మొన్నే సీఎంగా ప్రమాణ స్వీకారం.. అప్పుడే మెహబూబా ముఫ్తీకి షాక్
posted on Apr 6, 2016 @ 11:51AM
జమ్మూ కాశ్మీర్ ముఖ్యమంత్రిగా అలా ప్రమాణ స్వీకారం చేశారో లేదో మెహబూబా ముఫ్తీకి అప్పుడే షాక్ తగిలింది. బీజేపీ మద్దతుదారుడిగా కొనసాగుతున్న సజ్జద్ ఘనీ లోన్ తన మంత్రి పదవికి రాజీనామా చేశారు. మెహబూబా మప్తీ ఘనీకి సాంఘిక సంక్షేమ శాఖను కేటాయిస్తూ నిర్ణయం తీసుకుంది. అయితే ఘనీ మాత్రం తనకు వైద్య, ఆరోగ్య శాఖ వస్తుందని ఆశించారు. దీంతో తనకు కేటాయించిన శాఖకు అసంతృప్తి చెందిన ఘనీ వెంటనే తన పదవికి రాజీనామా చేసి ఆ లేఖను మెహబూబాకు పంపడానికి బదులుగా బీజేపీ హై కమాండ్ కు పంపారు. మరోవైపు అటు బీజేపీ, ఇటు పీడీపీ ఘనీని బుజ్జగించేదుకు ప్రయత్నిస్తున్నారు. కానీ ఈ విషయంలో ఘనీ మాత్రం వెనక్కి తగ్గేలా కనిపించట్లేదు. ఈ నేపథ్యంలో బీజేపీ హైకమాండ్ మెహబూబాతో ఈ విషయంపై మాట్లాడితే కాని సర్దుబాటు జరిగేలా లేదని రాజకీయ పెద్దలు చర్చించుకుంటున్నారు.