మొన్నటి దాకా విశాఖ ఎంపిగా ఉన్న తిక్కవరపు సుబ్బిరామిరెడ్డి తరపున కేంద్రమంత్రి పురందరేశ్వరి (చిన్నమ్మ) కొంచెం గట్టిగానే ఓట్లు అభ్యర్థించారు. ఆమె విశాఖ వచ్చేయతంతో నెల్లూరు పార్లమెంటరీ స్థానానికి పోటీ చేస్తున్నారు. తనకు ఇవ్వాల్సిన సీటు ఆమెకు ఇచ్చారని గతంలో సుబ్బిరామిరెడ్డి ఆందోళన వ్యక్తం చేశారు. సుబ్బిరామిరెడ్డి తన సొంతూరుకు సేవ చేసే అవకాశం లభిస్తోందని చెబుతూ ఆయన్ని నెల్లూరు నుంచి పోటీ చేసేందుకు కాంగ్రెస్ పెద్దలు ఒప్పించారు. దీంతో పోటీ అనివార్యమానుకున్న సుబ్బిరామిరెడ్డి నెల్లూరు పార్లమెంటు సభ్యునిగా గెలుపొందాలని గట్టి ప్రయత్నాలు ప్రారంభించారు. మొన్నటిదాకా కుమారుని చదువు నిమిత్తం అమెరికా వెళ్ళిన పురందరేశ్వరి ఎన్నికల ప్రచారం నెల్లూరుతో పారంభించింది. ఇదేంటి చిన్నమ్మ సుబ్బిరామిరెడ్డితో కలిసి ప్రచారరథంపై వెడుతూ ఓట్లు అభ్యర్థిస్తోందని ముందు అందరూ ఆశ్చర్యపోయారు. సుబ్బిరామిరెడ్డి నెల్లూరు ఎంపి అయితే ఆయనకు కొంత ఊరట ఇచ్చినట్లు అవుతుందని భావించి చిన్నమ్మ సీరియస్ గా ప్రచారం చేసిందని చెప్పుకుంటున్నారు. సుబ్బిరామిరెడ్డి నెల్లూరులో స్థిరపడితే తను ప్రస్తుతం ఉన్న విశాఖ నియోజకవర్గాన్ని వదలాల్సిన అవసరం ఉండదని ఆమె భావించి ఉండవచ్చని పరిశీలకులు అంటున్నారు. ఏదేమైనా చిన్నమ్మ ప్రచారం వెనుక అసలు రహస్యం ఇది అని తేల్చలేని పరిస్థితులున్నాయి.