హరీశ్ రావత్ అంత పని చేశాడా..?
posted on Aug 5, 2016 @ 11:07AM
ఉత్తరాఖండ్ సీఎం మరో వివాదంలో చిక్కుకుపోయారు. గత కొన్ని రోజుల క్రితం ఓ మహిళ.. తాను ఓ విషయంలో ఫిర్యాదు చేయడానికి వెళితే బీజేపీ నేత హరక్ సింగ్ తనపై లైంగిక దాడి చేశారని పోలీసులను ఆశ్రయించిన సంగతి తెలిసిందే. అంతే ఇక ఆయనపై కేసు నమోదు అవ్వడం.. విమర్శలు వెల్లువెత్తాయి. అయితే ఇప్పుడు ఈ విషయంలో ఆమె అందరికి ఓ ట్విస్ట్ ఇచ్చింది. ఉత్తరాఖండ్ సీఎం ఆదేశించినందువల్లే తాను అలా అబద్ధం చెప్పి, తప్పుడు కేసు పెట్టాల్సి వచ్చిందని.. తనను సీఎం తరుపు వారు బెదిరించి అలా చేయించారని చెప్పింది. దీంతో హరీశ్ రావత్ చిక్కుల్లో పడ్డారు. ఇక ఇది విన్న బీజేపీ నేతలు ఊరుకుంటారా.. హరీశ్ రావత్ పై దుమ్మెత్తి పోస్తున్నారు. ఇలా కుట్రలు చేసే వ్యక్తి సీఎంగా ఉండడానికి వీల్లేదని... వెంటనే రాజీనామా చేయాలని డిమాండ్ చేస్తోంది. ఇదిలా ఉంటే ఇప్పుడు హరీశ్ రావత్ రివర్స్ లో బీజేపీ నేతలే బీజేపీ వాళ్లే మహిళను బెదిరించి అలా తనపై వ్యతిరేకంగా చెప్పిస్తున్నారని అన్నారు. మరి ఎవరు ఎవరిని బెదిరించారో తెలియాలంటే కొంచం వెయిట్ చేయాల్సిందే.