శ్రీ గణేశ పంచరత్న స్తోత్రమ్

 

శ్రీ గణేశ పంచరత్న స్తోత్రమ్

ముదాకరాత్తమోదకం సదావిముక్తి సాధకం !
కళాధరావతంసకం విలాసిలోక రక్షకమ్ !
అనాయకైకనాయకం వినాశితేభదైత్యకం !
నతాశుభాశునాశకమ్ నమామితం వినాయకం !!

నతేతరాతి భీకరం నవోదితార్కభాస్వరం !
నమత్సురారి నిర్ఝరం నతాధికాపధుద్దరమ్ !
సురేశ్వరం నిధీశ్వరం గజేశ్వరం గణేశ్వరం !
మహేశ్వరం తమాశ్రయే పరాత్పరం నిరంతరమ్ !!

సమస్తలోకశంకరం నిరస్త దైత్యకుంజరం !
దరేతరోదరం వరం వరేభవక్త్ర మక్షరమ్ !
కృపాకరం క్షమాకరం ముదాకరం యశస్కరం !
మనస్కరం నమస్కృతాం నమస్కరోమి భాస్వరమ్ !!

అకించనార్తిమార్జనం చిరంతనోక్తి భాజనం !
పురారి పూర్వనందనం సురారిగర్వచర్వణమ్ !
ప్రపంచనాశభీషణం ధనంజయాది భూషణం !
కపోలదానవారణం భజే పురాణ వారణమ్ !

నితాన్త కాన్తి దన్ద కాన్తి మన్త కాన్తి కాత్మజం !
అచిన్త్య రూపంత హీన మంతరాయకృన్తనమ్ !
హృదన్తరే నిరన్తరం వసన్తమేవ యోగినాం !
తమేకదన్త మేవ తం విచిన్తయామి సంతతమ్ !!

మహాగణేశ పంచరత్న మాదరేణ యోన్వహం !
ప్రజల్పతి ప్రభాతకే హృదిస్మరన్ గణేశ్వరన్ !
ఆరోగతామదోషతాం సుసాహితీం సుపుత్రతాం !
సమాహితాయు రష్టభూతి మభ్యు పైతి సోచిరాత్ !!