః
దేవదేవ మహాదేవ త్రికాలజ్ఞ మహేశ్వర !
కరుణాకర దేవేశ భక్తానుగ్రహ కారక !!
అష్టోత్తరశతం లక్ష్మ్యాః శ్రోతుమిచ్ఛామి తత్త్వతః !!
ఈశ్వర ఉవాచః :-
దేవిసాధు మహాభాగే మహాభాగ్య ప్రదాయకం !
సర్వైశ్వర్యకరం పుణ్యం సర్వపాప ప్రణాశనం !!
సర్వదారిద్ర్యశమనం శ్రవణాద్భుక్తి ముక్తిదం !
రాజవశ్యకరం దివ్యం గుహ్యాద్గుహ్యతరం పరం !!
దుర్లభం సర్వదేవానాం చతుష్పష్ణి కలాస్పదం !
పద్మాదీనాం పరాంతాంనాం నిధీనాం నిత్యదాయకం !!
నమస్తదేవసంసేవ్య మణిమాద్యష్ణ సిద్ధిదమ్ !
కిమత్ర బహునోక్తేన దేవీ ప్రత్యక్షదాయకం !!
తవప్రీత్యాపాద్య వక్ష్యామి సమాహిత మనాశ్శృణు.
అష్టోత్తర శతస్యాస్య మహాలక్ష్మీస్తు దేవతా
క్లీం బీజపద మిత్యుక్తం శక్తిస్తు భువనేశ్వరీ
అంగన్యాసః కరన్యాసః స ఇత్యాది ప్రకీర్తితః
ధ్యానం :-
వన్దే పద్మకరాం ప్రసన్నవదనాం సౌభాగ్యదాం భాగ్యదాం !
హస్తాభ్యా మభయప్రదాం మణిగణై ర్నానావిధై ర్భూషితాం !
భక్తాభీష్ణ ఫలప్రదాం హరి హర బ్రహ్మాదిభి స్సేవితాం !
పార్శ్వేపంకజ శంఖ పద్మనిధిభిర్యుక్తాం సదా శక్తిభిః !!
సరసిజనయనే సరోజహస్తే ధవళతరాంశుక గంధమాల్య శోభే !
భగవతి హరివల్లభే మనోజ్ఞే త్రిభువనభూతికరి ప్రసీద మహ్యమ్ !!
ప్రకృతిం వికృతిం విద్యాం సర్వభూత హితప్రదాం !
శ్రద్ధాం విభూతిం సురభిం నమామి పరమాత్మికామ్ !!
వాచం పద్మాలయాం పద్మాం శుచిం స్వాహాం స్వధాం సుధాం !
ధన్యాం హిరణ్మయీం లక్ష్మీం నిత్యపుష్ణాం విభావరీమ్ !!
అదితిం చ దితిం దీప్తాం వసుధాం వసుధారిణీం !
నమామి కమలాం కాన్తాం కామాక్షీం క్రోధ (క్షమాం క్షీరోద) సంభవాం !!
అనుగ్రహపరాం (ప్రదాం) బుద్ధిం అనఘాం హరివల్లభాం !
అశోకా మామృతాం దీప్తాం లోకశోక వినాశినీం !!
నమామి ధర్మనిలయాం కరుణాం లోకమాతరం !
పద్మప్రియాం పద్మహస్తాం పద్మాక్షీం పద్మసుందరీం !!
పద్మోద్భావాం పద్మముఖీం పద్మనాభప్రియాం రమాం !
పద్మమాలా ధరాం దేవిం పద్మినీం పద్మగంధినీం !!
పుణ్యగంధాం సుప్రసన్నాం ప్రసాదాభిముఖీం ప్రభాం !
నమామి చంద్రవదనాం చంద్రాం చంద్రసహోదరీం !!
చతుర్భుజాం చంద్రరూపాం ఇన్దిరా మిన్దుశీతలాం !
ఆహ్లాద జననీం పుష్టిం శివాం శివకరీం సతీం !!
విమలాం విశ్వజననీం తుష్ణిం (పుష్ణిం) దారిద్ర్య నాశినీం !
ప్రీతిపుష్కరిణీం శాంతాం శుక్లామాల్యంబరాం శ్రియం !!
భాస్కరీం బిల్వ నిలయాం వరారోహాం యశస్వినీం !
వసుంధరాం ఉదారాంగాం హరిణీం హేమమాలినీం !!
ధనధాన్యకరీం సిద్ధిం స్త్రైణసౌమ్యాం శుభప్రదాం !
నృపవేశ్మ గతానందాం వరలక్ష్మీం వసుప్రదాం !!
శుభాం హిరణ్య ప్రాకారాం సముద్రతనయాం జయామ్ !
నమామి మంగళాం దేవీం విష్ణు వక్షస్థ్సల స్థితాం !!
విష్ణుపత్నీం ప్రసన్నాక్షీం నారాయణ సమాశ్రితాం !
దారిద్ర్య ధ్వంసినీం దేవీం సర్వోపద్రవ వారిణీం !!
నవదుర్గాం మహాకాళీం బ్రహ్మ విష్ణు శివాత్మికాం !
త్రికాల జ్ఞాన సంపన్నాం నమామి భువనేశ్వరీం !!
లక్ష్మీం క్షీరసముద్ర రాజ తనయాం శ్రీ రంగధామేశ్వరీం !
దాసీభూత సమస్తదేవ వనితాం లోకైక దీపాంకురాం
శ్రీ మన్మందకటాక్ష లబ్ద విభవ బ్రహ్మేంద్ర గంగాధరాం
త్వాం త్రైలోక్య కుటుంబినీం సరసిజాం వన్దే ముకున్దప్రియాం
మాత ర్నమామి కమలే కమలాయతాక్షి !
శ్రీవిష్ణు హృత్కమలవాసిని విశ్వమాతః
క్షీరోదజే కమల కోమల గర్భ గౌరి !
లక్ష్మీ ప్రసీద సతతనం నమతాం శరణ్యే !!
త్రికాలం యో జపేద్విద్వాన్ షణ్మాసం విజితేంద్రియః !
దారిద్య్ర ధ్వంసనం కృత్వా సర్వమాప్నోత్యత్నతః !!
దేవీనామ సహస్రేషు పుణ్య మష్టోత్తరం శతం !
యేనశ్రియ మవా ప్నోతి కోటిజన్మ దరిద్రతః !!
భృగు వారే శతం ధీమాన్ పఠే ద్వత్సర మాత్రకం !
అష్టైశ్వర్య మవాప్నోతి కుబేర ఇవ భూతలే !!
దారిద్ర్యమోచనం నామస్తోత్ర మంబా పరం శతం !
యేన శ్రియ మవాప్నోతి కోటిజన్మ దరిద్రతః !!
భుక్త్వాతు విపులాన్ భోగాన్ అంతే సాయుజ్య మాప్నుయాత్ !
ప్రాతఃకాలే పఠేన్నిత్యం సర్వదుఃఖోపశాన్తయే !
పఠం స్తు చిన్తయే ద్దేవీం సర్వాభరణ భూషితామ్ !!
ఇతి శ్రీ లక్ష్మీ అష్టోత్తర శతనామ స్తోత్రం.