cristmas special cake
క్రిస్మస్ కేక్
కావలసిన పదార్థాలు:
వెన్న - చిన్న కప్పు
చక్కెర - రెండు కప్పులు
గుడ్లు - ఆరు
మైదాపిండి - పావు కిలో
ఆరెంజ్ పండ్లు - రెండు
కేక్ పౌడర్ - కొద్దిగా
అల్యూమినియం పేపర్ - చిన్నది
పాలు - ఒక కప్పు
చక్కెర పొడి - ఒక కప్పు
కొబ్బరి తురుము - చిన్న కప్పు
తయారుచేయు విధానం:
* ఒక గిన్నెలో వెన్న వేసుకుని అందులో చక్కెర, గుడ్లు వేసి కలుపుకోవాలి. తరువాత ఈ మిశ్రమంలో ఆరెంజ్ ముక్కలు కూడా వేసి బాగా కలపాలి.
* ఇందులో పాలు, మైదా పిండి నెమ్మదిగా వేస్తూ కలుపుకోవాలి. ఇప్పుడు చక్కెర పొడి, కొబ్బరి తురుము కూడా వేసి కలపాలి.
* తరువాత మిశ్రమాన్ని మరీ మందంగా లేదా మరీ పలుచగా కాకుండా కేక్ పాన్లో వేసుకోవాలి. మిశ్రమాన్ని వేసుకునే ముందు దానిపై కొద్దిగా వెజిటబుల్ ఆయిల్ని రాయాలి.
* దీన్ని ఓవెన్లో పెట్టుకోవాలి. 45 నిమిషాల పాటు ఓవెన్లో 350 ఫారన్ హీట్ వద్ద వుంచాలి. ఎంతో రుచిగా వుండే కేక్ రెడీ.
* దీనిపై క్రీమ్తో డెకరేషన్ చేసుకోవాలి. దానిపై చెర్రీస్ అమరిస్తే మరింత బాగుంటుంది.