నేనిలా నిన్ను పెనవేసుకుని కూచుంటాను. నువ్వు మూడ లో వచ్చి ఇక్కడ ఇలా నేలపై నన్ను వెల్లకిలా తో స్తావు ..... ఆ తరవాత నేను వారిస్తున్నా వినకుండా మొత్తం నేలమీదనే ...." ఆమె చెబుతూంది నవ్వుతూనే......
   
    "నేనడిగేది ఇదికాదు...... ఆ పెట్రోలు బంకు ...... గొడవ.......మనల్ని అరెస్టు చెయ్యడం." ఉద్రేకపడుతూ జారుతూ చూసింది.  "ఆ బంకు మేనేజరు కారునెంబరు చెబుతాడు ఆ కారు నేంబరుతో దాన్ని ఆనందరావుకారుగా గుర్తించి పోలీసులు నన్ను వెదికే ప్రయత్నం చేస్తారు. కిరణ్ నా ఉనికిని అప్పుడే గుర్తించాడు కాబట్టి నాతోపాటు నిన్నూ వెంటాడి......" ఆకతాలుగా ఆమె చెప్పుకుపోతుంది.
   
    "రో....ష...ణి....." అమెమాటలు అతడ్ని మరింత ఖంగారు పెడుతుంటే ఆమెను చుట్టుకుపోయాడు.
   
    "ఇంత పిరికివాడివేం" పసికందును లాలించినట్లు లాలనగా అతడి తల నిమిరింది.
   
     ఆగాధంలో ఆణిముత్యాలను దేవుకుంటున్నట్టు కలవరపాటుగా కల్లోలిత సాగరంలో జారిపోతున్నట్లు కదిలిపోతుంటే "వైధీ___ ధైర్యంగా వుండలేవూ" అంది.
   
    అతడింకా తేరుకోలేదు......
   
    ఈమెకు తెలుసు అలాంటి క్షణంలో వైధేయని ఎలావూరడించాలో అందుకే నేలపై నుంచి నింగి  అందుకున్నట్టు హొరైజన్ లా అతడ్ని లాక్కుంది.
   
     సరిగ్గా ఇదేసమయానికి........
   
    ఆనందరావుతోపాటు మరో వ్యక్తిని స్టేషన్ కి తరలించిన కిరణ్ ఇంటరాగేషన్ మొదలు పెట్టాడు.
   
    కిరణ్ క్రితం రెస్టారెంటుకు వచ్చింది బ్లూమూన్ బార్ మేనేజర్ ఇచ్చిన కప్లయింటుపై.
   
    బాగా తాగివున్న ఆనందరావు నిషాలో ఓ వ్యక్తిపై చేయించేసుకుని చాలా గందరగోళాన్నిసృష్టించాడు.
   
     ఆ వ్యక్తి మరేవరో కాదు.
   
    ఆ బార్ లోపాటలు  పాడే రమేష్ ఆనందరావు భార్యకు ఒకనాటి ప్రియుడు.
   
    "కిరణ్ వాస్తావాన్ని రాబట్టాలని ప్రయత్నించలేదు..... మందలించిపంపేశాడు ___ అంతే"
   
    కాని ఇలాంటి వాటిపై చాలా అసక్తిని చూసి లోతుగా పరిశీలించి సేన్సేషను సృష్టించే హైడ్ ఇదంతా గమనించడం యాద్రుచ్చకం
   
                                5
   
      
    రాత్రి తొమ్మిది గంటలవేళ.......
   
    కంట్రోల్ రూమ్ లోని తన ఛాంబర్ లో ఎవరి కోసమో ఎదురు చూస్తున్నట్టు ఏ.సి.పి ధావన్ చాలా ఆవేశంగా అటూఇటూ పచార్లు చేస్తున్నాడు.
   
    "నేనసలే చండాశాసనుడిని" అనుకున్నాడు అప్పటికే చాలాసార్లు.
   
    ధైర్యం సన్నగిల్లిపోయే వేళ ఇలా తనను తాను ఓ దార్చుకోవడం అదినుంచీ అతనికి ఓ ఆనవాయితీ.
   
    అతని కెదురుగా టేబుల్ పై  సుమారు ఇరవై సెంటీమీటర్ల పొడవు అంతే వెడల్పు గల ఒకార్డుబోర్డు ఉంది. దానిపై 'డి'  అనే ఇంగ్లీషు అక్షరం రాయబడి ఉంది.
   
    దాన్ని చూస్తున్న కొద్దీ అయన అవేశం అదుపు తప్పు తూంది.
   
    ఆ కార్డుబోర్డు పెట్రోలుబంకు దగ్గర దిరికిమ్ది పోలీస్ ఇన్వెస్ట్ గేషన్ లో. అది దోపిడికీ వచ్చిన కారు టైర్ల గుర్తులున్నచోట .
   
    అందంగా రాయబడిన ఆ కార్డుబోర్డు కావాలని జారవిడిచినట్లు .   
   
    'డి' అంటే హంతుకుడి పేరుకు సంభందించిందాలేక ఆ ముఠాకి గుర్తా.
   
    అలా దోపిడీ తర్వాత అక్కడ జారవిడవడంలో నేరస్థుల ఉద్దేశ్యం ఏమై ఉంటుంది?
   
    'డేమిట్'
   
    తనను సవాల్ చండశాసననుడ్ని......
   
    'అయ్' ఉగ్ర నరసింహ స్వామిలా ఆ 'D' నే ఢీకొట్టాలన్నంత ఉద్వేగంతో టేబుల్ పైకివంగాడు ___
   
    మూడంగుళాలఎత్తులో మెలితిరిగిన అతడి మీసం రోషంగా వణికింది.
   
    కొన్ని గంటల క్రితమే స్పృహలోకి వచ్చిన పెట్రోల్ బంక్ మేనేజరు ముందు కారు నెంబరు చెప్పాగలిగాడు.
   
    అది సరిగ్గా ఆనందరావు పోగొట్టుకున్న కారుదే.....
   
    "ఆనందరావు మరి ఆ కారు పోలేదంటాడేమిటి" ఎడమకన్ను చిట్లించి ఏదో అలోచించాలని ప్రయత్నించి ఏమీ తోచకపోవడంతో 'కన్ ప్యూజన్ గా ఉంది సుమా' అన్నట్టూ తలపకించాడు.
   
    వెంటనే ఇందాక మరచిపోయిన తన ఆవేశాన్ని కొనితెచ్చుకుని మళ్ళీ పచార్లు చేయడంలో నిమగ్నుడై పోయాడు.
   
    "జేమిట్ __ ఇంకా ఎంతసేపు "
   
    రోషంగా వాచీ చూసుకున్నాడు......
   
    పెట్రోలు బంకు మేనేజరు పాత నేరస్తురాలిఫోటోను గుర్తించక క్రైండిపార్ట్ మెంటు కి చెందిన ఎస్సైని పంపేడు వెంటనే ఆమెను అరెస్టు చేసి తీసుకురమ్మని ___
   
    ఇంతవరకూ రాలేదంటే ____