Home  
Analytical

కింగ్‌ మేకరే.. కింగ్‌ కాలేడు

  అభిమానులను ఊరించి.. ఊరించి ఫైనల్లీ తమిళనాడు సూపర్ స్టార్ రజనీకాంత్ రాజకీయాల్లోకి ఎంట్రీ ఇచ్చాడు. ఇక తలైవా ఎప్పుడైతే ఎంట్రీ ఇచ్చాడో.. ఒక్కసారిగా తమిళనాట మాత్రమే కాదు.. జాతీయ రాజకీయాల్లో కూడా హాట్ టాపిక్ గా మారింది. అంతేకాదు... ర‌జ‌నీ పార్టీ పేరేంటి ? ఆయ‌న పార్టీ ప్ర‌భావం త‌మిళ‌నాడులో ఎంత వ‌ర‌కు ఉంటుంది ? ఆయన ఒంటరిగా బరిలో దిగుతారా...? లేక పొత్తులతో ఎన్నికల బరిలో దిగుతారా...? ఎక్క‌డిక‌క్క‌డ హాట్ హాట్‌గా పొలిటిక‌ల్ డిస్క‌ర్ష‌న్లు న‌డుస్తున్నాయి. ఇక ఎవరి చర్చల్లో వారుంటే.. జ్యోతిష్యులు కూడా వారి పనిలో వారున్నారు.   రాజకీయాల్లో జ్యోతిష్యాలు చూడటం.. జోస్యాలు చెప్పడం కామనే. దీనిలో భాగంగానే... కర్ణాటకకు చెందిన ప్రముఖ జ్యోతిష్కుడు ప్రకాష్‌ అమ్మునై అప్పుడే రజనీగారి జోస్యం చెప్పారు. రజనీ జాతకాన్ని పరిశీలించిన ప్రకాష్‌.. తలైవాకి ముఖ్యమంత్రి అయ్యే యోగం ఏ మాత్రం లేదని తేల్చేశారు.  ‘‘రజనీకాంత్‌ ప్రజలను ఆకర్షించే సత్తా ఉన్న వ్యక్తి...మకర రాశి, సింహ లగ్నంలో జన్మించిన రజనీకాంత్‌కు రాజకీయాల్లో అడ్డు ఉండబోదని.. ఆయన రాజకీయాల్లోకి వస్తే ఖచ్ఛితంగా రాణించగలరు అని అన్నారు. ఎన్నికల్లో పోటీ చేస్తే గెలవటం ఖాయం... కానీ, ముఖ్యమంత్రి పదవిపై మాత్రం ఆయన ఆశలు పెట్టుకోకపోవటమే మంచింది. ఆయన కింగ్‌ మేకర్‌ అవుతారే తప్ప.. కింగ్‌ కాలేరు’’ అని తేల్చిచెప్పేశాడు. అంతేకాదు.. సొంతవాళ్లే వెన్నుపోటే ప్రమాదం పొంచి ఉందని.. కాబట్టి రజనీ రాజకీయాలపరంగా ఎవరినీ నమ్మకపోవటమే మంచిదని ఆయన సూచిస్తున్నారు.   మరి ఇక్కడ ఏపీలో కూడా జనసేన అధినేత పవన్ కళ్యాణ్ కు కూడా సీఎం యోగం లేదని జ్యోతిష్యుడు వేణుస్వామి జోస్యం చెప్పారు. ఇక్కడ తమిళనాడులో సూపర్ స్టార్ రజనీకి కూడా సీఎం యోగం లేదని ప్రకాష్‌ అమ్మునై జోస్యం చెప్పారు. మరి ముందు ముందు రాజకీయాలు ఎలా మారుతాయి.. వీళ్లకు నిజంగానే సీఎం అయ్యే యోగం ఉందో..? లేదో..? వీళ్ల జోస్యం నిజమవుతుందో..? లేదో..? తెలియాలంటే మనం కూడా వెయిట్ చేయాల్సిందే.

జగన్ దీనికి సమాధానం చెప్పు..

  ఎప్పుడూ అధికార పార్టీ పైన విమర్శలు గుప్పించడం... ముఖ్యమంత్రి అని కూడా చూడకుండా చంద్రబాబును కాల్చి చంపండి.. ఉరితీయండి అంటూ వైసీపీ అధినేత జగన్ నోటికి వచ్చినట్టు మాట్లాడుతూనే ఉంటాడు. అంతేకాదు.. ఎప్పుడూ చంద్రబాబు అది చేయలేదు.. ఇది చేయలేదు.. దానికి సమాధానం చెప్పాలి... దీనికి సమాధానం చెప్పాలి అంటూ విమర్శించమే పని. కానీ జగన్ మాత్రం సమాధానం చెప్పాల్సిన వాటికి మాత్రం చెప్పకుండా..కాలం వెల్లదీస్తున్నాడు.   అక్రమాస్తుల కేసులో భాగంగా ఈడీ ఇప్పటికే చాలాసార్లు జగన్ ఆస్తులను అటాచ్ చేసిన సంగతి తెలిసిందే కదా. గతంలోనూ వందల కోట్ల జగన్ ఆస్తులు అటాచ్ చేసింది. అయితే గత కొద్దరోజులుగా ఏలాంటి వార్తలు లేవు కానీ..మరోసారి జగన్ ఆస్తులు అటాచ్ మెంట్ చేసింది ఈడీ. ఆస్తులు జప్తు చేస్తున్నట్టు పత్రికా ప్రకటన జారీ చేసింది. దీంతో ఈడీ ఇచ్చిన షాక్ కు జగన్ క్యాంపులో ఆందోళన మొదలైంది. మొన్నటివరకూ.. నెమ్మదించిన జగన్ కేసులు, ఇప్పుడు మరో సారి స్పీడ్ పెంచుకోవడంతో  ఏమి జరుగుతుందో అనే టెన్షలో ఉన్నారు జగన్ అండ్ కో బ్యాచ్.   మరి అన్ని విషయాలపై రియాక్ట్ అయ్యే జగన్ తన విషయాల గురించి ఎందుకు రియాక్ట్ అవ్వడం లేదని అంటున్నారు. తన ఆస్తులు ఈడీ ఎందుకు జప్తు చేస్తుందో.. దానిపై ఎందుకు జగన్ సమాధానం చెప్పడం లేదని ప్రశ్నిస్తున్నారు. ఈ నేపధ్యంలోనే  తెలుగుదేశం నేత వర్ల రామయ్య జగన్ తీరుపై మండిపడ్డారు. జగన్ ఆస్తులను ఈడీ అటాచ్ చేయడం ఇదేం ఫస్ట్ టైమ్ కాదు.. ఇప్పటికి చాలాసార్లు అటాచ్ చేసింది.. అయినా జగన్ దీనిపై ఎందుకు స్పందించడంలేదు.. తన ఆస్తులు ఈడీ ఎందుకు జప్తు చేస్తుందో జగన్ ప్రజలకు సమాధానం చెప్పాల్సిన బాధ్యత జగన్ కు ఉంది కదా... అలా కాకుండా... జగన్.. పార్టీ నేతలు తేలు కుట్టిన దొంగల్లా కూర్చున్నారని అన్నారు. ఈడీ వంటి అథారిటీ ఆస్తులు సీజ్ చేసిందంటే..జగన్ వి అక్రమ ఆస్తులని ఆయన ఒప్పుకున్నట్టే అని అన్నారు. భారతదేశంలో నైతిక విలువలకు తిలొదకాలిచ్చిన రాజకీయ నాయకుడు వైసీపీ అధినేత జగన్ మోహన్ రెడ్డి అని వర్ల రామయ్య విమర్శించారు. అంతేకాదు.. ఆస్తుల జప్తుపై వైసీపీ వివరణ ఇవ్వగలదా.. ఇవి అక్రమ ఆస్తులు కాదు కష్టార్జితమని చెప్పగలరా అని వర్ల రామయ్య ప్రశ్నించారు. మరి దీనిపై జగన్ సమాధానం చెబుతాడా...? జగన్ సమాధానం చెబుతాడు అని అనుకోవడం మన అమాయకత్వం అని అనుకోవచ్చు.. ప్రజాస్వామ్యంలో నాయకుడిగా ఉన్నప్పుడు ఏదైనా ఆరోపణలొచ్చినప్పుడు ప్రజలకు సమాధానం చెప్పాల్సిన బాధ్యత రాజకీయ నాయకులకు ఉంటుందన్న విషయాన్ని జగన్ అప్పుడు కావాలనే మరిచిపోతుంటారు.

చంద్రబాబు సాధించాడుగా...

  మొత్తానికి ఏపీ ముఖ్యమంత్రి చంద్రబాబునాయుడు అనుకున్నది సాధించాడు. ఇప్పటివరకూ నెలకొన్న గందగోళానికి ఎలాగూ తెర పడింది. పోలవరం ప్రాజెక్టుకు కేంద్రం అడ్డుపుల్ల వేసిన సంగతి తెలిసిందే కదా. పోలవరం కొంత పన్నుల్లో భాగంగా.. ఏపీ ప్రభుత్వం టెండర్లకు పిలుపునివ్వగా... దానికి కేంద్రం అడ్డుకుంది. ఇక అంతే.. అప్పటినుండి చంద్రబాబుపై ఒకటే విమర్శలు గుప్పించారు ప్రతిపక్షపార్టీ నేతలు. కావాలనే చంద్రబాబు ఇలా చేస్తున్నారని ఎన్నో కామెంట్లు చేశారు. కేంద్రం చేసిన పనికి ఎంతో సహనంగా ఉన్న చంద్రబాబు కూడా కేంద్రం తీరుపై ఆగ్రహం వ్యక్తం చేశారు. కానీ ఇప్పుడు కేంద్రం దిగొచ్చింది. పోలవరం ప్రాజెక్టులో స్పిల్ వే, స్పిల్ చానల్ నిర్మాణానికి ప్రత్యేకంగా టెండర్లు పిలవాలన్న రాష్ట్ర ప్రభుత్వ ప్రతిపాదనకు కేంద్రం ఒకే చేసింది.   అసలయితే ఈ పనులన్నీ ప్రధాన కాంట్రాక్టర్ అయిన ట్రాన్స్ టాయ్ చేయాలి. కానీ ఆర్ధిక పరిస్థిలను ఆలోచించి... చంద్రబాబు సబ్ కాంట్రాక్టులు పెట్టించి పనుల్లో వేగం పెంచారు. దీంతో అత్యంత కీలకమైన పనులు ట్రాన్స్ టాయ్ చేస్తుంది.. చిన్నచిన్న వర్క్ సబ్ కాంట్రాక్టర్లు చేస్తున్నారు. అయితే ఈ పనుల్లో కూడా వేగం మందగించడంతో... ఆ పనుల్లో కొంత భాగం విడదీసి కొత్త టెండర్లకు పిలుపునిచ్చింది. అయితే దానికి ట్రాన్స్ టాయ్ అభ్యంతరం చెప్పింది. జలవనరుల శాఖకు పిర్యాదు చేసింది. దీంతో కేంద్రం ఏపీ పిలుపునిచ్చిన టెండర్లను నిలిపివేసింది. దీంతో కేంద్రంపై చంద్రబాబుతో పాటు ఏపీ ప్రజలు కూడా ఆగ్రహం వ్యక్తం చేశారు. కానీ కాఫర్‌ డ్యాం పేరుతో ఏపీ ప్రభుత్వం ప్రకటించిన టెండర్లను సైతం ఆపేసిన కేంద్రానికి జాతీయ జల విద్యుత్ పరిశోధన బృందం ఓ ఝలక్ ఇచ్చింది.  ఓ వైపు నుంచి కాఫర్‌ డ్యాం, మరోవైపు నుంచి ప్రధాన డ్యాం నిర్మించుకుంటూ వెళ్లి వీటిని అనుసంధానించడం ద్వారా నీటిని నిలబెట్టుకోవచ్చంటూ జాతీయ జల విద్యుత్ పరిశోధన బృందం (ఎన్‌హెచ్‌పీసీ) కేంద్రానికి రిపోర్ట్ ఇచ్చేసింది. చంద్రబాబు కూడా స్వయంగా కేంద్ర జలవనరులశాఖ మంత్రి గడ్కరీతో మాట్లాడారు. ఇక చంద్రబాబు బాధను కూడా అర్దం చేసుకున్నకేంద్రం టెండర్లకు పిలుపునిచ్చింది. దీంతో చంద్రబాబు కల తీరే అవకాశం దక్కింది. ఏది ఏమైనా చంద్రబాబు అనుకున్నది సాధించారు...

రోజా హారతి ఇచ్చింది... ఈడీ షాకిచ్చింది...

  యాదృశ్చికమో లేక రోజా టైం బ్యాడో తెలియదు కానీ కరెస్ట్ టైంకే అన్నీ జరుగుతాయి. ఇప్పటికే రోజాది ఐరెన్ లెగ్ అని పలు విమర్శలు వస్తూనే ఉన్నాయి. ఒకటి కాదు రెండు కాదు ఇప్పటికి ఎన్నో సంఘటనలు నిరూపించాయి. ఇప్పుడు తాజాగా మరో ఘటన ఇటీవల జరిగిన నంద్యాల ఉపఎన్నికల్లో ఓడి పోవడానికి ఓ రకంగా రోజానే కారణమని సొంత పార్టీ నేతలే తిట్టుకున్నారు. ఆతరువాత.. రోజా తిరుమలపై కొబ్బరికాయ కొట్టింది.. పాదయాత్ర ఆగింది అని అన్నారు. ఇక జగన్ పాదయాత్రలో భాగంగా.. అనుమతి లేకుండా ఓ మహిళా సదస్సును.. నిర్వహించారన్న ఆరోపణలతో జగన్ పై కేసు నమోదు చేశారు. ఇక ఇప్పుడు మరోసారి జగన్ కు షాక్ తగిలింది. గతంలో అక్రమాస్తుల కేసులో భాగంగా... జగన్ ఆస్తుల్ని అటాచ్ చేసిన ఈడీ.. ఇప్పుడు.. ఆయన ఆస్తులను జప్తు చేస్తున్నట్టు ప్రకటన చేసింది. కంపెనీల్లోకి పెట్టుబడుల రూపంలో నిధులు మళ్లించి అప్పటి వైఎస్‌ ప్రభుత్వం నుంచి భారీగా లబ్ధి పొందిన ఇందూ శ్యాంప్రసాద్‌రెడ్డి, ఆయనకు సహకరించిన మరో రెండు సంస్థలకు చెందిన రూ.117 కోట్ల విలువైన ఆస్తులను ఈడీ జప్తు చేసింది. దీంతో ఈడీ ఇచ్చిన షాక్ కు జగన్ క్యాంపులో ఆందోళన మొదలైంది. మొన్నటివరకూ.. నెమ్మదించిన జగన్ కేసులు, ఇప్పుడు మరో సారి స్పీడ్ పెంచుకోవడంతో...ఈ  ఏమి జరుగుతుందో అనే టెన్షలో ఉన్నారు జగన్ అండ్ కో బ్యాచ్.   ఇదిలా ఉంటే ఇప్పుడు ఓ వార్త మాత్రం సోషల్ మీడియాలో హల్ చల్ చేస్తుంది. ఎవరి గురించి అనుకుంటున్నారా..? ఇంకెవరు గురించి.. రోజా గురించే. పాదయాత్రలో భాగంగా జగన్ నిన్న నగరి చేరుకున్న నేపథ్యంలో.. రోజా స్వయంగా ఆయనకు స్వాగతం పలికారు. బొట్టు పెట్టి, హారతి ఇచ్చి మరీ స్వాగతం పలికారు. కట్ చేస్తే.. ఈరోజు ఈడీ షాక్. మరి ఏ చిన్న పాయింట్ దొరికినా నెటిజన్లు ఊరుకుంటారా..? రోజా హారతి ఇచ్చింది.. జగన్ కు ఈడీ షాకిచ్చింది అంటూ కామెంట్లు మొదలయ్యాయి.

ప్రదీప్ వెనుక ప్రముఖ వ్యక్తి... నేను చూసుకుంటా...

  బుల్లి తెరపై అందరూ మహిళా యాంకర్లే రాజ్యమేలుతున్న సమయంలో.. మేల్ యాంకర్ గా అడుగుపెట్టి చాలా తక్కువ సమయంలోనే మంచి పేరు తెచ్చుకున్నాడు ప్రదీప్. ఇప్పటి వరకు ప్రదీప్ పై ఎలాంటి రూమర్లు కానీ... వివాదాలు కానీ లేవు. ప్రస్తుతం మంచి ఫామ్ లో ఉన్న ప్రదీప్ పై తోటి యాంకర్లకు మంచి అభిప్రాయం ఉంది. కానీ పాపం న్యూ ఇయర్ రోజు ఒక్క తప్పు చేసి అడ్డంగా బుక్కయ్యాడు. డిసెంబర్ 31న అర్ధరాత్రి తర్వాత మోతాదుకు మించి మద్యం తాగి పోలీసులకు చిక్కాడు ప్రదీప్. ఇక అంతే మీడియాకు మాంచి న్యూస్ దొరికింది. దొరికింది ఒక్కసారి అయితే.. రోజు మొత్తం ప్రదీప్ ను బద్నాం చేసింది మీడియా. ఒక విధంగా, మీడియా తప్ప.. చాలామంది ప్రదీప్ కు సపోర్ట్ గా నిలిచారు.   సోషల్ మీడియాలో అయితే తప్పతాగి దొరికి పోయిన ప్రదీప్ అని, న్యూఇయర్ రోజు తాగి దొరికిపోయిన ప్రదీప్ అని, ప్రదీప్ పక్కన ఉన్నఅమ్మాయిలు ఎవరూ అని, అబ్పో ఎవరికి నచ్చిన టైటిల్స్ వాళ్లు పెట్టుకొని రచ్చ రచ్చ చేశారు. దాని తరువాత...ఇప్పుడు ప్రదీప్ పరిస్థితి ఏంటి... ప్రదీప్ కు జైలు శిక్ష పడుతుందా...? లేక కేవలం ప్రదీప్ కు కౌన్సిలింగ్ మాత్రమే ఇచ్చి పంపిస్తారా..? ఇలా లెక్కకు మించి ప్రశ్నలు వేశారు. అయితే పోలీసులు కౌన్సిలింగ్ కు రావాలని కోరినా ప్రదీప్ ఇంత వరకూ హాజరు కాలేదు. అయితే కేసు నుంచి తప్పించుకునేందుకు అతను జోరుగా ప్రయత్నాలు చేస్తున్నారని అంటున్నారు. అందుకే అజ్ఞాతంలో ఉన్నాడని వార్తలు వస్తున్నాయి.   ఇంకా ఆశ్చర్యకరమైన విషయం ఏంటంటే....కేసు నుంచి తప్పిస్తానని ప్రదీప్ కు ఓ ప్రముఖ వ్యక్తి హామీ ఇచ్చినట్లుగా ప్రచారం సాగుతోంది. ఏమీ కాదని, కొన్ని రోజులు మౌనంగా ఉండాలని, ఆ తర్వాత అంతా సర్దుకుంటుందని, బయటపడతావని..ఏం జరగకుండా చూసుకుంటానని సదరు ప్రముఖ వ్యక్తి.. ప్రదీప్‌కు హామీ ఇచ్చారని గాసిప్ రాయుళ్లు పుకార్లు పేలుస్తున్నారు. పోలీస్ స్టేషన్‌కు వెళ్లకుండానే సీజ్ చేసిన కారును తీసుకు వెళ్లే ప్రయత్నాలు చేస్తున్నారని అంటున్నారు. దీంతో ఇప్పుడు ఆ ప్రముఖ వ్యక్తి ఎవరబ్బా అని చర్చ సాగుతోంది. ఇంతకీ, ప్రదీప్ కు బరోసా ఇచ్చిన ఆ వ్యక్తి ఎవరబ్బా...?

తండ్రి పరువు తీస్తున్న జగన్...

  కొడుకు అనేవాడు ఎవరైనా తండ్రి పరువు నిలబెట్టేట్టు వుండాలి. అంతేగాని తండ్రి పరువు కాస్తా తీసే విధంగా వుంటే ఎంతమాత్రం బాగోదు. తన కొడుకు వల్ల తన పరువు పోతూ వుంటే ఏ తండ్రి మనసైనా బాధపడుతుంది. ఒకవేళ సదరు తండ్రి గారు ఏ పుణ్యలోకాల్లోనో వుండి వుంటే ఆత్మక్షోభతో అల్లాడిపోతాడు. వై.ఎస్.జగన్ తండ్రిగారైన వై.ఎస్.రాజశేఖర రెడ్డి గారి ఆత్మ కూడా ప్రస్తుతం ఇలాగే క్షోభిస్తూ వుండొచ్చని ఒక అంచనా. ఏపీలో ప్రస్తుతం జరుగుతున్న రాజకీయ పరిణామాలని, జగన్ చేస్తున్న రాజకీయాలని చూస్తే  ఎవరికైనా ఇలాంటి అంచనాలు, ఆలోచనలు రాక మానవు.   తండ్రి బతికి వున్నంత వరకు తండ్రి చాటు బిడ్డలాగా చేయాల్సిందంతా చేసిన జగన్ ఆ మహానేత కన్నుమూసిన దగ్గర్నుంచి రాజకీయంగా సొంత తెలివితేటలు ఉపయోగించడం ప్రారంభించాడు. కాకపోతే అప్పటి నుంచి ఇప్పటి వరకూ జగన్ చేస్తున్న రాజకీయాలు ఆయనకే బెడిసి కొడుతూ వచ్చాయి తప్ప అప్పట్లో అధికారంలో వున్న కాంగ్రెస్ పార్టీకి గానీ, ఇప్పుడు అధికారంలో వున్న చంద్రబాబుకు గానీ ఎలాంటి ఇబ్బందీ కలిగించలేకపోతున్నాయి. మొన్నటి ఎన్నికల ద్వారానే ముఖ్యమంత్రి అయిపోతానని కలలు కన్న జగన్ దారుణంగా షాకవ్వాల్సి వచ్చింది. వచ్చే  ఎన్నికలలో అయినా అధికారం చేజిక్కించుకుని తీరాలన్న ఉద్దేశంతో జగన్ చేయని పని లేదు. అధికార పక్షం మీద చేయని ఆరోపణ లేదు.. చల్లని బురద లేదు.. తిట్టని తిట్టు లేదు. అయినప్పటికీ జగన్‌ని ప్రజలు విశ్వసించడం లేదు. రాజకీయ వ్యూహాలు పన్నడంలో, తాను పన్నిన వ్యూహాల ద్వారా విజయాలు సాధించడంలో దిట్ట అయిన వైఎస్సార్ కుమారుడు ఇలా రాజకీయంగా నిరంతరం ఫెయిలవుతున్నాడు. కచ్చితంగా ఫెయిలయ్యే వ్యూహాలు పన్నుతూ అభాసుపాలైపోతున్నాడు.   ఫర్ ఎగ్జాంపుల్ ఇప్పుడు జరుపుతున్న పాదయాత్రనే చూడండి... జనం నుంచి ఎలాంటి స్పందన లేకుండా అరకొర జనాలతో జరుగుతున్న పాదయాత్రగా ఇప్పటికే బాగా పబ్లిసిటీ వచ్చేసింది. పాదయాత్ర చేస్తున్న జగన్ని చూస్తుంటే ఒక్కసారి పాపం అని జాలి కూడా కలుగుతోంది. ఆరోజుల్లో వైఎస్సార్ పాదయాత్ర చేస్తే ఎలా వుండేది? ఒక గంభీరమైన నది ప్రవహిస్తున్నట్టు వుండేది. సింహం నడిచొస్తున్నట్టు వుండేది. ఆయన ప్రసంగాలు జనం చెవుల్లో మార్మోగేవి. కాంగ్రెస్ పార్టీ కార్యకర్తలు, నాయకులు మాత్రమే కాకుండా సామాన్య జనం కూడా వైఎస్సార్ వెంట మైళ్ళకు మైళ్ళు నడిచారు... అంత గొప్పగా పాదయాత్ర చేశారు కాబట్టే ఆయన చంద్రబాబు ప్రభుత్వాన్ని పడగొట్టగలిగారు. మరి ఇప్పుడు జగన్ చేస్తున్న పాదయాత్రో... ఎందుకులే.. చెప్పుకుంటే సిగ్గుచేటు. తన కుమారుడు ఈ తరహాలో చప్పచప్పగా పాదయాత్ర చేస్తూ వుండటం పైలోకాల్లోంచి చూస్తూ వైఎస్సార్ ఎంత ఆత్మక్షోభ అనుభవిస్తున్నారో ఏంటో!

కేసీఆర్ పిలవలేదు... కానీ చంద్రబాబు

  ఎక్కడ నెగ్గాలో కాదు... ఎక్కడ తగ్గాలో తెలిసినవాడు గొప్పవాడు అని ఓ సినిమాలో డైలాగ్ గుర్తుంది కదా. ఇప్పుడు ఏపీ ముఖ్యమంత్రి చంద్రబాబును చూస్తే ఆ డైలాగ్ గుర్తుకువస్తుంది. దీనికి కారణం లేకపోలేదు. రాష్ట్ర విభజన జరిగిపోయి ఇప్పటికి నాలుగేళ్లు అయిపోయింది. ఏదో విడిపోయినప్పుడు.. విడిపోయినా తెలుగు ప్రజలు అన్నాదమ్ముళ్లు, అక్కా చెల్లెళ్లలాగానే కలిసి ఉందామని... విడిపోయినా రెండు తెలుగు రాష్ట్రాల ప్రజలందరూ ఒక్కటే అని ఎన్నో మాటలు చెప్పారు. చెప్పడానికైతే చెప్పారు కానీ.. అవన్నీ మాటలే అని చాలాసార్లే నిజమైంది. ఇంకా తెలంగాణ, ఆంధ్ర మధ్య అక్కడక్కడా విభేదాలు, వైరుధ్యాలు పొడసూపుతునే వున్నాయి.    ఇక సామాన్య ప్రజల సంగతేమో కానీ.... తెలంగాణ ముఖ్యమంత్రి కేసీఆర్ అయితే బహిరంగంగా చెప్పకనే చెప్పారు చాలాసార్లు. ఇటీవల జరిగిన రెండు సంఘటనలే దీనికి ఉదాహరణగా చెప్పొచ్చు. అమరావతి శంకుస్థాపన సమయంలో ఏపీ ముఖ్యమంత్రి చంద్రబాబు స్వయంగా కేసీఆర్ ఇంటికి వెళ్లి.. ఆహ్వానించారు. కానీ ఇటీవల హైదరాబాద్ వేదికగా అట్టహాసంగా జరిగిన “ప్రపంచ తెలుగు మహాసభలు“ కు మాత్రం చంద్రబాబును పిలవలేదు. ఈ సభల కోసం దేశవిదేశాల ప్రముఖులకు ఆహ్వానాలు పంపిన కెసిఆర్... తెలుగు మహాసభలు అని పేరు పెట్టుకొని పక్కన ఉన్న తెలుగు రాష్ట్ర సీఎం అయిన చంద్రబాబును పిలవలేదు. అయితే ఈ విషయంలో మాత్రం కేసీఆర్ కు విమర్శలు పెద్ద ఎత్తునే వచ్చాయి. తెలుగు సభలు అని పేరు పెట్టుకొని ఎక్కడో ఉన్న వాళ్లని పిలిచారు కానీ.. పక్కన ఉన్నసీఎంను మాత్రం పిలవలేదని... కావాలనే కేసీఆర్ పిలవలేదని విమర్శలు గుప్పించారు. దీంతో మేము పిలవాలి అనుకున్నా బాబు బిజీగా ఉంటారని తెలుసుకుని పిలవలేదని ఏదో కలరింగ్ ఇచ్చారు.   అయితే చంద్రబాబు మాత్రం కేసీఆర్ చేసిన తప్పు చేయలేదు. విజయవాడలో ఓ భారీ బుక్ ఫెస్టివల్ జరుగుతోన్న నేపథ్యంలో... కవుల్ని సత్కరించాలని నిర్ణయించారు. దీనికి గాను రెండు తెలుగు రాష్ట్రాల్లో ఉన్న పలువురు కవులకు ఆహ్వానాలు పంపారు. అయితే ప్రపంచ తెలుగు మహాసభల అనుభవంతో తెలంగాణ కవులకు ఆహ్వానాలు ఉండవని అంతా భావించారు. ఆ అంచనాలు తల్లకిందులు చేస్తూ ఎన్టీఆర్ ట్రస్ట్ నిర్ణయాలు తీసుకుంది. తెలంగాణ కవులు, రచయితలకు పిలుపులు వెళ్లడంతో షాక్ కు గురయ్యారట. ఈ నేపథ్యంలో కెసిఆర్ పిలవకపోయినా బాబు పిలిచి మరీ సత్కరించడం చూసి చాలా మంది బాబుపై ప్రశంసలు కురిపిస్తున్నారు. అయితే కొందరు మాత్రం.... కొందరు ఆంధ్ర వాళ్ళు అంత అవసరం ఏంటని ప్రశ్నిస్తుంటే, ఇంకొందరు మాత్రం పెద్దరికం నిలుపుకున్నారని అంటున్నారు. మొత్తానికి చంద్రబాబు మరోసారి తన ప్రత్యేకతను చాటుకున్నారు.

నిన్నటి దాకా జయలలిత... ఇప్పుడు ఐశ్వర్యరాయ్..

  ఈ మధ్య తాము సెలబ్రిటీల కూతుళ్లమనో... కొడుకులమనో చెప్పుకొని ఫేమస్ అవ్వాలని చూస్తున్న వాళ్లు చాలా మందే ఉన్నారు. గతంలో తాను మెగాస్టార్ చిరంజీవి కొడుకునని రవీందర్ అనే యువకుడు చాలా హంగామా చేశాడు. నేను ఆయన కొడుకునేనంటూ ఏకంగా డీఎన్‌ఏ టెస్టులు చేసుకోవాలంటూ ఓ బంపరాఫర్ కూడా ఇచ్చాడు. ఇక ఆ తరువాత ఆ ఎపిసోడ్ అలా ముగిసింది. గత కొద్దికాలంగా జయలలిత వారసుల విషయంలో కూడా పెద్ద డ్రామానే నడుస్తుంది కదా. తాను జయలలిత కొడుకు అని ఓ వ్యక్తి తెరపైకి వచ్చి..అడ్డంగా బుక్కయి జైలు శిక్ష అనుక్షవిస్తుండగా.. తాను జయలలిత అసలైన వారసురాలినని.. అమృత అనే ఓ మహిళ బయటకు వచ్చింది. ఈమె కూడా డీఎన్‌ఏ టెస్టులకు రెడీ అంటూ ఆఫరిచ్చిందనుకోండి. ఇవన్నీ ఒక ఎత్తైతే... ఇక ఇప్పుడు ప్రపంచ సుందరి ఐశ్వర్యరాయ్ వంతు వచ్చింది. ఇప్పుడు తాను ఐశ్వర్యరాయ్ కొడుకునని తెరపైకి వచ్చాడు. విశాఖ యువకుడిగా చెప్పుకుంటున్న ఓ 29 ఏళ్ల కుర్రాడు సంగీత్ కుమార్ ఐశ్వర్య తన తల్లి అంటూ సంచలన వ్యాఖ్యలు చేశాడు. దీనికి సంబంధించి ఓ వీడియో ఇప్పుడు నెట్లో హల్ చల్ చేస్తోంది.    ఇంతకీ వీడియోలో ఆ కుర్రాడు ఏం చెప్పాడో తెలుసా... 'నేను ఇన్‌విట్రో ఫర్టిలైజేషన్‌ (ఐవీఎఫ్‌) ద్వారా 1988లో లండన్లో జన్మించా. ఐశ్వర్య తల్లిదండ్రులు కృష్ణరాజ్‌ రాయ్‌, వ్రిందా రాయ్లు రెండేళ్లపాటూ నన్ను పెంచారు. నా తండ్రి అడివేలు రెడ్డి తర్వాత నన్ను విశాఖపట్నం తీసుకువచ్చాడు. అప్పటి నుంచి విశాఖలోనే ఉండాల్సి వచ్చింది. నా తల్లి నుంచి దూరమై ఇప్పటికి 27 ఏళ్లు అవుతోంది. ఇప్పుడు నా తల్లితో ఉండాలనుకుంటున్నా. ఐష్ నా తల్లి అని నిరూపించడానికి నా దగ్గర ప్రస్తుతం ఎలాంటి ఆధారాలు లేవు. ఆ డాక్యుమెంట్లను నా కుటుంబ సభ్యులు నాశనం చేశారు అని చెప్పాడు. అంతేకాదండోయ్ ప్రపంచానికి తెలియని ఓ నిజాన్నికూడా చెప్పాడు ఆ కుర్రాడు. ఇప్పుడు ఐష్, అభిషేక్లు కలిసి ఉండటం లేదట. వారిద్దరూ సెపరేట్ అయ్యారంటూ మరో బాంబు పేల్చాడు. ఇక ఈ వార్తపై ఎలా స్పందించాలో తెలియక కొంతమంది అయోమయంలో పడితే... ఐష్ అభిమానులు మాత్రం.. ఈ వార్తలను చూసి నవ్వుకుంటున్నారు. మరి అసలు ఐశ్వర్య దీనిపై ఎలా రియాక్ట్ అవుతుందో.. చూడాలి.

ఇదెక్కడి విడ్డూరం అంబటి గారు...

  ఉరుము ఉరిమి మంగలం మీద పడినట్టు అన్న సామెత ప్రకారం... ఎక్కడో విజయవాడలోని దుర్గ గుడిలో పూజలు జరిగితే.. దానికి.. చంద్రబాబుకు లింకు పెట్టడం విడ్డూరంగా ఉంది. ఇంతకీ లింక్ పెట్టింది ఎవరనుకుంటున్నారా...? ఇంకెవరూ ఎప్పుడు సందు దొరుకుతుందా... ఎప్పుడు చంద్రబాబుపై విరుచుకుపడదామా అని చూసే వైసీపీ బ్యాచ్. ఆ బ్యాచ్ లో రోజా, అంబటి లాంటి వాళ్లు మరీ.. మైకు దొరికితే చాలు.. రెచ్చిపోయి మరీ మాట్లాడుతుంటారు. అయితే ఈ సారి అంబటి ఆ ఛాన్స్ తీసుకున్నాడు. లోకేష్‌ను సీఎం చేసేందుకే దుర్గ గుడిలో తాంత్రిక పూజలు చేయించారు అంటూ కాకమ్మ కధలు చెప్పేశారు… బెజవాడ కనకదుర్గ గుడిలో తాంత్రిక పూజలు జరినట్టు పెద్ద ఎత్తున వార్తలు వచ్చాయి. డిసెంబరు 26వ తేదీన అమ్మవారి ఆలయంలో తాంత్రిక పూజలు జరిగాయని.. ఆలయానికి సంబంధించిన ఓ అధికారి ఆధ్వర్యంలో ఈ పూజలు జరిగాయని బయటపడింది. ఇక దీనిపై ఈవో సూర్యకుమారి మాట్లాడుతూ.. అలాంటివి ఏం జరగలేదు అని అంటున్నా.. ఈ మధ్య కాలంలో తనకు తగులుతున్న ఎదురుదెబ్బల నుంచి బైటపడేందుకు సూర్యకుమారే తాంత్రిక పూజలు జరిపించారని పాలకమండలి కమిటీలోని కొందరు సభ్యులు ఆరోపిస్తున్నారు. ఇక ఈ వివాదంపై దేవాదాయ శాఖ మంత్రి మాణిక్యాల రావు స్పందించి..ఈ వివాదంపై  సూర్యకుమారితో మాట్లాడానని..భద్రీనాథ్‌తో వచ్చిన వ్యక్తిని కృష్ణాజిల్లా విశ్వనాథపల్లి ఆలయ అర్చకుడు రాజాగా గుర్తించామని ఆయన చెప్పారు. అయితే రాజాను గుడిలోకి తీసుకువెళ్లడం తప్పని ఆగ్రహం వ్యక్తం చేశారు. బాధ్యులపై చర్యలకు ఆదేశించామని తెలిపారు. ఇక్కడి వరకూ బాగానే ఉన్నా.. ఎప్పటిలాగే ఈ వివాదంపై కూడా స్పందించారు అంబటి గారు. స్పందించి.. చాలా విచిత్రమైన వ్యాఖ్యలే చేశారు. చంద్రబాబు నాయడు తనయుడు, ఐటీ శాఖ మంత్రి లోకేష్‌ను సీఎం చేసేందుకే దుర్గ గుడిలో తాంత్రిక పూజలు జరిగాయని అర్దంపర్దంలేని వ్యాఖ్యలు చేశారు. అంతేకాదు పూజ చేస్తూ దొరికిపోయిన తర్వాత ఆ తప్పును అధికారులపై నెట్టేయడానికి యత్నిస్తున్నారని.. తను చూసినట్టే చెప్పుకొచ్చారు. మరి విడ్డూరం కాకపోతే ఏదో విమర్శలు చేయాలని కాకపోతే ఏంటి అంబటి మాట్లాడే మాటలు. దుర్గ గుడిలో తాంత్రిక పూజలు జరిగినందుకు కూడా చంద్రబాబే కారణమని ఇలాంటి మాటలు మాట్లాడటం మాంచి కామెడీగా ఉంది. విమర్శలు చేసినా కాస్త నలుగురు నమ్మేలా ఉండాలని కూడా పలువురు అభిప్రాయపడుతున్నారు. అలా తాంత్రిక పూజలు చేస్తేనే సీఎం అయితే.. ఎన్నికలు ఎందుకు.. ఓట్లేయడం ఎందుకు. అంతేనా.. అలా పూజలకే సీఎం అయిపోతే.. జగన్ పాదయాత్రలు మానేని.. ఇప్పటికీ ఎన్ని పూజలు చేసేవాడో అని జనం అనుకుంటున్నారు.

బాబు సస్పెన్స్ లో పెట్టిన ఆ వ్యక్తి ఎవరు..?

  ఎపీ ముఖ్యమంత్రి చంద్రబాబు నాయుడు పనితనం గురించి అందరికీ తెలిసిందే. ముందు చూపుతో ఆలోచించాలన్నా... ఏదైనా అభివృద్ది చేయాలన్నా... అనుకున్నది సాధించాలన్నా ఆయనకే సాధ్యం. అందుకే ఆయన పనితనాన్ని పత్యర్ధులు సైతం పొగిడిన సందర్భాలు ఉన్నాయి. కానీ ప్రస్తుత పరిస్థితులు మాత్రం ఆయనకు కలిసిరావడం లేదు.  ఒకపక్క రాష్ట్రం విడిపోయి.. ఆర్ధిక కష్టాల్లో ఉంటే.. కేంద్ర ప్రభుత్వం మాత్రం... చాలి చాలని నిధులు విదుల్చుతూ.. ఏవో కుంటిసాకులు చెబుతూ ఆయన్ని కష్టపడెతూనే ఉంది. అయినా కూడా మొక్కవోని దీక్షవోలే... ఏపీ అభివృద్ది కొరకు అహర్నిశలు కష్టపడుతూనే ఉన్నారు. రాష్ట్రానికి, కొత్త ప్రాజెక్టులు, పరిశ్రమలు తీసుకురావడానికి... ప్రయత్నిసున్నారు. కానీ ఏం లాభం.. కేంద్ర ప్రభుత్వం పుణ్యమా అని సగం ప్రాజెక్టులు పెండింగుల్లోనే ఉన్నాయి. ఏదోలా కష్టపడి పోలవరాన్ని అయినా పూర్తి చేద్దామనుకుంటుంటే... దానికి కూడా పుల్ల పెట్టింది. అందుకే కేంద్రం ఎన్ని చేసినా.. ఎంత సతాయించినా సైలెంట్ గా ఉన్న చంద్రబాబు...పోలవరం విషయంలో మాత్రం ఆగ్రహం వ్యక్తం చేశారు.   అంతేకాదు ఇప్పుడు తాజాగా మరోసారి ప్రాజెక్టులు లేట్ అవ్వడంపై స్పందించి ఆగ్రహం వ్యక్తం చేశారు. ఓ మీడియా సమావేశంలో పాల్గొన్న చంద్రబాబు... ప్రాజెక్టుల పూర్తి విషయంలో అనేక సమస్యలు ఎదురవుతున్నాయని చంద్రబాబు ఆవేదన వ్యక్తం చేసారు...మేము ఎంతో గ్రౌండ్ వర్క్ చెయ్యటం, ఆ ప్రాజెక్ట్ విషయంలో 99.9 శాతం మంది ప్రజలు సహకరించటం, చివర్లో ఒకడు వెళ్లి కేసు వెయ్యటం, ప్రాజెక్ట్ లేట్ అవ్వటం... ఇదే జరుగుతుందని అన్నారు. దానికి గాను ఆ అడ్డుకునే వ్యక్తి ఎవరు సార్...? ప్రతి ప్రాజెక్ట్ లో అడ్డుపడుతుంది ఒక్కరేనా సార్ ? దీంట్లో రాజకీయ ప్రయోజనం ఉంది అంటారా అని అడగగా, చంద్రబాబు స్పందిస్తూ, ఆ ఒక్కరూ ఎవరో మీకు తెలుసుగా అని బదులు ఇచ్చారు.. సమాజంలో అంతా బాగుంటే ఓర్వలేనివారు, అత్యాశపరులు కొందరుంటారు... వారే ఇలాంటివి చేస్తారు అని అన్నారు. అయితే ఆ ఒక్కరు ఎవరూ అనే విషయాన్ని... చంద్రబాబు నోటితో చెప్పించాలని విలేకరులు చాలా ప్రయత్నించారట... కానీ చంద్రబాబు మాత్రం, పేరు బయటకు చెప్పకుండా, అతను ఎవరో రాష్ట్ర ప్రజలకు తెలుసులే అని అన్నారట. మొత్తానికి చంద్రబాబు ఓ వ్యక్తి ఎవరో చెప్పకుండా మంచి సస్పెన్స్ లో పెట్టారు. ఇంతకీ చంద్రబాబు సస్పెన్స్ లో పెట్టిన  ఆ వ్యక్తి ఎవరో మీకు అర్దమైందా...?

మోడీ, షాను టెన్షన్ పెడుతున్న వెంకయ్య.... రబ్బర్ స్టాంప్ అనుకున్నారేమో..

  కేంద్రం నుండి ఇప్పటివరకూ అందరి సంగతేమో కానీ.. మన రాష్ట్రానికి కాస్తో, కూస్తో సపోర్ట్ గా ఉన్న వ్యక్తి ఎవరైనా ఉన్నారంటే అది ఒక్క వెంకయ్యనాయుడని చెప్పడంలో ఎలాంటి సందేహం పడాల్సిన అవసరంలేదు. రాష్ట్రానికి కాస్త పెద్ద దిక్కుగా ఉండేవారు. ఎన్ని ఇబ్బందులు ఉన్నా, అన్ని శాఖలను సమన్వయం చేసుకుంటూ, రాష్ట్రానికి చేతనైంది చేసేవారు వెంకయ్య నాయుడు... మంత్రిగా ఉన్నప్పుడు, తన సొంత శాఖలోనే కాదు, మిగతా శాఖల్లో కూడా రాష్ట్రానికి అధిక కేటాయింపులు వచ్చేలా చూసేవారు. ఆయనను కాస్త మోడీ, అమిత్ షాలు కలిసి ఉపరాష్ట్రపతి పదవి కట్టబెట్టి.. ఏదో పెద్ద పదవి ఇస్తున్నాం అని కలరింగ్ ఇస్తూ.. చాలా సైలెంట్ గా పక్కన పెట్టారు. వెంకయ్యనాయుడిని కావాలనే సైడ్ చేశారని ఆ మధ్య వార్తలు కూడా బాగానే వినిపించాయి.   ఇక ఉపరాష్ట్రపతి కదా.. పెద్దగా చేసేది ఏం ఉండదులే అని అనుకున్నారు మోడీ, షా. కానీ వాళ్లకి దిమ్మతిరిగేలా చేశారు వెంకయ్య. ఎదో రబ్బర్ స్టాంప్ లా ఉంటాడులే.. రాజ్యసభని మైంటైన్ చేయటం వరకే ఉంటారు.. అనుకున్నారు. ఆంధ్రప్రదేశ్ రాష్ట్రంలో వేలు పెట్టరు అనుకున్నారు... కాని ఇప్పుడు అంతా రివర్స్ లో జరుగుతుంది... కొన్నాళ్ళ వరకు సైలెంట్ గా ఉన్న వెంకయ్య, మళ్ళీ పాత ఫార్మ్ లోకి వచ్చారు... టైం దొరికితే రాష్ట్రానికి వచ్చేస్తున్నారు... 15 రోజుల టైం గ్యాప్ లో, ముఖ్యమంత్రి చంద్రబాబుతో కలిసి, రాష్ట్రంలో మూడు కార్యక్రమాల్లో పాల్గున్నారు...అంతే కాదు, ఉప రాష్ట్రపతి హోదాలో రాష్ట్రానికి సంబంధించిన కీలక పనుల పై రివ్యూ చేస్తున్నారు... కేంద్ర మంత్రుల్ని, సీనియర్ అధికారులని పిలిపించుకుని అన్ని విషయాల పై చర్చించారు... పోలవరం పై సమీక్ష చేశారు... కడప జిల్లా ప్రజల చిరకాల వాంఛ అయిన ఉక్కు పరిశ్రమ పై రివ్యూ చేసారు.   ఇంకా ఆశ్చర్యకరమైన విషయం ఏంటంటే... కేంద్ర మంత్రిగా ఉన్నప్పుడు పరిస్థితి ఒకలా ఉండేది. ఇప్పుడు ఉపరాష్ట్రపతి కావడంతో.. ఎవరైనా ఆయన దగ్గరకు రావాల్సిందే. దీంతో మోడీ, షా ఇద్దరూ... తలలు పట్టుకొని కూర్చున్నారట. అసలు ఏపీ విషయంలో వేలు పెట్టకుండా ఉంటారనే ఆయనికి ఉపరాష్ట్రపతి కట్టబెట్టి సైడ్ చేస్తే.. ఇప్పుడదే కొంపముంచిదేమో అని ఫీలవుతున్నారుట. మొదటి నుండి ఏపీ విషయంలో కాస్త చిన్న చూపు చూనే మోడీ.. నిధులు, ప్రాజెక్టుల విషయంలో చంద్రబాబును ఇబ్బంది పెడుతుంటే... వెంకయ్య మళ్లీ ఫామ్ లోకి రావడం..ఏపీపై దృష్టి పెట్టడం చూసి.. కక్కలేక మింగలేక అన్నట్టు అన్న సామెత ప్రకారం... ఇద్దరూ బయటకు చెప్పలేక.. లోలోపల దాచుకోలేక.. ఆ బాధను తమలోనే దాచుకుంటున్నారట. మొత్తానికి హనుమంతుడి ముందు కోతి కుప్పి గంతులు వేస్తే ఎంత కామెడీగా ఉంటుందో... అలా రాజకీయాల్లో ఆరి తేరిన వెంకయ్య దగ్గర ఇలాంటి నాటకాలు ఆడితే అలానే ఉంటుంది మరి..

ఇలా బుక్కయ్యావేంటి పవన్...

  రాజకీయాల్లో శాశ్వత శత్రువులు ఉండరని ఎవరు చెప్పారో కానీ.. మహానుభావుడు ఆయన చెప్పింది మాత్రం నిజమే. ఎంతో అనుభవం లేకపోతే కానీ ఇలాంటి సూక్తులు బయటకు రావు. ఇప్పుడు రాజకీయాల గురించి ఈ ఉపోద్ఘాతం అంతా ఎందుకంటారా..? అక్కడే ఉంది మరి అసలు స్టోరీ. తెలంగాణ ఉద్యమ సమయంలో కేసీఆర్ గారు ఏపీ ప్రజలను తిట్టినందుకు తాను 11 రోజులు అన్న తినకుండా మానేసానని... చాలా బాధేసిందని చెప్పింది ఎవరో గుర్తొచ్చింది కదా. అదేనండి జనసేన అధినేత పవన్ కళ్యాణ్. అంతేకాదు ఓ సభలో పవన్ మాట్లాడుతూ ‘ఏయ్.. కేసీఆర్ నీ తాట తీస్తా’ అని కూడా అన్నాడు. ఇక దానికి అసలే మాటలపుట్ట అయిన కేసీఆర్ ఊరుకుంటాడా.. ‘ఆడి పేరేందిరా బై’ ఎవడో పవన్ కళ్యాణ్ అంట.. ఆడేవడో నాకు తెలీదు.. అని కేసీఆర్ గారు చాలా పద్దతిగా పవన్ పై కామెంట్లు చేశారు. కట్ చేస్తే.. ఇప్పుడు కేసీఆర్ పవన్ కళ్యాణ్ భేటీ హాట్ టాపిక్ గా మారింది. అటు ఏపీలోనూ, ఇటు తెలంగాణలోనూ వీరిద్దరి భేట హాట్ టాపిక్ గా మారింది.   ఇక్కడి వరకూ అంతా బాగనే ఉంది. ఎవరి రాజకీయ అవసరాలు వాళ్లవి. ఈరోజు తిట్టుకోని... రేపు కలుసుకోవలం రాజకీయ నాయకులకు మామూలే. కానీ ఈ భేటీలో పవన్ మాట్లాడిన మాటలే కాస్త విడ్డూరంగా అనిపించాయి అంటున్నారు ఏపీ రాజకీయ విశ్లేషకులు. అంత విడ్డూరంగా పవన్ ఏం మాట్లాడాడబ్బా అనుకుంటున్నారా..? ఏంటంటే.... ఆంధ్రప్రదేశ్ లో సమస్యల పరిష్కారానికి, తెలంగాణా నాయకుల స్పూర్తిని తీసుకోవాలంట. కెసిఆర్ ఎలా పోరాడాడో ఆంధ్రా వారు ఆదర్శంగా తీసుకోవాలంట. ఈ మాటలే ఇప్పుడు ఆంధ్రా ప్రజలు జీర్ణించుకోలేకపోతున్నారు. కేసీఆర్ ని ఆంధ్రపాలకులు ఆదర్శంగా తీసుకోవాలనటం పవన్ అవివేకమే అంటున్నారు. అయినా ఏదో కేసీఆర్ పోరాడినందుకు రాష్ట్రాన్ని ఇవ్వలేదు.... సోనియా తన రాజకీయ ప్రయోజనాల కోసం తెలంగాణ రాష్ట్రాన్ని ఇచ్చింది ఈ విషయం... అందరికీ తెలుసూ.. పవన్ ఇలా మాట్లాడటం చాలా కామెడిగా ఉంది అని అంటున్నారు. బహుశా ఆంధ్రుల ఉద్యమ స్ఫూర్తి గురించి సరైన అవగాహన పవన్ కు లేక మాట్లాడినట్టు ఉన్నారు.. తెలంగాణ కన్నా యాభై ఏళ్ళ ముందే అప్పటి కేంద్ర ప్రభుత్వ మెడలు వంచి , ప్రత్యేక ఆంధ్ర రాష్ట్రాన్ని సాధించుకున్న విజయం ఆంధ్రులది..మరి ఎన్నో పుస్తకాలు చదువుతా అని చెబుతారు..ఆంధ్రుల గురించి పవన్ ఎక్కడా చదవలేదా అని కూడా కామెంట్లు విసురుతున్నారు. మొత్తానికి  కొత్తగా రాజకీయాల్లోకి వచ్చిన పవన్ కు కూడా ఇప్పుడిప్పుడే రాజకీయనీళ్లు వంటపడుతున్నట్టు ఉన్నాయి. అందుకే ఎక్కడ పాడాల్సిన పాట అక్కడ పాడటం నేర్చుకుంటున్నారు. రాజకీయాల్లో ఇవన్నీ కామన్ అనుకోండి. పాపం పవన్ కు కొంచం కొత్త కదా... అందుకే ఇలా మాట్లాడి దొరికిపోయాడు. మాట్లాడితే మాట్లాడాడు... ఏపీ ప్రజలకు కోపం వచ్చేలా మాట్లాడి బుక్కయ్యాడు.. మరి దీన్ని ఎలా కవర్ చేసుకుంటాడో చూద్దాం...

పవన్‌కి ఇన్నాళ్ళకి తెల్లారింది

  పవన్ కళ్యాణ్‌కి పార్టీ పెట్టిన ఇన్నాళ్ళకి తెల్లారినట్టుంది. పార్టీ నిర్వహణ పరంగా ఇంతకాలం మొద్దు నిద్ర పోయిన ఆయన ఇప్పుడిప్పుడే నిద్రలేచి మెల్లగా ఆవలిస్తున్నారు. పవన్ కళ్యాణ్ తన మనసులో వున్న రాజకీయపరమైన కోరికలు బయటపెట్టి చాలా సంవత్సరాలు అవుతోంది. అప్పటి నుంచి ఆయన జనసేన పార్టీలో ఏక్ నిరంజన్‌లాగా కొనసాగుతున్నారు. మధ్యలో ఇతరుల పేర్లు రెండు మూడు వినిపించినప్పటికీ ఆ తర్వాత వాళ్ళు సైడైపోయారు. పవన్ కళ్యాణ్ మళ్లీ తానే కర్త, కర్మ, క్రియలాగా పార్టీని కొనసాగించారు. పార్టీలో మరో నాయకుడనేవాడు లేకుండా అన్నీ తానే అన్నట్టుగా ఇంతకాలం వ్యవహరించారు. పార్టీ అనేది ఒక్కరితో నడవదు. పార్టీ మాత్రమే కాదు.. సినిమా అనేది కూడా ఒక్కరితో నడవదు. ఇన్ని సినిమాల్లో యాక్ట్ చేసిన పవన్ కళ్యాణ్ సినిమాల్లో మాత్రం చాలామంది చేత వర్క్ చేయిస్తున్నారు. పార్టీ విషయానికి వస్తే మాత్రం అన్నీ తానై నడుపుతూ వచ్చారు. ఏదైనా సినిమాకి హీరో దగ్గర్నుంచి లైట్ బోయ్ వరకూ అన్ని శాఖలూ ఒకే వ్యక్తి నిర్వహిస్తే ఎంత ఎటకారంగా వుంటుందో పవన్ కళ్యాణ్ పార్టీ నిర్వహణ కూడా అంతే ఎటకారంగా తయారైంది. జనసేన మీద ఇప్పటి వరకూ ప్రజల్లో సరైన అభిప్రాయం కలగకపోవడానికి ప్రధాన కారణం ఆ పార్టీలో సంస్థాగత నిర్మాణం ఎంతమాత్రం లేకపోవడమే. తాను తప్ప మరొకరు పార్టీ తరఫున లైమ్‌లైట్‌లోకి రాకుండా చేయడం అనేది పవన్ కళ్యాణ్ చేసిన తప్పిదాలలో ఒకటని రాజకీయ పరిశీలకులు ఎప్పటినుంచో చెబుతున్నారు. ప్రజాస్వామ్యాన్ని కాపాడటానికి పార్టీ పెట్టానని చెప్పే పవన్ కళ్యాణ్ తన పార్టీలోనే ప్రజాస్వామ్యాన్ని అమలు చేయడం లేదన్న విమర్శలు కూడా వినిపిస్తున్నాయి. పార్టీ కోసం స్క్రిప్ట్ రైటర్ల కోసం వెతికే శ్రద్ధ పార్టీలో కార్యకర్తలు, నాయకులను పెంచుకునే అంశం మీద పవన్ కళ్యాణ్ దృష్టి పెట్టకపోవడం వింతగా అనిపిస్తోందని పలువురు అభిప్రాయపడుతూ వచ్చారు.   ఈ నేపథ్యంలో పవన్ కళ్యాణ్ పార్టీని సంస్థాగతంగా బలోపేతం చేసే పనిలో పడ్డారు. నూతన సంవత్సరం ముందు రోజున పార్టీ కార్యకర్తల ఎంపిక ప్రక్రియకు శ్రీకారం చుట్టారు. ఉరుములేని పిడుగులా పవన్ కళ్యాణ్‌కి పార్టీని బలోపేతం చేయాలన్న ఉత్సాహం రజనీకాంత్ కారణంగానే వచ్చిందని పరిశీలకులు భావిస్తున్నారు. అవతల తమిళనాడులో ఎప్పటి నుంచో రాజకీయాల్లోకి వస్తాను... రాను అంటూ ఊరించిన రజనీకాంత్ ప్రత్యక్ష రాజకీయాల్లోకి దూకేశారు. సహజంగానే జనాల్లో పవన్ కళ్యాణ్ కంటే ఎక్కువ ఫాలోయింగ్ వున్న రజనీకాంత్‌ రాజకీయ ప్రవేశ ప్రకటన రాజకీయాల్లో సంచలనం కలిగించింది. రజనీకాంత్‌కి రాజకీయంగా సడెన్‌గా ఆకర్షణ పెరిగిపోయింది. రజనీ పార్టీ ఈసారి ఎన్నికలలో అధికారంలోకి వచ్చే అవకాశాలు పుష్కలంగా వున్నాయన్న లెక్కలు కూడా బయటకి వచ్చేశాయి. అయితే రజనీ రాజకీయ రంగ ప్రవేశం విషయంలో ఇంత పాజిటివ్ రియాక్షన్ వచ్చింది... తాను నడుపుతున్న రాజకీయాలకు మాత్రం అంత రేంజ్‌లో పాజిటివ్ రియాక్షన్ రాలేదేంటా అని పవన్ కళ్యాణ్ ఆలోచనలో పడిపోయినట్టు సమాచారం. పొరుగు రాష్ట్రంలో స్టార్ పార్టీ ప్రకటించగానే ఇంత పొలిటికల్ క్రేజ్ సంపాదించుకున్నాడు. తాను మాత్రం ఇంతకాలంగా దేకుతున్నా అంత క్రేజ్ అంతగా రాకపోవడం పవన్ కళ్యాణ్ ఫీలయ్యే విషయమే కదా... అందుకే పక్క రాష్ట్రం రాజకీయాలను చూసి ఉత్సాహం తెచ్చుకుని తాను కూడా పొలిటికల్‌గా ఒక కీలకమైన స్టెప్ వేశారు. పోనీలెండి.. ఇప్పటికైనా కార్యకర్తల నమోదు ప్రారంభించారు.. సంతోషం.

పాక్‌తో క్రికెట్ ఇక లేనట్లే-సుష్మాస్వరాజ్

భారత్-పాకిస్థాన్‌ల మధ్య క్రికెట్ సంబంధాలను పునరుద్ధరించాలని గట్టి ప్రయత్నాలు జరుగుతుండగా భారత విదేశాంగశాఖ మంత్రి సుష్మాస్వరాజ్ సంచలన వ్యాఖ్యలు చేశారు. పాకిస్థాన్‌తో భారత్ ఎప్పటికీ క్రికెట్ మ్యాచ్‌లు ఆడే ప్రసక్తి లేదని తేల్చి చెప్పారు. గత కొద్దిరోజులుగా దాయాదీ దేశం తరచూ కాల్పుల విరమణ ఒప్పందానికి తూట్లు పొడుస్తోంది. ఈ ఘటనల్లో సైనికులతో పాటు సాధారణ పౌరులు ప్రాణాలు కోల్పోతున్నారు..   దీనికి తోడు కొద్దిరోజుల క్రితం కుల్‌భూషణ్ జాదవ్‌ని కలిసేందుకు వెళ్లిన ఆయన తల్లి, భార్యల పట్ల పాక్ అత్యంత అవమానకరంగా ప్రవర్తించింది. దీంతో భారతప్రభుత్వం ఆగ్రహం వ్యక్తం చేసింది. కేంద్ర విదేశాంగశాఖ మంత్రి సుష్మా స్వరాజ్ పార్లమెంట్ సాక్షిగా పాక్‌ తీరుపై మండిపడ్డారు. తాజాగా ఇవాళ ఓ సమావేశంలో మాట్లాడిన ఆమె ఆ దేశంతో ఎట్టి పరిస్థితుల్లోనూ ద్వైపాక్షిక క్రికెట్ సిరీస్ ఆడేది లేదని స్పష్టం చేశారు. తటస్థ వేదికల్లోనూ ఇరు దేశాల మధ్య మ్యాచ్‌లు జరగవని అన్నారు. ఇందుకు తగ్గట్టుగానే గ్లోబల్ టోర్నమెంట్లలోనూ ఇరుదేశాలను ఒకే గ్రూపులో పెట్టొద్దని బీసీసీఐ గతంలోనే ఐసీసీని కోరింది. మరోవైపు సుష్మ ప్రకటనతో క్రికెట్ ప్రేమికుల్లో కలవరం మొదలైంది.  

రోజాను భయపెడుతుంది ఎవరో తెలుసా...?

  వైసీపీ ఫైర్ బ్రాండ్, నగరి ఎమ్మెల్యే రోజా చాలా డేరింగ్ అండ్ డాషింగ్ అంటుంటారు. అంతేకాదు ఆమె నోటికి కూడా చాలా భయపడుతుంటారు. అలాంటిది ఇప్పుడు రోజానే ఓ వ్యక్తికి భయపడుతున్నారట. రోజాని అంతలా భయపెట్టిన వ్యక్తి ఎవరు..? రోజా అంతలా భయపడుతున్న ఆ వ్యక్తి ఎవరబ్బా అనుకుంటున్నారా..? ఎవరో కాదు...  టీడీపీ సీనియ‌ర్ లీడ‌ర్ గాలి ముద్దుకృష్ణ‌మ నాయుడు కొడుకు గాలి భానుప్రకాష్. గత ఎన్నికల్లోనే వైసీపీ నుండి పోటీ చేసిన రోజా పెద్ద మెజార్టీతో ఏం గెలవలేదు. గాలి ముద్దుకృష్ణమ నాయుడిపై పోటి చేసిన రోజా...ఏదో చావుత‌ప్పి కన్నులొట్ట‌బోయిన‌ట్టు కేవ‌లం 800 ఓట్ల స్వ‌ల్ప మెజార్టీతో గెలిచింది. ఇక గెలిచి ఈ మూడేళ్లలో ఆమె నియోజక వర్గానికి చేసింది ఏదైనా ఉందీ అంటే.. చెప్పుకోవడానికి ఏం లేదు. నియోజ‌క‌వ‌ర్గానికి చేసిందేమీ లేదు… పోని నియోజ‌క‌వ‌ర్గ ప్ర‌జ‌ల‌కు అయినా అందుబాటులో ఉంటున్నారా ? అంటే అదీ లేదు.   ఇక వ‌చ్చే ఎన్నిక‌ల్లో పోటీకి రెడీ అవుతోన్న గాలి వార‌సుడు గాలి భానుప్ర‌కాష్ నియోజ‌క‌వ‌ర్గంలో ప్ర‌తి గ్రామాన్ని చుట్టి వ‌స్తున్నారు. ఇంటింటికి టీడీపీని ఒంటి చేత్తో స‌క్సెస్ చేసిన ఆయ‌న నియోజ‌క‌వ‌ర్గంపై పూర్తిగా గ్రిప్ సాధించారు. ఇటు తండ్రి నుంచి వ‌చ్చిన రాజ‌కీయ వార‌స‌త్వాన్ని అంది పుచ్చుకుని, ఆ ప‌రిచ‌యాల‌ను వాడుకుని న‌గ‌రిలో తండ్రికి త‌గ్గ త‌న‌యుడిగా గుర్తింపు తెచ్చుకున్నారు. గాలికి వ‌య‌స్సు పైబ‌డ‌డంతో సీఎం చంద్ర‌బాబు, ఆయ‌న త‌న‌యుడు నారా లోకేష్ కూడా భాను ప్ర‌కాష్‌ను ఎంక‌రేజ్ చేస్తూ వ‌స్తున్నారు. దీంతో వారి సహకారంతో నియోజ‌క‌వ‌ర్గ అభివృద్ధి విష‌యంలో త‌న వ్యూతో భానుప్ర‌కాష్ ముందుకు వెళుతున్నారు. తండ్రి ముద్దుకృష్ణ‌మ నాయుడు ఎమ్మెల్సీగా ఉన్నా.. ఆయ‌న వ‌య‌స్సు దృష్ట్యా కుమారుడే వ్య‌వ‌హారాల‌ను న‌డిపిస్తున్నారు. నియోజ‌క‌వ‌ర్గంలో అభివృద్ధి ప‌నుల‌తో పాటు భానుప్ర‌కాష్ ఆలోచ‌న‌లు చూసిన విప‌క్ష వైసీపీ నాయ‌కులు కంటిన్యూగా టీడీపీలో జాయిన్ అవుతూనే ఉన్నారు. ఇక భానుప్ర‌కాష్ దూకుడు చూసిన రోజా ఇప్పుడు భయపడుతుందట. అంతేకాదు.. చివ‌ర‌కు న‌గ‌రిలో సొంత ఇళ్లు క‌ట్టుకుని ఎన్నిక‌ల‌కు ఇక్క‌డే మ‌కాం వేసే ప్ర‌య‌త్నాల్లో ఉన్నారట. ఇంకా విచిత్రం ఏంటంటే భాను ప్ర‌కాష్ ఈ రోజు ఏ గ్రామానికి వెళ్లి వ‌చ్చారో ? మ‌రుస‌టి రోజు రోజా అక్క‌డ వాలిపోతున్నార‌ట‌. ఈ విష‌యం ఇప్పుడు న‌గ‌రి నియోజ‌క‌వ‌ర్గంలో పెద్ద సంచ‌ల‌నంగా మారింది. మొత్తానికి తన నోటితో అందరినీ భయపెడుతున్న రోజానే.. ఇప్పుడు ఆమెనే భయపడుతుందటే... గ్రేటే..

కలిసింది అందుకేనా..!కలరింగ్ ఇచ్చినా వర్కవుట్ కాలేదా..!

  ఈ మధ్య ఏపీ రాజకీయాలు చాలా హాట్ హాట్ గా తయారవుతున్నాయి. ముఖ్యంగా వచ్చే ఎన్నికల్లో ఎవరెవరూ పొత్తుతో బరిలోకి దిగుతారు...అసలు పొత్తు పెట్టుకుంటారా..? ఒంటరిగా బరిలో దిగుతారా..? అబ్బో ఎన్నో అనుమానాలు తెరపైకి వస్తున్నాయి. ఇప్పటికే టీడీపీ-బీజేపీ పార్టీలు మిత్రపక్షంగా ఉన్నా... ఈమధ్య రెండు పార్టీల మధ్య విబేధాలు తెలత్తుతూనే ఉన్నాయి. బీజేపీ నేతలు ఏదో ఒక కారణంతో...టీడీపీని విమర్శించడం...దీనికి టీడీపీ నేతలకు కోపం రావడం.. చంద్రబాబు వారిని వారించడం.. దానికి గాను నేతలు ఏం చేయలేక లోలోపలే ఆగ్రహాన్ని అణుచుకోవడం.. ఇవన్నీ జరుగుతూనే ఉన్నాయి. దీంతో వచ్చే ఎన్నికల్లో ఈ రెండు పార్టీల పొత్తుపై  ఇప్పటినుండే అనుమానాలు ఉన్నాయి. అంతేకాదు మరోవైపు టీడీపీ, జనసేనతో కలిసే అవకాశం ఉందన్న వార్తలు కూడా వస్తున్నాయి. ఇక టీడీపీతో బీజేపీకి వస్తున్న విబేధాలను వైసీపీ క్యాష్ చేసుకోవాలని ఎప్పటినుండో చూస్తుంది. అందుకే బీజేపీతో పొత్తు కోసం అర్రులు చాస్తుంది. గతంలో మోడీ జగన్ కు అపాయింట్ మెంట్ ఇవ్వడంతో అది నిజమే అనుకున్నారు కూడా అందరూ.   అయితే ఆ తరువాత నంద్యాల ఉపఎన్నికల్లో టీడీపీ ఘన విజయం సాధించడం... వైసీపీ చిత్తుగా ఓడిపోవడం ఆ తరువాత బీజేపీ తోక ముడవడం అన్నీ జరిగిపోయాయి. ఇప్పుడు తాజాగా... వైఎస్ ఆర్ కాంగ్రెస్ ప్రదాన కార్యదర్శి,రాజ్యసభ సభ్యుడు విజయసాయిరెడ్డి మోడీతో భేటీ అవ్వడంతో.. మరోసారి హాట్ టాపిక్ అయింది. శుక్రవారం కోర్టులో హాజరు అవ్వాల్సి ఉన్నా.. రాజ్యసభకు వెళ్లాలని పర్మిషన్ తీసుకుని ఆయన ప్రధానిని కలిశారు. అయితే అత్యంత రహస్యంగా ఉన్నా...ఈ భేటీ బయట పడటంతో... ఇప్పుడు దానిని కవర్ చేసుకునే పనిలో పడ్డారు. ప్రధాని మోడీకి వైకుంఠ ఏకాదశి శుభాకాంక్షలు చెప్పడానికి, గుజరాత్, హిమాచల్ ప్రదేశ్ అసెంబ్లీ ఎన్నికల్లో బీజేపీ విజయం సాధించినందుకు మోదీకి అభినందనలు తెలపడానికి వెళ్లాని కలరింగ్ ఇస్తుంది తమ ఛానల్. అయితే ఇవేమీ కాదు.... వైసీపీతో బీజేపీ పొత్తు అంశంపైనే ఎక్కువగా చర్చించినట్టు రాజకీయ వర్గాల్లో ప్రచారం జరుగుతోంది.  జగన్ పాదయాత్ర ఏ విధంగా సాగుతోంది. ఆయన పాదయాత్రకు ఏ రకమైన స్పందన వస్తోందనే విషయాలను కూడా ప్రధానికి విజయసాయిరెడ్డి వివరించినట్టు సమాచారం.   దీంతో...  బీజేపీ విజయానికి విజయ సాయి రెడ్డి శుభాకాంక్షలు చెప్పడం ఏంటో? పాదయాత్ర విశేషాలు మోడీకి ఎందుకు? జగన్ ఎమన్నా బీజేపీ నాయకుడా? లేకపోతే కనీసం వైకాపా బీజేపీ ఒక కూటమిలో ఉన్నాయా? మోడీకీ జగన్ యాత్ర విశేషాలతో పనేముంది? అన్న ప్రశ్నలు తలెత్తున్నాయి. మొత్తానికి వైసీపీ ఏదో కవర్ చేయడానికి ప్రయత్నించినా... కారణం మాత్రం అందరికీ అర్దమైపోతుంది. నిజంగా బీజేపీతో పొత్తు ప్రయత్నాలు చేస్తే అది తప్పేమి కాదు. రాజకీయాల్లో అవన్నీ కామనే. మరి అందులో దాచుకోవాల్సిన పనేం లేదు. వైసీపీ బయటకు చెప్పుకోవడానికి భయపడాల్సిన అవసరం లేదు. కాస్తో కూస్తో భయపడితే బీజేపీ భయపడాలి. ఎందుకంటే వైసీపీకి అవినీతి మరకలు ఉన్నాయి కాబట్టి. మరి చూద్దాం.. వచ్చే ఎన్నికల్లో ఎవరెవరు. ఎవరితో పొత్తు పెట్టుకుంటారో..

కేంద్రం ఇప్పుడేం చెబుతుందో...!

  ఏపీలో ఇటీవల హాట్ టాపిక్ గా మారిన విషయం ఏదైనా ఉంది అంటే.. అది పోలవరం గురించి అని చెప్పొచ్చు. ఎప్పుడైతే కాఫర్ డ్యామ్ పేరుతో పోలవరానికి కేంద్రం అడ్డుపుల్ల వేసిందో అప్పటినుండి.. పోలవరం పై చర్చలు నడిచాయి. ఇక ఎప్పుడు ఛాన్స్ దొరుకుతుందా రాష్ట్రప్రభుత్వాన్ని, చంద్రబాబుని ఏకిపారేద్దామని ఎదురుచూసే వైసీపీ అయితే.. ఈ కారణం చూపించి.. చంద్రబాబుపై మాటలతో దాడి చేశారు. జనసేన అధినేత పవన్ కళ్యాణ్ కూడా పోలవరం దర్శించి.. పోలవరంపై స్పందించి ఏపీ ప్రభుత్వంపై..చంద్రబాబుపై సీరియస్ అవ్వడంతో ఈ విషయం మరింత హాట్ టాపిక్ గా మారింది. మరి కేంద్రం చేసిన పనికి.. ఇన్ని రోజులు కేంద్రం ఏం చేసినా సైలెంట్ గా ఊరుకున్న చంద్రబాబు మాత్రం పోలవరం పై కేంద్రం తీరు చూసి ఫైర్ అయ్యారు.   కానీ ఇప్పుడు 2018 కల్లా పోలవరం ప్రాజెక్టును పూర్తి చేయాలన్న చంద్రబాబు కోరిక తీరే అవకాశం దక్కింది. నిర్మాణ పనులపై ఇటీవల ఏర్పడ్డ గందరగోళం ముఖ్యమంత్రి చంద్రబాబు చొరవతో కొలిక్కివచ్చేసింది. కాఫర్‌ డ్యాం పేరుతో ఏపీ ప్రభుత్వం ప్రకటించిన టెండర్లను సైతం ఆపేసిన కేంద్రానికి జాతీయ జల విద్యుత్ పరిశోధన బృందం ఓ ఝలక్ ఇచ్చింది.  ఓ వైపు నుంచి కాఫర్‌ డ్యాం, మరోవైపు నుంచి ప్రధాన డ్యాం నిర్మించుకుంటూ వెళ్లి వీటిని అనుసంధానించడం ద్వారా నీటిని నిలబెట్టుకోవచ్చంటూ జాతీయ జల విద్యుత్ పరిశోధన బృందం (ఎన్‌హెచ్‌పీసీ) కేంద్రానికి రిపోర్ట్ ఇచ్చేసింది. అంతేకాదు.. చంద్రబాబు ఆశిస్తున్నట్టు ఈ సీజన్‌కు నీటిని నిలిపి గ్రావిటీ ద్వారా కాల్వలకు విడుదల చేసుకోవచ్చని తెలిపిందట. ఆ తర్వాత మిగిలిన ప్రధాన డ్యాం పనులు పూర్తి చేయొచ్చని సూచించిందట.ఇలా చేయడం వల్ల ఎగువ కాఫర్ ‌డ్యాం నిర్మాణ వ్యయం కూడా తగ్గిపోతుందని కేంద్రానికి నిపుణుల బృందం కేంద్రాని తెలిపినట్లు తెలుస్తోంది.   అంతేకాదు.. ఎగువ కాఫర్‌ డ్యాం 42.5 మీటర్లకు పెంచాలన్న రాష్ట్ర ప్రభుత్వ ప్రతిపాదనపై కూడా స్పందించి...  ఎగువ కాఫర్ డ్యాంను 42.5 మీటర్లకు పెంచేందుకు అభ్యంతరం లేదంటూనే… ప్రధాన డ్యాం నిర్మాణాన్ని 42.5 మీటర్లకు నిర్మించాలని తెలిపింది. ఎగువ కాఫర్‌ డ్యాంను పూర్తిగా నది ఈ చివరి నుంచి ఆ చివరి వరకు కాకుండా…. సగం వరకు కాఫర్ డ్యాం, మిగిలిన సగం ప్రధాన డ్యాం నిర్మించి రెండింటినీ అనుసంధానించాలని తెలిపింది. దీని ద్వారా నీటిని నిలుపుదల చేసి వచ్చే ఖరీప్ నాటికి కాల్వలకు గ్రావిటీ ద్వారా నీటిని విడుదల చేయొచ్చని సూచించింది. సో.. దీనివల్ల 2018 నాటికే పోలవరం ద్వారా నీళ్లివ్వాలన్న చంద్రబాబు కల నెరవేరుతుందన్నమాట. మొత్తానికి చంద్రబాబు ఖాతాలో మరో పెద్ద విజయం దక్కినట్టే.. మరి దీనిపై అసలు కేంద్రం ఎలా స్పందిస్తుందో చూద్దాం...

అమ్మ గదిలో ఏముందో..?

  తమిళనాడు దివంగత ముఖ్యమంత్రి జయలలిత మరణానంతరం...వరుసపెట్టి ఐటీ దాడులు జరుగుతున్న సంగతి తెలిసిందే కదా. ఇప్పటికే శశికళ.. దినకరన్.. ఇంకా శశికళ కుటుంబసభ్యుల ఇళ్లల్లో ఐటీ అధికారులు దాడులు జరిపి వేల కోట్ల ఆస్తులు స్వాదీనం చేసుకున్నారు. అయితే జయలలిత మరణించిన తరువాత ఆమె డెత్ ఎంత మిస్టరీగా మారిందో... ఆమెకు సంబంధించిన ఆస్తుల గురించిన విషయాలు కూడా అంతే రహస్యంగా ఉన్నాయి. ఇటీవల జయలలిత కొడనాడ్ ఎస్టేట్ లో కూడా ఆమె ఆస్తులకు సంబంధించి.. కీలక పత్రాలు దొంగిలించారు. ఇక ఇప్పుడు శశికళ, ఆమె బంధువర్గమే లక్ష్యంగా జరుగుతున్న ఐటీ దాడులు కీలక దశకు చేరుకున్న వేళ.... పోయిస్ గార్డెన్స్ లోని వేదనిలయంలో జయలలిత పర్సనల్ గదిని నేడు తెరిచి, అందులో ఏముందో తేల్చాలని ఆదాయపు పన్ను శాఖ అధికారులు నిర్ణయించుకున్నారు. గతంలో కూడా ఐటీ అధికారులు వేదనిలయంలో సోదాలు జరిపారు. కానీ అప్పుడు జయ ఆంతరంగిక గదుల జోలికి వెళ్లలేదు. కానీ ఇప్పుడు ఆమె గదిలో ఏముందో తేల్చాలని నిర్ణయించుకున్నారు. దీనిలో భాగంగానే... ఐటీ అధికారులు ఆమె ఇంటికి వెళ్లారు. ఇప్పటివరకూ చిన్నమ్మ సామ్రాజ్యంపై విరుచుకుపడిన ఐటీ, ఇప్పుడు జయలలిత ఏం దాచుకుందో తేల్చనున్నారు. ఇక ఐటీ అధికారులు అమ్మ ఇంటికి వెళ్లడంతో... తమిళనాడు మొత్తం అసలు ఆ గదిలో ఏముంది... ఆమె మాత్రమే వాడిన గదిలో ఏం దాచారని... ఐటీ అధికారులు ఏం నిజాలు బయట పెడతారని ఎదురుచూస్తున్నారు. మరోపక్క అన్నాడీఎంకే శ్రేణులు కూడా భారీ ఎత్తున అక్కడకు చేరుకున్నాయి. మరి ఎన్నో రహస్యాలు దాగి ఉన్న జయలలిత జీవితంలో.. ఇప్పటివరకూ దేనికి సరైన సమాధానం అన్నదే దొరకలేదు. ఆఖరికి తన మరణం కూడా. మరి ఇన్ని రోజులు రహస్యంగా... ఎవరినీ రానివ్వకుండా ఉన్న ఆమె గదిలో ఏముందో..? అధికారులు ఏం బయటపెడతారో చూద్దాం..?

మోడీకి బాబుకి చెడింది అక్కడేనట...

గత సార్వత్రిక ఎన్నికల్లో టీడీపీ-బీజేపీ కూటమిగా ఎన్నికల్లో విజయం సాధించిన సంగతి తెలిసిందే కదా. అయితే ఆ తరువాత రెండు పార్టీల మధ్య కాస్త విబేధాలు వచ్చాయి. ఏదో మిత్రపక్షంగా ఉండటానికి ఉన్నాయి కానీ... రెండు పార్టీల మధ్య అంత సఖ్యత లేదనే చెప్పొచ్చు. దానికి తోడు ఈ మధ్య ఏపీ బీజేపీ నేతలు ఇష్టమొచ్చినట్టు మాట్లాడుతుండటంతో టీడీపీ నేతలు కూడా ఆగ్రహం వ్యక్తం చేస్తున్నారు. ఇక బీజేపీ ఎంత సతాయించిన సైలెంట్ గా ఉన్న చంద్రబాబు.. పోలవరం విషయంలో మాత్రం అడ్డుపుల్ల వేసినందుకు.. కేంద్రంపై అసహనం వ్యక్తం చేశారు. ఇక ఇన్ని పరిస్థితుల నేపథ్యంలో వచ్చే ఎన్నికల్లో ఈ రెండు పార్టీల పొత్తు కూడా అనుమానంగానే ఉంది.   ఏపీ లో ఉన్న బీజేపీ నేతలతోనే.. చంద్రబాబుకు, నరేంద్రమోడీకి కూడా గత కొంత కాలంగా అంతగా సత్సంబంధాలు లేదన్న సంగతి తెలిసిందే. అందుకే ఆయనకు అపాయింట్ మెంట్ ఇవ్వడానికి కూడా మోడీ ఆలోచిస్తున్నారన్న వార్తలు జోరుగా వినిపించాయి. అంతేకాదు.. ఆ మధ్య కేసీఆర్ కు కూడా అపాయింట్ మెంట్ ఇచ్చిన మోడీ.. చంద్రబాబు కు ఇవ్వకపోవడంతో... ఈ వార్తల్లో నిజముందనే అనుకున్నారు. అయితే అసలు వారిద్దరి మధ్య అంత దూరం పెరగడానికి రీజన్ వేరే ఉందట. దానికి కారణం బీహార్ ముఖ్యమంత్రి నితీష్ కుమార్ అట. నితీష్ కు, మోడీ, చంద్రబాబుకు మధ్య సంబంధం ఏంటనుకుంటున్నారా..? అసలు సంగతేంటంటే.. నితీష్, లాలూ కూటమి నుండి బయటకు వచ్చిన తరువాత ఎన్డీఏ తో చేతులు కలిపిన సంగతి తెలిసిందే కదా. అయితే.. మొదటి నుంచి నీతిష్ కు చంద్రబాబుకు మంచి రిలేషన్స్ ఉన్న నేపథ్యంలో.. కుమార్ మహాకూటమి నుంచి ఎన్.డి.ఎ.లోకి ఫిరాయించక ముందు చంద్రబాబుకు ఫోన్ చేసి.. ఆయన సలహా కోరారట.   ఆ సమయంలో చంద్రబాబు నితీష్ తో ఎన్డీఏలోకి రావద్దని సలహా ఇచ్చారట. అంతే కాదు.. .ఆ సందర్భంలో మోడీకి వ్యతిరేకంగా కొన్ని కామెంట్స్ కూడా చంద్రబాబు చేసినట్టు చెబుతున్నారు. అంతగా  అవసరమైతే కొత్త కూటమి పెడదామని కూడా చంద్రబాబు నీతీష్ కు ప్రతిపాదించారట. కానీ నితీష్ మాత్రం మోడీతోనే చేతులు కలిపారు. అక్కడితో ఆగకుండా.. చంద్రబాబు చేసిన కామెంట్లను.. మోడీ చేవిలో ఊదరట నితీష్ కుమార్. దాంతో మొదటి నుండి చంద్రబాబుకు కాస్త దూరంగా ఉంటున్న మోడీ.. ఈ ఉదంతం తర్వాత ఇంకా దూరం పెరిగిపోయింది. ఇలా ఇన్ని కారణాలతో మోడీ- చంద్రబాబు సంబంధాలు దారుణంగా బెడిసికొట్టాయి. మరి ఇందులో ఎంత నిజముందో తెలియదు కానీ.. ప్రచారం మాత్రం జరుతుంది. మరి నిజనిజాలు ఏంటో వాళ్లకే తెలియాలి.