కళ్లకింద నల్లటి వలయాలు ఉన్నాయా.. ఆయుర్వేదం చెప్పిన ఈ మ్యాజిక్ టిప్ ట్రై చేయండి..!

కళ్ళ కింద నల్లటి వలయాలు అనేక కారణాల వస్తుంటాయి.  కళ్ల కింద నల్లటి వలయాలు ఎక్కువగా రావడానికి కారణం మనమే అంటుంది ఆయుర్వేదం.   దీనికి మనం ఎలా బాధ్యత వహిస్తామని  ఆశ్చర్యం కలుగుతుంది. తమ ముఖాన్ని నాశనం చేసుకోవాలని ఎవరూ అనుకోరు.  కానీ తెలియకుండానే అది జరిగిపోతుంది. నేటికాలంలో చాలామంది నిద్రను నాశనం చేసుకుంటుంటారు. చాలా వరకు రాత్రంతా మేల్కొని ఉండటానికి అలవాటు పడిపోయి నిద్రను నిర్లక్ష్యం చేస్తుంటారు.  దీని ఫలితంగా   కళ్ళ కింద నల్లటి వలయాలు  వచ్చేస్తాయి. ఇవి మాత్రమే కాకుండా కళ్ల కింద నల్లటి వలయాలు రావడానికి చాలా ఇతర కారణాలు కూడా ఉంటాయి. అసలు కళ్ల కింద నల్లటి వలయాలు ఎందుకు వస్తాయి?  కళ్ళ కింద నల్లటి వలయాలు వదిలించుకోవడానికి ఆయుర్వేదం చెప్పిన పరిష్కారం ఏమిటి? తెలుసుకుంటే..

కళ్ల కింద నల్లటి వలయాలకు కారణాలు..

 కళ్ళ కింద నల్లటి వలయాలకు కారణాలు నిద్ర లేకపోవడం, ఒత్తిడి, తక్కువ హిమోగ్లోబిన్, పోషకాహార లోపాలు, ఇన్సులిన్ నిరోధకత, కాస్మెటిక్ అలెర్జీలు, కంటి అలెర్జీలు.

నల్లటి వలయాలు వదిలించుకునే కారణాలు..

కళ్ళ కింద నల్లటి వలయాలను తగ్గించుకోవడానికి అండర్ ఐ క్రీములు వాడుతుంటారు. ఈ క్రీములు చర్మాన్ని శుభ్రపరుస్తాయి. కానీ ఇవి కంటికి సంబంధించిన అనేక సమస్యలను కూడా కలిగిస్తాయి. ఈ క్రీములు,  ఆయింట్‌మెంట్లలో ఉపయోగించే రసాయనాలు కళ్ళకు హానికరం. చికాకు, వాపు, ఎరుపు,  మంటకు దారితీస్తాయి. కళ్ల కింద క్రీమ్ ఉపయోగించకుండా నల్లటి వలయాలు వదిలించుకోవాలంటే ఆయుర్వేదం చెప్పిన చిట్కా ఫాలో అవ్వాలి.

అతిమధురం..

అతిమధురం ఆయుర్వేదంలో చాలా గొప్ప మూలిక.  అతిమధురం పొడిని నీటిలో కలిపి పేస్ట్ లాగా చేయాలి.  దీన్ని కళ్ళ కింద ఉన్న నల్లటి వలయాల మీద లేపనం చేయాలి. ఇది  కళ్ళను చల్లబరుస్తుంది,  నల్లటి వలయాలను తగ్గిస్తుంది. ఇది మెలనిన్ ఉత్పత్తిని తగ్గిస్తుంది.  ఇది  చర్మానికి సహజమైన మెరుపును ఇస్తుంది.

బాదం నూనె..

 కళ్ళ కింద బాదం నూనెను నల్లటి వలయాలకు పూయడం వల్ల  చర్మానికి పోషణ ఇస్తుంది. బాదం నూనెలో విటమిన్ E పుష్కలంగా ఉంటుంది. ఇది చర్మ రంధ్రాలలో  ఉండే బ్లాకేజెస్  సరిచేయడానికి సహాయపడుతుంది.

రోజ్ ఆయిల్

ఈ నూనెను రోజ్‌షిప్ ఆయిల్ అంటారు. పిగ్మెంటేషన్  కొల్లాజెన్ సమస్యలను నివారించాలనుకుంటే రోజ్‌షిప్ ఆయిల్‌ను కూడా ఉపయోగించవచ్చు. ఇది చర్మానికి సహజమైన మెరుపును అందిస్తుంది.

                        *రూపశ్రీ.