శ్రీ విష్ణు సహస్రనామ స్తోత్ర ఉత్తర పీఠిక
శ్రీ విష్ణు సహస్రనామ స్తోత్ర ఉత్తర పీఠిక
ఇతీదం కీర్తనియస్య కేశవస్య మహాత్మనః|
నామ్నాం సహస్రం దివ్యానాం ఆశేషేణ ప్రకీర్తితమ్|| 1
య ఇదం శృణుయాన్నిత్యం యశ్చాపి పరికీర్తయేత్|
నాశుభం ప్రాప్నుయత్ కించిత్ సో ము త్రేహ చ మానవః|| 2
వేదాంతగో బ్రాహ్మణ స్స్యాత్ క్షత్రియో విజయీ భవేత్|
వైశ్యో ధనసమృద్ధ స్స్యాత్ శూద్రస్సుఖ మవాప్నుయాత్|| 3
ధర్మార్దీ ప్రాప్నుయా ద్దర్మం అర్ధార్దీ చార్ధ మాప్నుయాత్|
కామా నవాప్నుయాత్ కామీ ప్రజార్దీ చాప్నుయాత్ ప్రజాః|| 4
భక్తిమాన్ యస్సదోత్దాయ శుచి స్తద్గత మానసః|
సహస్రం వాసుదేవస్య నామ్నా మేతత్ ప్రకీర్తయేత్|| 5
యశః ప్రాప్నోతి విపులం యాతి ప్రాధాన్య మేవ చ|
అచలాం శ్రియ మాప్నోతి శ్రేయః ప్రాప్నో త్యనుత్తమమ్|| 6
న భయం క్వచి దాప్నోతి వీర్యం తేజశ్చ విందతి|
భావ త్యరోగో ద్యుతిమాన్ బలరూప గుణాన్వితః|| 7
రోగార్తో ముచ్యతే రోగాత్ బద్దో ముచ్యేత బంధనాత్|
భయా న్ముచ్యేత భీతస్తు ముచ్యేదాపన్న ఆపదః|| 8
దుర్గాణ్యతితర త్యాశు పురుషః పురుషోత్తమమ్|
స్తువ న్నామాసహస్రేణ నిత్యం భక్తిసమన్వితః|| 9
వాసుదేవాశ్రయో మర్త్యో వాసుదేవ పరాయణః|
సర్వపాప విశుద్దాత్మా యాతి బ్రహ్మ సనాతనమ్|| 10
న వాసుదేవ భక్తానాం అశుభం విద్యతే క్వచిత్|
జన్మ మృత్యు జరా వ్యాధి భయం నైవోపజాయతే|| 11
ఇమం స్తవ మధీయనః శ్రద్దాభక్తి సమన్వితః|
యుజ్యే తాత్మా సుఖక్షాంతిః శ్రీ ధృతి స్మృతి కీర్తిభిః|| 12
న క్రోధో న చ మాత్సర్యం న లోభో నా శుభా మతిః|
భవంతి కృత పుణ్యానాం భకాక్తనాం పురుషోత్తమే|| 13
ద్యౌ స్సచంద్రార్క నక్షత్రం ఖం దిశో భూ ర్మహోదధిః|
వాసుదేవస్య వీర్యేణ విధృతాని మహాత్మనః|| 14
ససురాసుర గంధర్వం సయక్షోరగ రాక్షసమ్|
జగద్వశే వర్తతేదం కృష్ణస్య సచరాచరమ్|| 15
ఇంద్రియాణి మనో బుద్ధిః సత్త్వం తేజో బలం ధృతిః|
వాసుదేవాత్మకా న్యాహుః క్షేత్రం కేత్రజ్ఞ ఏవ చ|| 16
సర్వాగమానా మాచారః ప్రథమం పరికల్పితః|
ఆచార ప్రభవో ధర్మో ధర్మస్య ప్రభు రచ్యుతః|| 17
ఋషయః పితరో దేవాః మహాభూతాని ధాతవః|
జంగమా జంగమం చేదం జగన్నారాయణోద్భవమ్|| 18
యోగో జ్ఞానం తథా సాంఖ్యం విద్యా శ్శిల్పాది కర్మచ|
వేదా శ్శాస్త్రాణి విజ్ఞానం ఏతత్ సర్వం జనార్దనాత్|| 19
ఏకో విష్ణు ర్మహద్భూతం పృథగ్భూతా న్యానేకశః|
త్రీన్ లోకాన్ వ్యాప్య భూతాత్మ భుంక్తే విశ్వభు గవ్యయః|| 20
ఇమం స్తవం భగవతో విష్ణో ర్వ్యాసేన కీర్తితమ్|
పఠేద్య ఇచ్చేత్ పురుషః శ్రేయః ప్రాప్తుం సుఖాని చ|| 21
విశ్వేశ్వర మజం దేవం జగతః ప్రభుమవ్యయమ్|
భజంతి యే పుష్కరాక్షం న తే యాంతి పరాభవమ్|| 22
న తే యాంతి పరాభవమ్ ఓమ్ నమ ఇతి.
అర్జున ఉవాచ :
పద్మపత్ర! విశాలాక్ష! పద్మనాభ! సురోత్తమ!|
భక్తానా మనురక్తానాం త్రాతా భవ జనార్ధన!|| 23
శ్రీ భగవానువాచ :
యో మాం నామ సహస్రేణ స్తోతు మిచ్చతి పాండవ!|
సో హ మేకేన శ్లోకేన స్తుత ఏవ న సంశయః|| 24
స్తుత ఏవ న సంశయ ఓమ్ నమ ఇతి
వ్యాస ఉవాచ :
వాసనాద్ వాసు దేవస్య వాసితం తే జగత్త్రయమ్!|
సర్వభూత నివాసోసి వాసుదేవ నమోస్తుతే|| 25
శ్రీ వాసు దేవ నమోస్తుత ఓం నమ ఇతి
పార్వత్యువాచ :
కేనోపాయేన లఘునా విష్ణోర్నామ సహస్రకమ్|
పఠ్యతే పండితై ర్నిత్యం శ్రోతు మిచ్చామ్యహం ప్రభో|| 26
ఈశ్వర ఉవాచ :
శ్రీ రామ రామ రామేతి రమే రామే మనోరమే !
సహస్రనామ తత్తుల్యం రామనామ వరాననే!|| 27
శ్రీ రామ నామ వరానన ఓం నమ ఇతి
బ్రోహ్మోవాచ :
నమో స్త్వనంతాయ సహస్రమూర్తయే సహస్రపాదాక్షి శిరోరుబాహవే|
సమస్రనామ్నేపురుషాయ శాశ్వతే సహస్రకోటి యుగధారిణే నమః|| 28
శ్రీ సహస్రకోటి యుగధారిణే ఓమ్ నమ ఇతి
సంజయ ఉవాచ :
యత్ర యోగేశ్వరః కృష్ణో యత్ర పార్ధో ధనుర్ధరః|
తత్ర శ్రీః విజయో భూతిః ధ్రువా నీతిర్మతిర్మమ|| 29
శ్రీ భగవానువాచ :
అనన్యా శ్చింతయంతో మాం యే జనాః పర్యుపాసతే|
తేషాం నిత్యాభి యుక్తానాం యోగక్షేమం వహా మ్యహమ్|| 30
పరిత్రాణాయ సాధూనాం వినాశాయ చ దుష్కృతామ్|
ధర్మసంస్దాపనార్దాయ సంభవామి యుగే యుగే|| 31
ఆర్తా విషణ్ణా శ్శిదిలాశ్చ భీతాః ఘోరేషు చ వ్యాధిషు వర్తమానాః|
సంకీర్త్య నారాయణ శబ్దమాత్రం విముక్త దుఃఖా స్సుఖినో భవంతి|| 32
యదక్షర పదభ్రష్టం మాత్రహీనం తు యద్భవేత్|
తత్సర్వం క్షమ్యతాం దేవ నారాయణ నమోస్తుతే|| 33
కాయేన వాచా మనసేంద్రియైర్వా బుద్ద్యాత్మనా వా ప్రకృతే స్స్వభావాత్|
కరోమి యద్యత్ సకలం పరస్మై నారాయణాయేతి సమర్పయమి|| 34
శ్రీ మన్నారాయణాయేతి సమర్పయామి
ఓమ్ తత్ సత్
సర్వం శ్రీకృష్ణార్పణ మస్తు.
ఇతి శ్రీ మహాభారతే శతసహస్రికాయాం సంహితాయాం వైయాసిక్యామ్ ఆనుశాస నికపర్వణి మోక్షధర్మే శ్రీ భీష్మ యుధిష్ఠిర సంవాదే శ్రీవిష్ణోః దివ్య సమస్రనామ స్తోత్రం నమ చతుః పంచాశ దధిక ద్విశత తమో ధ్యాయః