గణేష పంచరత్నం
గణేష పంచరత్నం
ముదాకరాత్త మోదకం సదా విముక్తి సాధకం,
కళాధరావతంసకం విలాసిలోక రక్షకం
అనాయకైక నాయకం వినాశితెభ దైత్యకం
నతాశుభాశు నాశకం నమామి తం వినాయకమ్.. [1]
నతేతరాతి భీకరమ్ నవోదితార్క భాస్వరమ్
నమత్ సురారి నిర్జరం నతాదికాప దుద్దరమ్
సురేశ్వరం నిధీశ్వరమ్ గజేశ్వరం గణేశ్వరం
మహేశ్వరం తమాశ్రయే పరాత్పరం నిరంతరం.. [2]
సమస్త లోక శంకరం నిరస్తదైత్య కుంజరం
దరేతరోదరం వరం వరేభవక్త్ర మక్షరం
కృపాకరం క్షమాకరం ముదాకరం యశస్కరం
మనస్కరం నమస్కృతాం నమస్కరోమి భాస్వరం.. [3]
అకించనార్తి మార్జనం చిరంతనోక్తి భాజనం
పురారి పూర్వ నందనం సురారి గర్వ చర్వణం
ప్రపంచనాష భీషనమ్ ధనంజయాది భూషనమ్
కపోలదానవారణం భజే పురనవారణం.. [4]
నితాంత కాంత దంతకాంతి మంతకాంత కాత్మజం
ఆచిన్త్యరూప మన్తహీన మంతరాయ కృంతనం
హ్రిదంతరే నిరంతరం వసంతమేవ యోగినాం
తమేకదంత మేవతం విచింతయామి సంతతం.. [5]
ఫల స్తుతి
మహా గణేశ పంచరత్న మాదరేణ యోన్వహం
ప్రజల్పతి ప్రభాతకే హృది స్మరన్ గణేశ్వరం
అరోగతా మదోషతాం సుసాహితీం సుపుత్రతాం
సమాహితాయురష్టభూతి మభ్యుపైతి సోచిరాత్