పిఠాపురంలో హైపర్ ఆది ప్రచారం..షూటింగ్స్ ముందే పూర్తిచేసుకున్నా!
జబర్దస్త్ కమెడియన్ హైపర్ ఆదికి జనసేనాని అంటే ఎంత ఇష్టమో అందరికీ తెలుసు. జానీ మాష్టర్ కి కూడా అంతే పిచ్చి. వీళ్ళు పవన్ కళ్యాణ్ మీద ఈగ కూడా వాలనివ్వరు. అలాంటి హైపర్ ఆది ఇప్పుడు పవన్ కళ్యాణ్ కోసం ప్రచారం చేయడానికి రంగంలోకి దిగాడు. పవన్ కళ్యాణ్ కు పిఠాపురం అసెంబ్లీ నియోజకవర్గంలో లక్షకుపైగా ఓట్ల మెజారిటీ వస్తుందని గట్టిగా చెప్తున్నాడు ఆది. ఎన్నికలు దగ్గరపడుతున్నాయి. జనసేన స్టార్ క్యాంపెయినర్స్ గా నాగబాబు, పృథ్వీ, అంబటి రాయుడు, హైపర్ ఆది, జానీ మాష్టర్, గెటప్ శ్రీను, మొగలిరేకులు సాగర్‌ను ఉంటారంటూ జనసేన ఇప్పటికే ఒక లిస్ట్ ప్రకటించింది. దీంతో హైపర్ ఆది రంగంలోకి దిగాడు. భుజం మీద కండువా కప్పుడు చేతిలో గాజు గ్లాసు పట్టుకుని పిఠాపురంలో ఎన్నికల ప్రచారం చేస్తున్నాడు.