విద్యార్ధులే లక్ష్యంగా అమెరికాలో కాల్పులు...
posted on Oct 19, 2016 @ 11:35AM
అమెరికాలో ఈమధ్య తరచూ కాల్పులు జరుగుతూనే ఉన్నాయి. ఇప్పటికి పలుమార్లు కాల్పులు జరిపిన దుండగులు ఇప్పుడు తాజాగా మరోసారి కాల్పులకు తెగబడ్డారు. విద్యార్దులే లక్ష్యంగా ఈదాడులకు పాల్పడినట్టు తెలుస్తోంది. అమెరికలోని శాన్ ఫ్రాన్సిస్కో ప్రాంతంలో... వేర్వేరు చోట్ల గుర్తు తెలియని వ్యక్తులు విచక్షణారహితంగా కాల్పులు జరిపారు. ఈ ఘటనలో కాల్పుల నుంచి కొందరు విద్యార్థులు తప్పించుకున్నా.. నలుగురు విద్యార్థులకు తీవ్రగాయాలయ్యాయి. వారిలో ఒకరి పరిస్థితి విషమంగా ఉన్నట్లు సమాచారం. ఈ ఘటనపై అక్కడి అధికారులు మాట్లాడుతూ... ఈక్విటీ జూన్ జోర్డాన్ స్కూల్ సిటీ ఆర్ట్స్ అండ్ టెక్నాలజీ హైస్కూల్ బయట దుండగులు ఈ చర్యలు పాల్పడినట్లు తెలిపారు. నల్లటి ముసుగులు వేసుకొని ఉన్న నలుగురు స్కూల్ విద్యార్థులపై కాల్పులు జరిపి, అనంతరం అక్కడి నుంచి పారిపోయినట్లు చెప్పారు. నిందితుల కోసం గాలిస్తున్నట్లు తెలిపారు.