అఖిలేష్ యాదవ్ పై ములాయం రెండో భార్య చేతబడి...
posted on Oct 21, 2016 @ 10:21AM
ఇప్పటికే సమాజ్ వాదీ పార్టీ సుప్రీమో ములాయం సింగ్ యాదవ్ కుటుంబంలో కుటుంబ రాజకీయాలు పెద్ద దుమారం రేపుతున్న సంగతి తెలిసిందే. తండ్రి కొడుకుల మధ్య విభేధాలు తలెత్తే పరిస్థితి ఏర్పడుతుంది. ఇప్పుడు దానికి తోడు మరో వార్త యూపీలో చక్కర్లు కొడుతోంది. అదేంటంటే.. ములాయం సింగ్ యాదవ్ రెండో భార్య సాధన అఖిలేష్ యాదవ్ కుట్రలు చేస్తున్నారని ఆరోపిస్తున్నారు. దీనిలోభాగంగానే పార్టీ ఎమ్మెల్సీ ఉదయ్ వీర్ సింగ్ ములాయంకు ఓ లేఖ రాశారు. అందులో సొంత కొడుకులా చూసుకోవాల్సిన అఖిలేష్ పై సాధన కుట్రలు చేస్తున్నారని.. శివపాల్ యాదవ్ తో కలసి చేతబడులు చేయిస్తున్నారని తెలిపారు. వెంటనే పార్టీ అధ్యక్ష పదవిని అఖిలేష్ కు అప్పగించాలని ఆయన డిమాండ్ చేశారు. పార్టీలోని అత్యధికుల అభిప్రాయం కూడా ఇదేనని ఆయన పేర్కొన్నారు. పార్టీలోని సీనియర్లను పక్కనబెట్టి యువరక్తంతో నింపాలని, అందుకు అఖిలేష్ మాత్రమే ప్రత్యామ్నాయమని తెలిపారు. మరి దీనిపై ఆమె ఎలా స్పందిస్తారో.. దీనివల్ల ములాయం కుటుంబంలో మరెన్ని విబేధాలు తలెత్తుతాయో చూడాలి.