3.   శుక శారికాది - పక్షుల పాటలు
           చెంగున ఎగిరే - మృగముల ఆటలు |
        ఉద్యానములు - చిత్రశాలలు
        రతీ గృహములు - లతా గృహములు |
           ఉత్తమజాతికి - చెందిన స్త్రీలు
           వేలకు వేలు - ప్రియ భామినులు |
        లంకేశ్వరుని - దివ్యభవనమది
        మారుతి గాంచెను - అచ్చెరువొంది          ||శ్రీ||
    4.   అత్తరు పన్నీట - జలకములు
           కాలాగరు సు | గంధ ధూపములు |
        స్వర్ణ ఛత్రములు - వింజామరలు
        | కస్తూరి పునుగు జ | వ్వాది గంధములు
           నిత్య పూజలు - శివార్చనలు
           మాస పర్వముల | హోమములు |
        లంకేశ్వరుని - దివ్య భవనమది
        మారుతి గాంచెను - అచ్చెరువొంది ...
    5.   మంత్రి ప్రహస్త | మహాపార్శ్వుల
           విరూపాక్ష వి | భీషణాదుల |
        ఇంద్రజిత్తు సు | మాలి జంబుల
        శోణితాక్ష మక | రాక్ష కారాళుల |
           కుంభ నికుంభ - కుంభకర్ణుల
           వజ్రదంష్ట్ర శుక - సారణాదుల |
        ఎల్ల రాక్షసుల - గృహములు వెదకి
        సీతను గానక - వగచె మారుతి | ....      ||శ్రీ||
        __ : 6 వ. స. సంపూర్ణము :__
                           7 వ. సర్గ
    పుష్పక విమాన వర్ణన :-
    1.   యమ కుబేర వరు | ణ దేవేంద్రాదుల
           సర్వ సంపదల - మించినది
                               విశ్వకర్మ తొలు | త బ్రహ్మ కిచ్చినది
                               బ్రహ్మ వరమున కు | బేరుడందినది |
           రావణుండు కు | బేరుని రణమందు
           | ఓడించి లంకకు - గొనితెచ్చినది |
                              పుష్పకమను మ | హా విమానమది
                             మారుతి గాంచెను - అచ్చెరువొంది | ....   ||శ్రీ||
    2.   కాంచన చారు మ | నోహర తేజము
           జలధర సామ్య మ | హోన్నత రూపము |
                           ఫల పుష్పవన సం | కీర్ణ శిఖరము
                           మహోజ్వల బహు - రత్న శోభితము |
           విశ్వకర్మ వి | చిత్ర నిర్మితము
           రావణు గణగణ | బలాను రూపము |
                              పుష్పకమను మ | హా విమానమది
                              మారుతి గాంచెను - అచ్చెరువొంది ....    ||శ్రీ||
                                __: 7వ. స. సంపూర్ణము :__
                       8 వ. సర్గ
     1.   నేలను తాకక - నిలచి యుండునది
            రావణ భవన మ | ధ్యంబున నున్నది |
                            వాయు పధమున ప్ర | తిష్టితమైనది
                            మనమున దలచిన - రీతి పోగలది |
           దివి నుండి భువికి - దిగిన స్వర్గమది
           సూర్య చంద్రులను - ధిక్కరించునది |
                             పుష్పకమను మ | హా విమానమది
                             మారుతి గాంచెను - అచ్చెరువొంది ...     ||శ్రీ||
    2.   అర్ధ యోజన వి | స్తీర్ణము గలది
           ఏక యోజన - ఆయతము గలది |
                          మూడు నాల్గు దం | తాలు గల్గిన
                           మదకుంజర యూ | ధంబులు గలది |
           చతురంగ బల సు | రక్షితమైనది
           మహోదధివలె - ఘోషించునది |
                             పుష్పకమను మ | హా విమానమది
                             మారుతి గాంచెను - అచ్చెరువొంది ...     ||శ్రీ||
                      __: 8 వ. స. సంపూర్ణము :__
                        9 వ. సర్గ
    పుష్పకమందు రావణ మందిరము :-
    1.   అద్భుతమైన సు | వర్ణ మందిరము
           ఇంద్ర నీలమణి - వేదికా యుతము
                           రక్తచందన సు | గంధ పూరితము
                           అరుణకిరణ బా | లార్క భాసితము |
           నానా కూట - నిబిడీకృతము
           వరాకార - శిఖరావృతము |
                         పుష్పకమందు రా | వణ మందిరంమది
                          మారుతి గాంచెను - అచ్చెరువొంది ....   ||శ్రీ||
    2.   లంకాధీశుని - ప్రేమ మందిరము
           రత్నఖచితమౌ - హేమ మందిరము
                            చందనాది సు | గంధ బంధురము
                             పానభాక్ష్య ప | దార్ధ సమృద్ధము |
           ఆయా పరిమళ - రూపానిలము
           అనిలాత్మజుచే - ఆఘ్రాణితము |
                             పుష్పకమందు రా | వణ మందిరంమది
                             మారుతి గాంచెను - అచ్చెరువొంది ....    ||శ్రీ||