అప్పు అనే మాట బలవంతుడికి మరింత బలాన్ని చేకూరిస్తే.. బలహీనుండి మరింత బలహీనుడ్ని చేస్తుంది. అప్పు ఎప్పటికి ముప్పే అంటారు. అది నిజమే ఎక్కడి నుండి వస్తుందో ఎప్పుడు వస్తుందో తెలియని అలలాంటిది అప్పు అనేది. ఈ సమాజం లో కొంత మంది దుండగులు ఇచ్చిన అప్పును అడ్డు పెట్టుకుని ఆడవాళ్ళను కమిట్ మెంట్ కూడా అడుగుతుంటారు. వాడి వాంఛ తీరిస్తేనే అప్పులు పడుతుంది లేదంటే పస్తులు తప్పవు.. తాజాగా అప్పు అడిగిన యువతిపై దారుణంగా ప్రవర్తించాడో కామాంధుడు. అప్పుకోసం ఇంటికి వచ్చిన యువతిపై అత్యాచారయత్నానికి ఒడిగట్టాడు. ఆ యువతి ప్రతిఘటించడంతో రెచ్చిపోయాడు. అద్దు అదుపులేకుండా ప్రవర్తించాడు. కోపంతో ఆమె ముఖాన్ని గోడకేసి కొట్టాడు. ఆ అమ్మాయి అరవడంతో స్థానికులు వస్తారని ముందే ప్రసిగట్టిన ఆ గుంట నక్క చివరిగా ఆమె కంఠం కొరికి అక్కడి నుండి  పరారయ్యాడు. యువతి కేకలు విన్న స్థానికులు కుటుంబ సభ్యులకు తెలపడంతో ఆమెను ఆస్పత్రికి తరలించారు. బాధితురాలి కుడికన్ను పూర్తిగా దెబ్బతింది. ఈ దారుణ ఘటన తూర్పుగోదావరి జిల్లా కరపలో చోటు చేసుకుంది. ఈనెల 13న జరిగిన ఈ ఘటన ఆలస్యంగా వెలుగులోకి వచ్చింది.

పోలీసులు తెలిపిన వివరాల ప్రకారం కరప మండలానికి చెందిన ఓ యువతి తల్లిదండ్రులతో కలిసి నివాసం ఉంటుంది. పొట్టకూటి కోసం స్థానికంగా దుకాణం నడుపుతుంది.   అవసరం ఎంత పని అయినా చేయిస్తాడు అన్నట్లు. ఈనెల 13న స్థానికంగా ఉండే విత్తనాల రమేష్‌ను రూ.2 వేలు అప్పు అడిగింది. అదే అదునుగా చేసుకుని రమేష్ కాసేపటి తరువాత రమ్మని చెప్పడంతో తెలిసిన వ్యక్తే అని వెళ్లింది. రాత్రి ఇంటికి వెళ్లిన ఆమెపై అత్యాచారయత్నానికి యత్నించగా తీవ్రంగా ప్రతిఘటించింది. దీంతో కోపోద్రిక్తుడైన రమేశ్ కోపంతో ఆమె పీక నొక్కి గోడకు అదిమి విచక్షణారహితంగా కొట్టాడు. ఆమె గట్టిగా కేకలు వేయడంతో ఎడమ చేతిని విరిచి కంఠాన్ని కొరికాడు. చివరకు మెడ పట్టుకుని ముఖాన్ని గోడకు బలంగా కొట్టి అక్కడి నుంచి పరారయ్యాడు. ఈ విషయం తెలుసుకున్న కుటుంబ సభ్యులు ఆమెను కాకినాడ జీజీహెచ్‌కు తరలించారు. ప్రస్తుతం బాధితురాలు అపస్మారకస్థితిలో ఉన్నట్లు కుటుంబ సభ్యులు తెలిపారు. కుడి కన్ను పూర్తిగా దెబ్బతిందని చెప్పారు. కుటుంబ సభ్యుల ఫిర్యాదు మేరకు పోలీసులు నిర్భయ చట్టం కింద కేసు నమోదుచేసి దర్యాప్తు చేస్తున్నట్లు కరప ఎస్సై డి.రమేష్‌బాబు తెలిపారు. సహాయం అని వస్తే గాయాలు చేద్దాం అనే ఇలాంటి సమాజంలో బతుకుతున్నందుకు చాలా సిగ్గుపడాలి.