14 వ. సర్గ
              అశోక వన వర్ణన
    1.   చంపక వకుళ సు | వర్ణ చందన
           శింశుప అశోక - దేవ కాంచన |
                                నారికేళ, చూత నాగకేసర
                                సాల, రసాల, ఖ | ర్జూర, కర వీర |
            వివిధ పుష్ప ఫల - జాతులతో
            విరిసిన వసంత - శోభలతో |
                               సుందరమైన అ | శోక వనమున
                              మారుతి వెదకెను | సీతను కనుగొన .....    ||శ్రీ||
    2.   విరి తేనియలు - గ్రోలు భృంగములు
           విందారగ జేయు - ఝుంకారములు |
                                లే జిపురాకుల - మెసవు కోయిలలు
                                పంచమ స్వరముల - పలికే పాటలు |
          పురులు విప్పి నా | ట్యమాడు నెమళులు
          కిలకిలలాడే - పక్షుల గుంపులు |
                             సుందరమైన అ | శోక వనమున
                             మారుతి వెదకెను | సీతను కనుగొన ....   ||శ్రీ||
    3.   కపికిశోరుడు - కొమ్మ కొమ్మను
           ఊపుచు ఊగుచు - దూక సాగెను |
                              పూవులు రాలెను - తీవెలు తెగెను
                              ఆకులు కొమ్మలు - నేలపై బడెను |
           పూలు పై రాల - పవన కుమారుడు
           పుష్ప రధమువలె - వనమున దోచెడు |
                                   సుందరమైన అ | శోక వనమున
                                  మారుతి వెదకెను | సీతను కనుగొన ....   ||శ్రీ||
    4.   ముక్తామణిమయ - సోపానములు
           కలువలు నిండిన - నడబావులు
                              భరత శారిక - హంస మయూర
                              పారావతాది - పక్షుల కూతలు |
           కుసుమలతావృత - కుంజవాటికలు
           స్వాదు జలములు ఉ | ద్యాన వనములు |
                                  సుందరమైన అ | శోక వనమున
                                  మారుతి వెదకెను | సీతను కనుగొన ....   ||శ్రీ||
    5.   నానా పుష్ప సు | గంధములు విరియ
           కుంజ కుటీర - క్రీడలు వెలయ  |
                            కాంచన శిఖర - కాంతులు మెరయ
                            పులకిత, పయో | ధరమై వెలయ |
           వినోదార్ధము - వన మధ్యమున
           క్రీదాచలము - నిర్మితమైన |
                            సుందరమైన అ | శోక వనమున
                            మారుతి వెదకెను | సీతను కనుగొన ....   ||శ్రీ||
    6.   మగనిపై అలిగి - తరలెడు స్త్రీ వలె
           నగము వీడి వడి - సెలయేరు వెడలె |
                                హితము గొలుపు ప్రియ | బాంధవులవలె
                                ఎటినీట తరు - శాఖలు వ్రాలె |
            తెలివిగ పతిజేర - మరలెడు సతివలె
             శిలలను డాకిన - వాహిని మరలె |
                                 సుందరమైన అ | శోక వనమున
                                మారుతి వెదకెను | సీతను కనుగొన ....   ||శ్రీ|| 
    7.   చివురులు మెరాసే - రెమ్మలతో
           పూవులు విరిసే - కొమ్మలతో |
                             అమరిన బంగరు - చిరుగంటలతో
                             కదలిన శాఖల - గణ గణ ధ్వనులతో |
           ఫల పుష్పముల - పరిమళాలతో
           అందమయిన అ | లంకరణలతో |
                             | శోభిల్లు శింశుపా - తరుశాఖల పై
                            మారుతి కూర్చొని | కలయ జూచెను .....   ||శ్రీ||
    8.   పూవులనిస పూ | తీవియ లనిన
           జానకి కెంతో - మనసౌసని |
                            పద్మ పత్రముల - పద్మాక్షుని గన
                            పద్మాకరముల - పొంతజేరునని
           అన్ని రీతుల - అనువైనదని
           అశోకవని - సీత యుండునని |
                           | శోభిల్లు శింశుపా - తరుశాఖలపై
                            మారుతి కూర్చొని | కలయ జూచెను....     ||శ్రీ|| 
    9.   మృగములు పక్షులు - వనచరములనిన
           జానకి కెంతో - ప్రాణప్రదమని |
                            సంధ్యా సమయ - ప్రార్ధన కేని
                             నదీతీరము - డాయునని |
            మంగళకరమౌ - అశోకవని
            మంగళకారిణి - సీతయుండునని |
                                   | శోభిల్లు శింశుపా - తరుశాఖలపై
                                   మారుతి కూర్చొని | కలయ జూచెను....     ||శ్రీ|| 
                                           __: 14 వ. స. సంపూర్ణము :__