కాలు విరగొట్టుకొన్న అఘోరా గారు
posted on Feb 25, 2013 @ 11:40AM
‘అరుంధతి’ సినిమాలో ‘బొమ్మాళీ...నిన్నొదలా...’ అంటూ అఘోరాగా ప్రేక్షకులను తన నటనతో భయకంపితులను చేసిన బాలివుడ్ నటుడు సోనూ సూద్, ప్రస్తుతం కాళ్ళు విరగొట్టుకొని ముంబాయిలో కోకిల బెన్ ఆసుపత్రిలో మంచం మీద బందించబడిఉన్నాడు. ఇటీవల దుబాయ్ లో జరిగిన ఒక చారిటీ మ్యాచులో ముంబాయి హీరోస్ టీం తరపున ఆడుతున్నసమయంలో ఆయనకు కాలుకు తీవ్ర గాయాలవడంతో వెంటనే అతనిని స్థానిక ఆసుపత్రిలో జేర్చి ప్రాధమిక వైద్యం చేయించిన తరువాత నేరుగా ముంబాయిలో కోకిల బెన్ ఆసుపత్రికి తరలించారు. అతని కాలుకి మొత్తం ఆరు చోట్ల విరిగినట్లు సమాచారం. వైద్యుల సలహా మేరకు అతను మరో ఆరు వారాలపాటు పూర్తి విశ్రాంతి తీసుకోవలసి ఉంటుంది. సోనూ సూద్ ప్రస్తుతం నాగార్జున యొక్క ‘భాయి’ సినిమాలో, రామ్ చరణ్ తేజ్ చేస్తున్న హిందీ సినిమా ‘జంజీర్’ ప్రతినాయక పాత్ర చేస్తున్నాడు. ఈ ప్రమాదం వలన ఆ రెండు సినిమా షూటింగులకు సోనూసూద్ కొంత విరామం ఈయకతప్పదు.