సుగంధ నూనెలతో ఇల్లు పరిమళభరితం   ఇల్లు పరిమళభరితంగా ఉంటే మనసు ఆహ్లాదంగా ఉంటుంది. ఐతే కొన్నిసార్లు వంట చేసిన తరువాత ఏర్పడే ఘాటు వాసనలతో, గాలి, వెలుతురు లేక ఏర్పడే దుర్వాసనలతో ఇబ్బందికరంగా అనిపిస్తుంటుంది. అటువంటి సమస్యలని రసాయనాలతో కాకుండా సుగంధ నూనెతో పరిష్కరించుకోవచ్చు. * అరబకేట్ నీటిలో పావుకప్పు వెనిగర్, పెద్ద చెంచా నిమ్మరసం నూనె కలిపి గదిలో కాస్త చల్లితే.. గదిలోని వంట వాసనలు పోయి హాయి వాతావరణంతో నిండిపోతుంది. * కార్పెట్లు మురికిగా మారి దుర్వాసన వస్తుంటే.... కప్పు బేకింగ్ సోడాకి, చెంచాడు ఏదైనా సుగంధ నూనేలని కలపాలి. ఈ మిశ్రమాన్ని కార్పెట్ పై చల్లి తెల్లారి వాక్యుమ్ క్లీనర్ తో శుభ్రం చేసుకొంటే సరిపోతుంది. * కిటికీ అద్దాలు దుమ్ముపట్టి ఉంటే కప్పు వెనిగర్ కి చెంచా లావెండర్ పరిమళన్ని జోడించి తుడిస్తే సరి. అవి తలుక్కుమనడమే కాకుండా సువాసనభరితంగా కూడా ఉంటాయి. * వంట చేసిన తరువాత గది అంతా ఆవరించే ఘాటు వాసనలు తొలగిపోవడానికి ఒక గిన్నె నిండా నీళ్ళు తీసుకొని దానిలో దాల్చిన చెక్కని వేసి మరిగిస్తే గది చక్కని పరిమళాలు వెదజల్లుతుంది. * దుస్తులు ఒక్కచోట పోగుపడి.. ముక్కిపోయిన వాసన వస్తుంటే ఎండలో ఆరవేయ్యాలి. వీలుకానప్పుడు నిమ్మ, లావెండర్ వంటి ఏదైనా పరిమళంలో ఒక జేబు రుమాలుని ముంచి దానిని దుస్తుల మధ్య ఉంచితే సరిపోతుంది.

సీతాదేవి సామాన్యురాలు కాదు!       రామాయణం గురించి ఆలోచన రాగానే రాముడు, హనుమంతుడు, రావణుడు వంటి పాత్రలే గుర్తుకువస్తుంటాయి. ఏతావాతా సీతమ్మ తల్లి గుర్తుకువచ్చినా ఒక అబలగా, లక్షణరేఖను దాటిన వ్యక్తిగానే అభిప్రాయాలు ఏర్పడతాయి. రామాయణంలో రాముడు ఎంత ముఖ్యమో సీత కూడా అంతే ముఖ్యమన్న స్పృహ చాలా అరుదు. సినిమాల్లో అంజలీదేవిలాగానే సీతాదేవి కూడా నిరంతరం దుఃఖితురాలై ఉంటుందని ఓ అంచనా! నిజంగా అంతేనా... రామాయణానికి ముందే సీత ఉంది! రామ అన్న పేరులాగానే సీత అన్న పేరులో కూడా రెండక్షరాలే! తిరగేసి వల్లెవేస్తే అదే పేరు పదేపదే వినిపిస్తుంది. విచిత్రంగా సీత అన్న పేరు రామాయణానికి ముందే వచ్చిన వేదాలలో కూడా వినిపిస్తుంది. రుగ్వేదంలో వ్యవసాయానికి అధినేత్రిగా సీత అనే దేవత కనిపిస్తుంది. ఆ తరువాతకాలంలో జనకుడు భూమిని దున్నుతుండగా సీత దొరికిన విషయం తెలిసిందే! అందుకే సీత అన్న పదానికి నాగటిచాలు అన్న అర్థం కూడా వస్తుంది. అంటే అనాదిగా మన పూర్వికులు భూమిలోని జీవానికి సీతమ్మ తల్లిని ఓ ప్రతరూపంగా భావించేవారన్నమాట! పట్టిన పట్టు వీడని సీత రామాయణంలో సీత మహా సాదుజీవిగా కనిపిస్తుంది. కానీ అవసరం అనుకున్నప్పుడు ఆమె పట్టిన పట్టుని వీడకపోవడాన్ని గమనించవచ్చు. మహా బలశాలి అయిన రావణాసురుడు ఆమె చెంతకు చేరినప్పుడు.... అతను ఒక గడ్డిపోచతో సమానం అన్నట్లుగా ప్రవర్తించి అహాన్ని దెబ్బతీస్తుంది. హనుమంతుడు లంకలోకి ప్రవేశించినప్పుడు అతనితో తిరిగివెళ్లే అవకాశం ఉన్నా కూడా... రాముడే వచ్చి రావణుని ఓడించి తనని చెర నుంచి విడిపించాలని కోరుతుంది. ఇంతకంటే బలయైన వ్యక్తిత్వాన్ని ఊహించగలమా! గీత దాటింది స్వేచ్ఛ కోసమే! లక్ష్మణుడు గీసిన గీత దాటిందని సీతను వేలెత్తి చూపుతారు కొందరు. కానీ సీత గీత దాటకపోయి ఉంటే రావణుని సంహారమే జరిగి ఉండేది కాదు కదా! అయినా ఒకరు గీసిన గీత వెనకే ఉండిపోతే సీతకి సొంత వ్యక్తిత్వం ఉన్నట్లు ఎలా అవుతుంది? సీత తను గీత దాటాలనుకుంది. దాటింది. అంతే! దాని తరువాత వచ్చే పర్యవసానాలకి ఆమె సిద్ధపడి ఉండవచ్చు. తనని ఎవరూ లోబరుచుకోలేరనో, ఎవరన్నా తనని హాని తలపెట్టినా భర్త రక్షిస్తాడనో... ఆమెకు నమ్మకం ఉండవచ్చు. అనుమానానికి ఆత్మాభిమానమే జవాబు సీత గర్భవతిగా ఉండగానే రాముడు ఆమెను అడవులకి పంపాడు. కానీ సీతమ్మ బేలగా మారి తన పుట్టింటికి చేరలేదు. బిడ్డలను కని అడవిలోనే పెంచి పెద్దచేసింది. వారు తండ్రిని సైతం ఎదుర్కొనే యోధులుగా తీర్చిదిద్దింది.  ఆ పిల్లలని రాముడు కనుగొని వారిని ఆహ్వానించగానే, వారితో పాటు సీతాదేవి అయోధ్యకు బయల్దేరలేదు. తనని అనుమానించి అవమానకరంగా వెళ్లగొట్టిన అయోధ్యాపురికి ఆమె ఎలా చేరుకుంటే ఆమె గొప్పదనం ఏముంటుంది? అందుకే తన తల్లి భూదేవిలోకే వెళ్లిపోయేందుకు సీతాదేవి సిద్ధపడింది. అది ఆత్మహత్య కాదు- నిష్క్రమణ! నిరసన! అవతార సమాప్తి! పగ తీర్చుకుంది సీతాదేవి అబల కాదు... కారణజన్మురాలు అని కొన్ని కావ్యాలు పేర్కొంటున్నాయి. కుశధ్వజుడు అనే రుషి కుమార్తె అయిన వేదవతే తనతో అనుచితంగా ప్రవర్తించిన రావణాసురుని మీద పగతీర్చుకునేందుకు సీతగా జన్మించిందట! అంటే అమాయకంగా కనిపిస్తూనే అను అనుకున్నది సాధించిందన్నమాట సీతాదేవి. శివధనుస్సుని సైతం కదిలించగల బలవంతురాలు సీత. అందుకనే ఆ ధనుస్సుని ఎక్కుపెట్టగలిగే వీరుడే ఆమెకు సాటి రాగలడంటూ స్వయంవరాన్ని ప్రకటించారు జనకుడు. మరి సీత బలహీనురాలు ఎలా అవుతుంది??? - నిర్జర.    

  దేశం మర్చిపోయిన మహిళా శాస్త్రవేత్త - అన్నామణి     ఆమధ్య ఇస్రో వందకు మించిన ఉపగ్రహాలను ఆకాశంలోకి పంపగానే దేశం యావత్తూ గర్వపడింది. ఇస్రోలో మహిళా శాస్త్రవేత్తల మీద ప్రత్యేకమైన కథనాలు రాసేందుకు పత్రికలన్నీ ఉత్సాహ పడిపోయాయి. మంచిదే! కానీ ఆడవారిలో నూటికి ఒక్కరు కూడా చదువుకునే అవకాశం లేని రోజుల్లోనే... ఒక మహిళ విజ్ఞానరంగంలో దూసుకుపోవడం ఎంతటి విజయమో కదా! అలాంటి అరుదైన విజయాన్ని సాధించిన వ్యక్తి ‘అన్నామణి’. కేరళలోని ట్రావెన్కోర్ పట్నానికి సమీపంలోని ఓ చిన్న ఊరిలో 1918లో జన్మించారు అన్నామణి. తండ్రి ఇంజనీర్ కావడం చేతనో ఏమో... చిన్నప్పటి నుంచే ఆమెకు చదువంటే చాలా ఇష్టంగా ఉండేదట. ఆ ఇష్టంతోనే విపరీతంగా పుస్తకాలను చదివేవారు. ఆమె ఎనిమిదో ఏట బంగారు దిద్దులను బహుమతిగా ఇస్తానంటే కాదు... బ్రిటానికా ఎన్సైక్లోపీడియా కావాలని అడిగారట అన్నామణి. ఆమె పెరిగేకొద్దీ చదువు పట్ల ఆమె ఆసక్తి కూడా పెరుగుతూనే వచ్చింది. అందుకనే తన తోటివారంతా త్వరత్వరగా పెళ్లిళ్లు చేసేసుకుంటే, అన్నామణి మాత్రం చదువుకునేందుకే ప్రాధాన్యతని ఇచ్చారు. అలా తనకి ఇష్టమైన భౌతికశాస్త్రంలో బీఎస్సీ ఆనర్స్ డిగ్రీని సాధించారు. చదువు పూర్తయిపోయిన తరువాత డాక్టరేట్ పట్టా కోసం సర్ సి.వి.రామన్ లేబొరేటరీలో చేరారు మణి. అక్కడ ఒకటి కాదు, రెండు కాదు కాంతి గురించి ఏకంగా ఐదు రీసెర్చి పేపర్లను అందించారు. అయినా స్త్రీ అన్న కారణంగా మద్రాసు ప్రెసిడెన్సీ కాలేజి ఆమెకు పీహెచ్డీ పట్టాను అందించేందుకు సిద్ధపడలేదు. ఏవో చిన్నాచితకా సాకులు చూసి ఆమె శ్రమను వృధా చేసేసింది. అయినా అన్నామణిలో పట్టుదల ఏమాత్రం తగ్గలేదు సరికదా... ఈసారి ఉన్నత విద్య కోసం ఏకంగా అమెరికాకే ప్రయాణమయ్యారు. అమెరికాలో వాతావరణశాస్త్రం (Meteorology)లో ఉన్నతవిద్యను పూర్తిచేసి 1948లో దేశానికి తిరిగివచ్చారు అన్నామణి. అ సమయంలో దేశంలోని విజ్ఞానరంగం ఇంకా ప్రారంగభదశలోనే ఉంది. శాస్త్రపరిశోధనకు తగిన మౌలిక సదుపాయాలు కానీ, స్థిరమైన సంస్థలు కానీ లేవు. అలాంటి పరిస్థితులలో పునేలోని Indian Meteorological Departmentలో చేరారు అన్నామణి.   విజ్ఞానరంగానికే అంతగా ప్రాముఖ్యత లేని ఆ కాలంలో ఇక వాతావరణశాస్త్రం గురించి చెప్పేదేముంది. అసలు వాతావరణానికి ఓ ప్రత్యేకమైన శాఖ అన్న విషయమే జనాలకి ఆశ్చర్యంగా ఉండేది. అలాంటి శాఖతో అద్భుతాలు చేసి చూపారు అన్నామణి. దేశంలోని వివిధ ప్రాంతాలలో సోలార్ రేడియేషన్ స్థాయిని కొలిచే ప్రయత్నం చేయడం; ఓజోన్ పొర తీరు గురించి ఎప్పటికప్పుడు వివరాలను సేకరించడం; పవన విద్యుత్తు, సోలార్ విద్యుత్తుని ఉత్పత్తి చేసేందుకు అనువైన ప్రాంతాలను ఎంపిక చేయడం... ఇలా వాతావరణ శాఖకి కూడా ఓ ప్రత్యేకత ఉందని నిరూపించారు. ఆ ప్రతిభతోనే భారత వాతావరణశాఖకు డిప్యూటీ డైరక్టర్ జనరల్ స్థాయికి చేరుకున్నారు. ఆడవారికి చదువే దండగనుకునే కాలంలో ఉన్నత విద్యతో పాటు ఉన్నతమైన పదవులనీ అలంకరించారు అన్నామణి. ఆవిడ వృత్తి జీవితమే కాదు, వ్యక్తిగత జీవితం కూడా అంతే ఉన్నతంగా ఉండేది. చిన్నప్పుడు ఎప్పుడో గాంధీగారిని చూసి ప్రభావితం అయిన అన్నామణి తన జీవితాంతమూ ఖాదీ వస్త్రాలనే ధరించేవారు. ఎంతసేపూ విజ్ఞానరంగానికి ఏదన్నా చేయాలనే తలంపుతో ఆమె అవివాహితగానే మిగిలిపోయారు. దేశానికి ఇంత సేవ చేసినా కూడా మీడియా ఆమెను విస్మరించడం ఆశ్చర్యకరం. అన్నామణి చనిపోయి ఇప్పటికి 15 సంవత్సరాలు గడుస్తున్నా దేశ ప్రజలు ఆమె సేవలను గుర్తుచేసుకోకపోవడం బాధాకరం. బహుశా అన్నామణి ఇలాంటి గుర్తింపునో, కృతజ్ఞతనో ఆశించి తన జీవితాన్ని గడిపి ఉండరు. విజ్ఞానం పట్ల ఆసక్తి, చేస్తున్న పనికి న్యాయం చేయాలనే తపనే ఆమెను ముందుకు నడపించి ఉంటాయి. అంత ఉన్నతంగా ఆలోచించడం మనవల్ల కాదు కాబట్టి, ఆమెని ఇంకా గుర్తించలేకపోతున్నాం. - నిర్జర.

ఆడవారిగానే ఉంటాము!     ఎటుచూసినా మగవారి ఆధిపత్యమే కనిపించే ఈ ప్రపంచంలో ఒకోసారి ‘ఈ ఆడబ్రతుకు ఎందుకురా బాబూ’ అన్న నిర్వేదం కలగక మానదు. కానీ పరిస్థితులు మారుతున్నట్లున్నాయి. ఎందులోనూ, ఎవరితోనూ తక్కువ కాదని నిరూపించుకునేందుకు మహిళలు చేసిన పోరాటం మంచి ఫలితాలనే ఇస్తున్నట్లుంది. అందుకనే ఇప్పుడు ఆడవారు తమ జీవితం పట్ల నిర్వేదం చెందడం తగ్గింది. బీబీసీలో వచ్చే Radio 4 Woman's Hour కార్యక్రమాన్ని మొదలుపెట్టి 70 సంవత్సరాలు పూర్తయ్యింది. ఈ 70 ఏళ్లలో మహిళల అభిప్రాయాలలో ఏమన్నా మార్పులు వచ్చాయేమో పరిశీలించేందుకు వారు వేయిమందికి పైగా మహిళలను కొన్ని ప్రశ్నలు వేశారు. ఈ సమాధానాలతో గతకాలంలో జరిగిన కొన్ని పరిశోధనలను పోల్చి చూశారు. ఫలితాలు ఇవిగో... ఉద్యోగం: 1951లో కేవలం 31 శాతం మహిళలు మాత్రమే ఉద్యోగంలో ఉంటే ఇప్పుడు ఏకంగా 60 శాతం మంది ఉద్యోగాలు చేస్తున్నారు. అంతేకాదు! వయసుతో సంబంధం లేకుండా ఆడవారంతా కూడా ఉద్యోగాలకు సిద్ధపడటం మరో విశేషం. 1951లో 55 ఏళ్లు పైబడిన స్త్రీలలో ఉద్యోగం చేసేవారి సంఖ్య 22 శాతంగా ఉంటే, ఇప్పుడని ఏకంగా 62 శాతానికి చేరుకుంది. ఉద్యోగం చేయడానికి ఎందుకంత ప్రాధాన్యత ఇస్తున్నారని అడిగిన ప్రశ్నకు వారి దగ్గర ఖచ్చితమైన జవాబులు ఉన్నాయి. ఆత్మగౌరవం కోసం ఉద్యోగం చేయాలనుకుంటున్నామని చాలామంది బదులిచ్చారు. దీనికి తోడు డబ్బు సంపాదించాలన్న కోరిక, పని చేసేందుకు తగిన వాతావరణం ఉండటంతో తాము ఉద్యోగం చేసేందుకు సంకోచించడం లేదని చెప్పారు. కుటుంబ జీవితం: మహిళల వైవాహిక జీవితం కూడా బాగానే ఉన్నట్లు బీబీసీ భావిస్తోంది. 1951లో కేవలం 25 శాతం మహిళలు తమకి వైవాహిక జీవితంలో తగిన స్వాతంత్ర్యం లభించిందని చెప్పగా, ప్రస్తుతం అలా చెప్పే మహిళల సంఖ్య 42 శాతానికి చేరుకుంది. అంతేకాదు పదిమందిలో తొమ్మిదిమంది మహిళలు తమ భర్త తమకు తగినవాడని భావిస్తున్నారు. 1938నాటికి మహిళలలో ఎంతమంది పిల్లల్ని కనాలి అన్నదాని మీద కూడా తగినంత స్పష్టత లేదు. కానీ ఇప్పుడేమో 56 శాతం మహిళలు తమకి ఇద్దరు పిల్లలు ఉంటే బాగుంటుందన్న అభిప్రాయాన్ని వ్యక్తపరిచారు. సమస్యలు లేకపోలేదు: ఉద్యోగమూ, కుటుంబ జీవనమూ తృప్తిగా ఉన్నాయి కదా అని మహిళలకు అసలు సమస్యలేవీ లేవు అనుకోవడానికి లేదు. 46 శాతం మంది తమ అందాన్ని మెరుగుపర్చుకునేందుకు కాస్మెటిక్‌ సర్జరీ చేయించుకుంటే బాగుండు అన్న ఆలోచనలో ఉన్నారు. తాము లావుగా ఉన్నామని బాధపడేవారి సంఖ్య కూడా తక్కువేమీ లేదు. ఇక ఆరోగ్యం గురించీ, ఆర్థిక సమస్యల గురించిన కష్టాలూ అలాగే ఉన్నాయి. ఏతావాతా తేలిందేమిటంటే స్త్రీల జీవితం ఒకప్పటికంటే ఇప్పుడు కాస్త మెరుగుపడిందని... లేదా మెరుగుపడినట్లుగా వారు భావిస్తున్నారని! అందుకే 1947లో తాము ఆడవారిగాకంటే మగవారిగా ఉంటే బాగుండు అనుకునేవారి సంఖ్య 44 శాతంగా ఉంటే, ప్రస్తుతం ఆ సంఖ్య కేవలం 14 శాతంగానే ఉంది! మరి ఈ 14 శాతం చెరిగిపోయేందుకు ఇంకెన్నాళ్లు పడుతుందో! - నిర్జర.

అన్ని పనులూ ఒకేసారి - ఆడవారికే సాధ్యం!   ప్రపంచం మారిపోతోంది. ఆ ప్రపంచంతో పాటు మన జీవనశైలీ మారిపోతోంది. మగవారి సంగతేమో కానీ... ఆడవారు  ఇంటాబయటా తామేంటో నిరూపించుకుంటున్నారు. అయితే ఇలా అన్ని రంగాలలోనూ నెగ్గుకురావడం ఆడవారికి వెన్నతో పెట్టిన విద్య అని రుజువు చేస్తోంది ఓ పరిశోధన. మల్టీ టాస్కింగ్: ఒకేసారి వేర్వేరు పనులు చేయగలగడాన్ని మనం మల్టీ టాస్కింగ్ అంటాము. ఉరుకుల పరుగుల జీవితంలో ఈ మల్టీ టాస్కింగ్‌లో నిష్ణాతులు అయితే కానీ ముందుకు సాగలేని పరిస్థితి. ఇక మహిళల జీవితంలో అయితే ఈ మల్టీ టాస్కింగ్‌ తప్పనిసరిగా మారిపోయింది. ఒక పక్క కూరలో తాలింపు వేశామో లేదో చూసుకోవాలి, మరోపక్క పిల్లల్ని బడికి సిద్ధం చేయాలి, ఇంకో పక్క ఇంటికి వచ్చేవారికి సమాధానం చెప్పుకోవాలి. ఇక తాము కూడా ఏదన్నా ఆఫీసులో పనిచేస్తుంటే, ఆ హడావుడి పరాకాష్టకి చేరుకుంటుంది. మొత్తానికి ఇంట్లోనే ఉండే గృహిణులైనా, ఆఫీసుల్లో పనిచేస్తున్న స్త్రీలైనా... మల్టీ టాస్కింగ్‌ మాత్రం తప్పనిసరిగా మారిపోయింది.   ఓ ప్రయోగం: మల్టీటాస్కింగ్ చేయడంలో మగవారికీ, ఆడవారికీ మధ్య ఏమన్నా తేడా ఉందేమో అన్న అనుమానం వచ్చింది కొందరు పరిశోధకులకి. రష్యాకి చెందిన సదరు పరిశోధకులు తమ అనుమానాన్ని నివృత్తి చేసుకునేందుకుగాను ఓ 140 మంది అభ్యర్థులను ఎంచుకున్నారు. వీరిలో 69 మంది మగవారు కాగా, 71 మంది ఆడవారు. వీరిలో 20 నుంచి 65 ఏళ్లలోపు వయసు కలిగినవారు ఉన్నారు. వీరందరికీ కూడా ఒకేసారి వేర్వేరు పనులను పురమాయించారు పరిశోధకులు. ఉదాహరణకు ఒక చేత్తో వేర్వేరు ఆకారాలలో ఉన్న వస్తువులను వేరు చేస్తూ, మరో చేత్తో వేరు వేరు అంకెలని వరుసక్రమంలో ఉంచమన్నారు.   ఫలితం! అభ్యర్థులు మల్టీటాస్కింగ్‌ చేస్తున్న సమయంలో వారి మెదడు ఎలా పనిచేస్తోందో తెలుసుకొనేందుకు MRI పరీక్షలు చేసి చూశారు. దీంతో మల్టీటాస్కింగ్ చేసే సమయంలో మగవారి మెదడు ఆడవారి మెదడుకంటే ఎక్కువ శక్తిని వినియోగించుకోవడాన్ని గమనించారు. అంతేనా! వేర్వేరు పనులు ఒకేసారి చేయాల్సి వచ్చినప్పుడు, వారి మెదడులోని వేర్వేరు భాగాలన్నీ కలసి పనిచేయాల్సి వచ్చిందట. కానీ ఆడవారిలో మెదళ్లు మాత్రం ఎలాంటి హడావుడీ లేకుండా అతి తక్కువ సమయంలో, అతి తక్కువ శక్తిని ఉపయోగిస్తూ... వేర్వేరు పనులను నిర్వహించేశాయి. ఎప్పుడో 50 ఏళ్లు దాటిన తరువాతగానీ ఆడవారిలో మల్టీటాస్కింగ్‌ సామర్థ్యంలో తగ్గుదల కనిపించలేదు. ఆడవారిలో కనిపించిన ఈ ప్రత్యేకతకి కారణం ఏమిటన్నది మాత్రం పరిశోధకులకు అంతుపట్టలేదు. బహుశా ఇంటిని చక్కదిద్దుకునే ప్రయత్నంలో ఆడవారికి అప్రయత్నంగానే ఈ విద్య అబ్బి ఉంటుంది. ఎలాంటి పరిస్థితినైనా ఎదుర్కొనే మనోనిబ్బరంతోనే ఇది సాధ్యపడి ఉంటుంది. కానీ ఒకేసారి ఇన్నేసి పనులు చేస్తున్నారు కదా అని... వారితో వీలైనంత చాకిరీ చేయించుకోవడమే విషాదకరం!   - నిర్జర.  

  Valentines Fun Ideas for All   Valentines Day has become so famous among the kids too, these days...few years ago, it was just for the youngsters..now, it is for everyone on the block..it is almost like a 'Thank you Day'. You can greet anyone who is special and send a gift for anyone who is close to your heart, it could be your Grandma, or a Best Friend, or your child can even give a card to his/her favorite Teacher. Ofcourse, the younger kids do it, the better. And so unofficially, it has become a Kids celebration day. Schools are hosting Valentines day parties for the little ones, they make heart crafts for eachother, Teachers get gifts from their cute students...Parents spend with them enjoying a sweet cupcake and lots of fun. The web has so many valentines day craft ideas for every age group. Buy a few ready-made greeting cards, or bring home few colorful papers, cut them up in heart shapes and prepare your own card, write what you like to express and Lo.,.. You are ready for the day ! Cards need not just be item ..you can bake a red velvet or a strawberry cake for your loved one, or steal a sweet recipe from someone or the internet and prepare a dessert for the evening, bring few dark chocolate packs and stash them on the couch for your special ones to find them to surprise when they crash on the couch.     I know the restaurants will be too busy that day, amd forget about going out without a dinner reservation if its a weekend, like this years...make sure to make your evening or afternoon a memorable one with family and friends by cooking and decorating together for fun. Sleepovers for kids and youngsters wouldne a lot of fun and a memory down the lane. Gather some old photographs of your couple or with your kids and family members and create a collage, set up a power-point presentation when everyone gathers for an exciting feeling and a nostaligic evening. If you are married, dig out all the old valentines day gifts your spouse gave you and arrange them on a table with candles lit up...dont forget to take new photographs of the present moments, they dont come back !! Compile an audio album of your loved ones favorite songs or your child's favorite rhymes or kids songs and play them when together for a casual amd exciting dancing time. A movie-nite with special ones is a good idea, anyways. Dine-out is fun but the restaurants are crowded that day and so you maynot be able to spend longer or have much privacy. Besides everything, those traditional surprise gifts have always been there. Make sure you give something the other person likes, not what you like. It is jot about the date, it is about the day...make it special and sweetly memorable !! Prathyusha Talluri  

మనకీ కావాలి  " ఒక బడ్జెట్ "     ఈ రోజు అంతా అందరూ బడ్జెట్ కోసం మాట్లాడుతున్నారు ..ఏవి పెరిగాయి ? ఏవి తగ్గాయి అంటూ... నాకు ఎందుకో మా అమ్మ గుర్తుకు వచ్చింది ..తన నల్ల డైరీ..లో మా ఇంటి బడ్జెట్ ..వుండేది. ఆ లెక్కలు చూస్తే మాకు భయం వేసేది..నాన్న జీతం ..మా ఇంటి అవసరాలకి మద్య బోలెడంత దూరం వుండేది. అమ్మ ఆ నెల ఖర్చు ఏంటో ఓ లిస్టు రాసేది ముందు ..నాన్న జీతం వచ్చాకా ..దాని బట్టి ఏవి ముఖ్యమ్..ఏవి ఈ నెల వాయిదా వేయచ్చు అని నిర్ణయించేది. అమ్మ ఆ నిర్ణయం లో మా అవసరాలు వాయిదా పడకుండా ఉండాలి అని గట్టిగా కోరుకునే వాళ్ళం. అయితే ఒకో నెల ఒకొక్కరి కోరికలు తీరేవి. ఒకోక్కరివి వాయిదా పడేవి ..వున్నా ఆదాయం తో అందరిని సంతృప్తి పరచేందుకు అమ్మ పెద్ద కసరత్తే చేసేది ..   చిన్నప్పుడు ఆ ప్రహసనమంతా ..మాకు కొంచం చిరాకు ని , కోపాన్ని తెప్పించిన మాట మాత్రం వాస్తవం. అమ్మ మా కోరిక వాయిదా వేసినప్పుడు ..అమ్మ కి మా మీద ప్రేమ లేదని బాధపడి పోయేవాళ్ళం. మా కోరిక తీరిన రోజున అమ్మ దేవత అనుకునే వాళ్ళం. ఇప్పుడు ఆ కోపాలు, అలకలు , అన్ని తలుచు కుంటే నవ్వు వస్తుంది ..కాని చాలా విషయాలు ఆ బడ్జెట్ అలాట్మెంట్ ద్వారా అమ్మ మాకు నేర్పింది అన్న సత్యం ఇప్పుడు మాకు అర్ధం అవుతోంది. అందులో ముఖ్యమయినవి ..   సహనం ... అవును ..మనసులో ఒక కోరిక వచ్చిందే తడువుగా కొత్త మొబైల్ నుంచి ..కొత్త కార్ దాకా ఏవయినా అందుబాటులో ఉంచుతున్నారు ఇప్పటి తల్లి తండ్రులు . .దానితో తీరని కోరికలు ఏవి లేవు ఇప్పటి పిల్లలకి. కాని అమ్మా నాన్నా కాదుగా "జీవితం "...అన్ని అమర్చి పెట్టదు..కొన్నిటిని ఊరించి , ఊరించి అందిస్తుంది ..కాని అడగగానే అమ్మ అన్ని అందించటం అలవాటు పడిన పిల్లలకి ..ఈ సహనం పట్టటం ఎలా తెలుస్తుంది ? బాధ పడతారు ..అసంతృప్తి తో కుమిలి పోతారు. అదిగో అదే ఇప్పటి జనరేషన్ లో చాలా మంది ని  ఇబ్బంది పెట్టే విషయం ...ఈ రోజు కాకా పోయినా రేపు మనకి కావలసినది దొరుకుతుంది లే ..అనే ఆశ ని కలిగించింది చిన్నప్పటి అమ్మ బడ్జెట్ ..   ఎదురు చూపలలో ఆనందం: ఒక్కసారి ఆలోచించండి ..అనుకున్నదే తడువుగా, తలుచు కున్న క్షణం లో మీకు కావలసినది మీ చేతిలో ఉన్నప్పటి ఆనందాన్ని , ఎంతో ఎదురు చూసి దక్కించుకున్న వస్తువు ..చేతి లో పడిన క్షణాన్న కలిగిన ఆనందాన్ని పోల్చి చూడండి ..రెండో అనుభవం జీవితాంతం గుర్తు వుంటుంది ..అందుకే మన చిన్నప్పుడు పండగ రోజున వేసుకున్న బట్టలు ఇప్పటికి  మనకి తీపి జ్ఞాపకాలు ..ఇప్పుడో ..ఎన్ని కొనుక్కున్నా ..ఆ తృప్తి ..ఆ ఆనందం రుచి చూడలేక పోతున్నాం ..ఎదురు చూపులలో వుండే ఆ తీపిని మిస్ అయిపోతున్నాం . ఇప్పటి పిల్లలకి అయితే ఆ రుచే తెలియదని చెప్పచ్చు.    రూపాయి విలువ..  అవును..రూపాయి విలువ పడిపోయింది అన్న మాట నిజమే నేమో అనిపిస్తుంది, ఇప్పటి మన ఖర్చు లు చూస్తుంటే ..ఒకప్పుడు చేతిలో ఉంటేనే మన రూపాయి ..అప్పుడే ఖర్చు ...గురించి ఆలోచన. ఇప్పుడో  ? కార్డు లో మన రూపాయి లేక పోయినా కావలసినంత ఖర్చు పెట్టె వీలు ..దానితో ఖర్చు పెట్టేటప్పుడు ముందు , వెనకా చూడటం మర్చి పోయాం. ఆ తర్వాత తీరిగ్గా ..బాధ పడుతుంటాం . పిల్లలకి అయితే ఆ నొప్పి కూడా తెలియదు , కాబట్టి ..తీరని, తీర్చలేని కోరికలు అంటూ వారికి పెద్దగా ఏవి వుండటం లేదేమో కూడా .   ఇలా ఒకటా .రెండా  ? ఎన్నో ఎన్నెన్నో నేర్చుకున్నాం అమ్మ బడ్జెట్ ప్రణాళిక వల్ల మనమంతా. మరి అమ్మలుగా మన పిల్లలకి ఆ విలువలు నేర్పాలంటే మనం కూడా బడ్జెట్ వేయటం మొదలు పెట్టాలి కదా ! దేశ బడ్జెట్ ఎలా వుందో చూసేసాం..ఇక మన ఇంటి బడ్జెట్ వేసుకుందాం ..రాబడి బట్టి ఖర్చు ని నిర్ణయించుకుందాం ..కొన్నిటిని వాయిదా వేద్దాం ..కొన్నిటిని పూర్తిగా వద్దనుకుందాం . పిల్లలకి నో చెప్పటం నేర్చుకుందాం. వాళ్ళ కి ఓర్పుని, ఎదురుచూడటం లోని ఆనందాన్ని రుచి చూబిద్దాం..ఇవే  అతి విలువయిన జీవిత పాఠాలు..  

ఆడవాళ్లు ఏం చేసినా తప్పేనా!     స్త్రీ పట్ల సమాజం ధోరణ ఎప్పుడూ చిత్రంగానే ఉంటుంది. వారిని ఓ పక్క దేవతగా పొగుడుతూనే... ఆటవస్తువుగానే చూస్తుంటుంది. స్త్రీ స్వేచ్ఛ గురించి మాట్లాడుతూనే సంకెళ్లు వేస్తుంది. ఆడవారి పట్ల ఈ ద్వంద్వ వైఖరికి సాక్ష్యంగా ఇప్పుడు ఏకంగా ఓ పరిశోధనే వెలుగులోకి వచ్చింది. ఈ మధ్యకాలం అంతా మెటర్నటీ లీవ్ గురించే మాట్లాడుతున్నారు. ఆడవాళ్లు పిల్లల్ని కన్న తరువాత ఎంతకాలం మెటర్నిటీ లీవ్ ఉంటే మంచిది? దాని కోసం ప్రభుత్వాలు ఏం చేయాలి? అంటూ తెగ ఉపన్యాసాలు వినిపిస్తున్నాయి. కానీ మెటర్నటీ లీవ్ తీసుకునే ఆడవారి గురించి సమాజం ఏమనుకుంటుంది? అన్న ఆలోచన వచ్చింది ఇంగ్లండులోని కొందరు పరిశోధకులకి. ఆలోచన వచ్చిందే తడవుగా ఓ 137 ఆడవారినీ, 157 మగవారినీ తమ ప్రయోగం కోసం ఎన్నుకొన్నారు. ప్రయోగంలో భాగంగా అభ్యర్థులందరికీ ఈమధ్యనే బిడ్డను కన్న ఒక స్త్రీ గురించి చెప్పారు. కాకపోతే ఆమె తన పిల్లవాడిని చూసుకునేందుకు మెటర్నటీ లీవ్ తీసుకుందని కొందరితో చెబితే, మెటర్నటీ లీవ్ పూర్తిగా వాడుకోకుండా ఆఫీసుకి వెళ్తోందని మరికొందరితో చెప్పారు. ఆ తర్వాత ఆ మహిళ గురించి తమ అభిప్రాయం ఏమిటంటూ వారిని ప్రశ్నించారు. అనూహ్యంగా రెండు సందర్భాలలోనూ సదరు వ్యక్తి చేసిన పనిని అభ్యర్థులు తప్పుపట్టారు. మెటర్నటీ లీవ్ని ఉపయోగించుకున్న సందర్భంలోనేమో ఆ వ్యక్తికి ఉద్యోగం పట్ల అంతగా నిబద్ధత లేదన్న అభిప్రాయం వ్యక్తమైది. మెటర్నటీ లీవ్ను వద్దనుకుని ఉద్యోగంలో చేరిన సందర్భంలోనేమో... తల్లిగా తన బాధ్యతని సక్రమంగా నిర్వర్తించలేదన్న అభిప్రాయం వ్యక్తమైంది. ఏతావాతా రెండు సందర్భాలలోనూ స్త్రీ నింద పడాల్సి వచ్చింది! ఈ అభిప్రాయాలను వ్యక్తం చేసినవారంతా కూడా 33 ఏళ్ల సగటు వయసున్న యువతే కావడం గమనార్హం. వారిలో దాదాపు సగం మంది స్త్రీలు ఉండటం మరో వైపరీత్యం! పైగా వీరంతా అభివృద్ధి చెందాయని చెప్పే ఇంగ్లండ్, అమెరికా దేశవాసులు కావడం మరో విచిత్రం. మెటర్నటీ లీవ్ పట్ల సమాజపు ధోరణ తెలుసుకునేందుకు ఈ పరిశోధన జరిగి ఉండవచ్చు. కానీ బిడ్డను కనేందుకు, తన జీవితాన్ని పణంగా పెట్టే సందర్భంలోనే ఆడవారి పట్ల ఇలాంటి వివక్ష ఉంటే... ఇక రోజువారీ సందర్భాలలో వారి పట్ల సమాజ ధోరణి ఎలా ఉంటుందో ఇక చెప్పేదేముంది! - నిర్జర.    

జనం నోరు మూయించిన ‘నల్లపిల్ల’   ఇది నలుపు తెలుపుల ప్రపంచం. పైకి ఎన్ని కబుర్లు వినిపించినా తెల్లగా ఉండేవారి పట్లే మోజు ఎక్కువగా ఉంటుంది. నల్లగా ఉండేవారి పట్ల వివక్షా ఉంటుంది. ఆడవారి విషయంలో అయితే చెప్పనే అక్కర్లేదు. వాళ్లు తెల్లగా అయ్యే క్రీంని రాసుకుంటేనే విజయాలను సాధిస్తారంటూ బహిరంగంగానే ప్రకటనలు కనిపిస్తుంటాయి. అలాంటిది ఒక కారు నలుపు రంగులో ఉన్న అమ్మాయి ఏం చేయాలి. ‘నన్ను ఇలా ఎందుకు పుట్టించావురా భగవంతుడా!’ అంటూ జీవితాంతం కుమిలికుమిలి ఏడుస్తూ బతకాలా?’ ఈ ప్రశ్నకు సమాధానం ఖౌదియా (Khoudia) దగ్గర ఉంది...     ఖౌదియా ఆఫ్రికా ఖండంలోని సెనగల్‌ దేశంలో పుట్టింది. ఆమెకు 15 ఏళ్లు వచ్చేసరికి కుటుంబం, ఫ్యాషన్‌ ప్రపంచం అయిన ఫ్రాన్స్‌లో స్థిరపడింది. ఖౌదియా బాగా నల్లగా ఉండేది. దాంతో సహజంగానే ఆమె తీవ్రమైన వివక్షకు గురయ్యేది. చిన్నప్పటి నుంచీ ఆమెను తోటి పిల్లలు వెంటాడి వెంటాడి ఏడిపించేవారు. ఇక ఫ్రాన్స్‌లోకి అడుగుపెట్టిన తరువాత కూడా ఇదే పరిస్థితి కొనసాగింది. నలుగురిలోనూ భిన్నంగా కనిపించే ఆమె ఒంటి రంగుని చూడగానే ఆకతాయిల మాటలకు హద్దులుండేవి కావు.     ‘నన్ను ఏడిపించేవారిని చూసీచూసీ... నన్ను నేనే ప్రేమించుకోవాలని నిశ్చయించుకున్నాను. విమర్శించేవారిని నిదానంగా పట్టించుకోవడం మానేశాను. ఆ దృక్పథం నాకు ఎంతగానో ఉపయోగపడింది,’ అంటుంది ఖౌదియా. అలా ఎదిగిన విశ్వాసంతో ఖౌదియా రెండేళ్ల క్రితం మోడల్‌గా జీవితాన్ని ప్రారంభించింది. తెలుపు రంగుకి మాత్రమే ప్రాధాన్యత ఉన్న రంగంలోనే తనేమిటో నిరూపించుకోవాలనుకుంది. అలా తొలిసారి నల్లజాతీయులకు సంబంధించిన ఒక ఫొటోషూట్‌లో స్థానాన్ని సంపాదించింది.     తొలి ఫొటోషూట్‌ తరువాత ఖౌదియాకు నిదానంగా అవకాశాలు రావడం మొదలుపెట్టాయి. కానీ అదే స్థాయిలో విమర్శలూ వినిపించసాగాయి. ‘నల్ల పిల్ల’, ‘చీకటి పిల్ల’ లాంటి మారుపేర్లతో ఆమెను పిలవడం మొదలుపెట్టారు. కానీ ఖౌదియా అవేవీ పట్టించుకోలేదు సరికదా... ఇంకా దూకుడుగా అవకాశాల కోసం ప్రయత్నించసాగింది. ‘నన్ను వాళ్లు నానారకాల పేర్లతోనూ ఏడిపించేందుకు ప్రయత్నించేవారు. నా రంగుని చూసి నేను బాధపడాలని వాళ్లు కోరుకునేవారు. కానీ నన్ను నా రంగుతో పిలిచిని ప్రతి పిలుపునీ నేను ప్రేమించాను. వాళ్లకి నేనేమిటో నిరూపించాలని అనుకున్నాను,’ అంటుంది ఖౌదియా. ఖౌదియాకు ఇప్పుడు 19 ఏళ్లు. ఆమె ఆత్మవిశ్వాసాన్నీ, పట్టుదలనీ చూసిన The Colored Girl Inc అనే సంస్థ ఆమె మోడలింగ్‌ బాధ్యతలు చూసుకునేందుకు ముందుకువచ్చింది. ఖౌదియా ఇప్పుడో సెలబ్రెటీ! ప్యారిస్‌, న్యూయార్క్‌ ఫ్యాషన్‌ ప్రపంచంలో ఆమె పేరు విననివారు ఉండరు. ఖౌదియా ఇన్‌స్టాగ్రాం అకౌంటుని తెరవగానే దాదాపు మూడులక్షల మంది ఆమెను అనుసరించడం మొదలుపెట్టారంటేనే అర్థం చేసుకోవచ్చు... ఆమె విజయం ఏ స్థాయికి చేరుకుందో!       ఖౌదియా ఏదో అనుకోకుండా ఫ్యాషన్‌ ప్రపంచంలోకి అడుగుపెట్టలేదు- ‘ఆడవాళ్లు నలుపు రంగులో ఉన్నప్పటికీ, వాళ్ల కలలన్నింటినీ నిజం చేసుకోవచ్చు అని నిరూపించేందుకే ఈ రంగంలోకి అడుగుపెట్టానని’ అంటోంది. అంతేకాదు! ‘అందానికి నిర్వచనం ఇదీ అనీ... నువ్వు ఇలాగే కనిపించాలనీ చెప్పే అధికారం ఎవ్వరికీ లేద’ని ఖచ్చితంగా చెప్పేస్తోంది. మన అందం పట్ల విశ్వాసం ఉన్నంతవరకూ, బయటకి ఎలా కనిపించామన్నది ఎమాత్రం ముఖ్యం కాదన్నది ఖౌదియా వాదన. ఖౌదియా విజయం వేలాదిమంది నల్లజాతీయులకు ఓ ప్రేరణగా నిలుస్తోంది. కొందరైతే ఏకంగా ఆమెను అనుసరిస్తూ ఫ్యాషన్‌ ప్రపంచంలో అడుగులు వేసేందుకు సిద్ధంగా ఉన్నారు- ‘ఈ ఫ్యాషన్‌ సామ్రాజ్యంలో చాలామంది నల్లజాతీయులకు చోటు ఉంది,’ అంటూ వారందరినీ సాదరంగా ఆహ్వానిస్తోంది ఖౌదియా. -నిర్జర.  

మనకో ..".డే " అవసరమా   అసలు ఆడవాళ్ళకి సంవత్సరం లో తమని తాము గురిక్తించుకోవడానికి ఒక" డే "అవసరమా అని ఆలోచించా? అవసరమే అని తేలింధి..ఎంధుకంటారా ? మహిళల్లో ఉన్న (పెద్ద బలహీనతో బలమో తెలీధు కానీ ) ఒక ఆలోచనా విధానం ధీనికి కారణం. పిల్లలు ,భర్త...వీరే ప్రపంచం గా బ్రతికేస్తుంటారు  చాలా మంధి ఆడవాళ్ళు.(అత్తమామల గురించి మీరు అడక్కండి నేను చెప్పను) ఈ హడావిడిలో  తమని తాము తరచి చూసుకోవడం చాలా అరుదుగా చేస్తుంటారు. అంధుకే ఆడవాళ్ళు తమని తాము ప్రతి లిస్ట్ లో చివర పెట్టుకుంటూ వుంటారు.. "త్యాగమూర్తివమ్మా మహిళా..." అని పొగిడించుకోవడానికి కాకపోయినా అదో తృప్తి వారికి. అయితే ఇలా కొన్ని రోజులు పరవాలేధు ,జీవితమంతా ఉంటేనే ఇబ్బంధి  .. ఆలా ఉండిపోవడం వల్ల వారి ఆలోచన లో స్తబ్దత ,,ఆచరణలో నిర్లిప్తత , చోటుచేసుకుంటాయి. చివరికి అదే విసుగు, చిరాకు గా మారి బయటపడతాయి. అప్పటిదాక చేసింధి గుర్తించకపోయినా  ఈ విసుగుని చిరాకుని మాత్రం తెగ పట్టేస్తారు  బంధుజనమ్ . "ఏవిటి ఎప్పుడూ   నీకంత కోపం ?" అనేవారే కానీ "ఎంధుకు అంత కోపం వస్తోంధా? అని ఆరాతీసే నాధుడే ఉండడు..మీ బాధకి మిమ్మల్ని వదిలేస్తారు తప్ప ,బాధ అడిగి తెలుసుకునే ప్రయత్నం చెయ్యరు. ఇందులో  వారి తప్పు లేధు . వారు మిమ్మల్ని అడిగి చేయించుకోలేధు ,మీరే ప్రేమ ఎక్కువై  చేశారు . ఈ విసుగుని కోపాన్ని ఇలానే వదిలేస్తే చిలికి, చిలికి గాలి వానవుతుంది.మరి ఈ సమస్యనుంచి బయటపడటం ఎలా .? ధీనికో మార్గం ఉంధి... * ముంధు అందరి తో పాటు మీ ఉనికిని ఇష్టాన్ని కూడా గుర్తు పెట్టుకోండి * అందరి పనులు అడిగి మరి చేయండి,కానీ  వద్దంటే వదిలేయ్యడం  కూడా నేర్చుకోండి   * మీకంటూ ఒక జీవిత ధ్యేయం పెట్టుకోండి,ధాన్ని చేరుకోవడానికి దారులు మీరే వెతుక్కోండి. * రోజులో మీకంటూ కాస్త సమయాన్ని కేటాయించండి తప్పేం లేధు స్వార్ధం అంతకన్నా కాధు * మీ ఆరోగ్యాన్ని మీరే పట్టించుకోండి మీరు ఆరోగ్యం గా ఉంటేనే మీ ఇంట్లో అందరూ సంతోషం గా ఉంటారు అని గుర్తు పెట్టుకోండి * ఏదన్నా సాధించాం అనిపించగానే అందరూ సెహబాష్ అనాలని  కోరుకోకండి మెల్లిగా వారే నేర్చుకుంటారు * జీవితం మీధి ధాని పగ్గాలు మీ చేతిలోనే ఉండనివ్వండి . ఇంతే .. ఈ కాస్త గుర్తు పెట్టుకుంటే....చాలు ...ఉమెన్స్ డే కి మీరు ఎలాంటి నిర్ణయాలు తీసుకున్నా , అవన్నీ పాటించి తీరుతారు .

  Components : 1. Scrapbook paper. 2. Newspaper. 3. Glue. 4. a soda can. 5. Paint brush. 6. Scissors or paper trimmer.   Making : Step 1 – Cut paper Decide on the height of the bracelet. The one shown above is 3/4 inches tall.   Using scissors or a paper trimmer, cut long strips of newspaper 3/4 inches wide. Cut 2 strips of scrapbook paper 3/4 wide and long enough to fit around the soda can with at least an inch or 2 inches of overlap. I wanted a contrasting color band on the outside of the bracelet, so I also cut several long strips of newspaper 1/2 inches wide. Then cut 1 strip of the the contrasting scrapbook paper 1/2 wide and long enough to fit around the can with some overlap.   Step 2 – Glue the inside of the bracelet Pick up the scrapbook piece that will line the inside of the bracelet. Place it so that the pattern faces the soda can. Start wrapping and add glue where the strip overlaps. (Be careful not to get glue on the can.)   Step 3 – Glue the middle layers of the bracelet Apply glue to a newspaper strip and start wrap it around the bracelet. Start where the last paper strip ended. Once you’ve glued several layers on, you may want to remove the paper from the can and keep wrapping. (The soda can’s a little heavy, and once you’ve gotten the initial shape of the bracelet, it’s easier to wrap the paper without having the can in the middle.)   Continue doing this until the layers of paper are about 1/8 inch thick.   Step 4 – Glue scrapbook paper to the the outside of the bracelet Glue the 3/4 inch thick scrapbook strip around the outside of the bracelet.   Step 5 – Add the contrasting color band to the outside Glue a couple strips of the narrower (1/2 inch) newspaper around the outside of the bracelet so that it centered. Then glue the narrower scrapbook paper on.   Step 6 – Dry Coat the inside and outside of the bracelet with a sealant such as ModPodge. Let dry completely for about 24-48 hours.   Step 7 – Decorate If you want to add some bling, glue on the rhinestones. For a more finished look, sand the top and bottom edges. Paint edges with gold paint.   Finished ! Get creative and make lots of other types of bracelets! You can use all types of decorative paper to make these bracelets. Experiment with different heights and different thicknesses. If you don’t want to use scrapbooking paper, try using just newspaper and painting the bracelet when it’s dry. You can also experiment with wrapping string or yarn around the outside of the bracelet to add your own style.  

ఆ రోజుల్లో సెలవు ఇస్తే ఏం!     స్త్రీలు మగవారితో సమానంగా అన్ని బాధ్యతలూ పంచుకుంటున్న రోజులివి. తాము ఏ రంగంలోనూ తక్కువ కాదని రుజువు చేస్తున్న యుగం ఇది. కానీ తమకి చేయూతగా నిలుస్తున్న ఆడవారిని సమాజం ఎంతవరకూ అర్థం చేసుకునే ప్రయత్నం చేస్తోంది అంటే జవాబు కష్టమే! వారికి మాత్రమే ప్రత్యేకమైన సమస్యలని పట్టించుకునేవారు కానీ, సహానుభూతితో స్పందించేవారు కానీ ఎవరున్నారు అంటే కనిపించేవారు తక్కవే! అందుకు ఉదాహరణే స్త్రీలు తమ రుతుక్రమం సమయంలో ఎదుర్కొనే సెలవు సమస్య!   ఎందుకీ బాధ స్త్రీలు తమ పీరియడ్స్‌ సమయంలో శారీరికమైన ఇబ్బందులను ఎదుర్కొంటారన్న విషయం అందరికీ తెలిసిందే. ఈ సమయంలో వారి గర్భాశయం చుట్టూ ఉన్న రక్తనాళాల మీద విపరీతమైన ఒత్తిడి ఏర్పడుతుంది. దీనికి తోడు prostaglandins అనే రసాయనాలు కూడా విడుదల కావడంతో పొత్తికడుపు చుట్టూ ఉన్న కండరాలు కుంచించుకుపోయి మరింత బాధకి దారితీస్తాయి. కేవలం కండరాల నొప్పులే కాదు, పీరియడ్స్‌ సమయంలో రకరకాల ఆరోగ్య సమస్యలు మహిళలను చుట్టుముట్టే అవకాశం ఉంది. వాంతులు, విరేచనాలు, తలనొప్పి, వెన్నునొప్పి, క్రుంగుబాటు వంటి ఇబ్బందులెన్నింటినో ఎదుర్కోవలసి రావచ్చు. రుతుక్రమంలో వచ్చే ఇలాంటి సమస్యలని వైద్య పరిభాషలో dysmenorrhoea అంటారు.   మరోసారి వెలుగులోకి గత వారం బీబీసి రేడియో చేసిన ఒక సర్వేతో ‘పీరియడ్స్ సమయంలో ఉద్యోగం’ అనే సమస్య మరోసారి వెలుగులోకి వచ్చింది. ఈ సర్వేలో పాల్గొన్న దాదాపు వేయిమంది చెప్పిన విషయాలు ఈ సమస్య తీవ్రతని తేల్చిచెప్పాయి. ఈ వేయిమందిలో 52 శాతం మహిళలు, పీరియడ్స్‌ సమయంలో వచ్చే నొప్పి తమ విధి నిర్వహణ మీద ప్రభావితం చేస్తోందని చెప్పారు. వారిలో ఒక మూడో వంతు మందైతే ఆ నొప్పి కారణంగా సెలవు తీసుకోవాల్సి వచ్చిందని వాపోయారు. ఏతావాతా ప్రతి పదిమందిలో తొమ్మిదిమంది తాము ఏదో ఒక సమయంలో పీరియడ్స్‌ నొప్పుల కారణంగా, ఉద్యోగ వేళల్లో ఇబ్బందిపడ్డామని చెప్పుకొచ్చారు. పీరియడ్స్‌ వల్ల వచ్చే నొప్పితో తరచూ ఇబ్బండి పడటం వల్ల, ఉద్యోగాన్ని మానివేసినవారూ లేకపోలేదు.   వింత సమస్య పీరియడ్స్ సమయంలో వచ్చే నొప్పుల గురించి మహిళలు యాజమాన్యం దగ్గర చెప్పునేందుకు జంకుతారు. యాజమాన్యమేమో దీనిని స్వయంగా పట్టించుకునే చొరవా చూపదు. ఫలితంగా కార్మికులలో సగభాగమైన మహిళలు ఈ బాధతోనే ఉద్యోగాలను నెట్టుకొస్తున్నారు. అయితే ఇప్పుడిప్పుడే ఈ సమస్య గురించి గొంతుకలు వినిపిస్తున్నాయి. ఈ సమస్య చాలా సహజమైనదన్న విషయం యాజమాన్యం గుర్తించాలనీ, పీరియడ్స్‌ సమయంలో మహిళలు సెలవు తీసుకునే అవకాశాన్ని కల్పించాలనీ వాదనలు వినిపిస్తున్నాయి. మహిళలకు కనుక ఇలాంటి సెలవులు అందుబాటులో ఉంటే వారు మరింత సమర్థవంతంగా విధులను నిర్వహిస్తారని, యాజమాన్యం తమకు అండగా ఉందన్న తృప్తితో ఉంటారనీ పలువురు సూచిస్తున్నారు.   సాధ్యమేనా! జపాన్‌, ఇండోనేషియా, తైవాన్‌ వంటి దేశాలలో ఇప్పటికే మహిళలు రుతుక్రమంలో సెలవులు తీసుకునే సౌలభ్యం ఉంది. జపాన్‌లో అయితే దాదాపు 70 సంవత్సరాలుగా ఈ చట్టం అమలులో ఉంది. ఇక కెనడా, ఇంగ్లండ్‌ వంటి దేశాల్లో కూడా ఈ సెలవులను అమలుచేయాలన్న ఉద్యమాలు బలపడుతున్నాయి. మన దేశంలో ఒకటీ అరా సంస్థలు ఇలాంటి సెలవులను ఇస్తున్నప్పటికీ, చట్టబద్ధంగా మహిళలకు ఇలాంటి సెలవులు లభించాలంటే మాత్రం పెద్ద ఎత్తున చర్చ జరగవలసి ఉంది. పైగా మహిళలకు ఇలాంటి సెలవులు ఇవ్వడం వల్ల చిన్న తరహా పరిశ్రమలకు నష్టం వాటిల్లుతుందనీ, పారిశ్రామికవేత్తలు మహిళలకు ఉద్యోగాలను ఇచ్చేందుకు జంకుతారనీ వాదించేవారికి మన వద్ద కొదవు లేకపోవడంతో... అసలు ఈ సౌలభ్యం మన దేశంలో వచ్చే అవకాశం ఉందా అన్నది అనుమానమే! అప్పటివరకూ బహుశా మహిళాలోకం మౌనంగా ఈ బాధని భరించాల్సిందేనేమో!   - నిర్జర.  

పెళ్లై సంవత్సరం కూడా కాలేదు.. అప్పుడే పిల్లలా..? కొన్నాళ్లు లైఫ్ ఎంజాయ్ చేయొద్దా..? కొద్ది రోజులు పర్సనల్ స్పేస్‌ని, ఆనందాల్ని, స్వేచ్ఛను తనివితీరా అనుభవించిన తర్వాతే పిల్లల సంగతి ఆలోచిస్తాం అంటున్నారు నేటి తరం అమ్మాయిలు. అంతేకాదు వారాల తరబడి ఎటువెళ్లడానికైనా స్వేచ్ఛ ఉండే జీవితం తమకు కావాలని.. అదే పిల్లలుంటే ఇవి సాధ్యం కావని చెప్తున్నారు. కానీ ఈ ధోరణి మంచిది కాదంటున్నారు నిపుణులు.   ఏ వయసులో జరగాల్సిన ముచ్చట ఆ వయసులో జరగాలి అంటుంటారు మన పెద్దలు కానీ వయసు మొత్తం అయిపోయిన తర్వాత పిల్లలు కావాలంటే.. అప్పటికే జరగాల్సిన నష్టం జరిగిపోతుందంటున్నారు. సాధారణంగా మహిళలు రజస్వల అయినప్పటి నుంచి ప్రతి నెల వారిలో అండాల ఉత్పత్తి తగ్గుతూ వస్తుంది. 37 ఏళ్లు వచ్చేసరికి అండాల ఉత్పత్తి బాగా తగ్గిపోతుంది. మరోవైపు మగవారిలో కూడా వయసు పెరిగే కొద్ది వీర్యంలో నాణ్యత తగ్గడం.. వీర్య కణాల కదలిక మందగించడం జరుగుతుంది.   40 ఏళ్ల తరువాత పిల్లల కోసం ప్రయత్నిస్తే.. అప్పడు పుట్టే పిల్లలు శారీరకంగా, మానసికంగా లోపాలతో పుడతారని వైద్యులు చెబుతున్నారు. అలా పుట్టిన పిల్లల్లో బుద్ధి మాంద్యం, ఎదుగుదల లోపం తదితర సమస్యలు వస్తాయట. కాబట్టి దంపతులు లేటు వయసులో పిల్లలను కనటం మంచిది కాదని చెబుతున్నారు. మహిళలు 21 నుంచి 29 ఏళ్లలోపు, పురుషులు 40 ఏళ్లు వచ్చేలోపు పిల్లల కోసం ప్రయత్నించడం సర్వత్రా శ్రేయస్కరం.

యోగర్ట్ యోగం   పెరుగు ఆరోగ్యానికి మంచిదని తెలుసు కదా. అయితే దానిని రోజువారీ వంటలలో విరివిగా ఎలా వాడచ్చో తెలుసుకుంటే పెరుగు వాడకాన్ని పెంచవచ్చు. ఆ చిట్కాలే కొన్ని  ఈ రోజు మీకోసం ఇస్తున్నాం, ఆలోచిస్తే మీకూ కొన్ని తడతాయి. * పెరుగును బాగా చిలికి కొద్దిగా పంచదార, ఉప్పు, నచ్చిన పండ్ల ముక్కలు లేదంటే మొలకెత్తిన గింజలను చేర్చాలి. చివరిలో కొంచెం తేనె వేస్తే రుచిగా వుంటుంది. ఎండలు ఎక్కువగా వున్నప్పుడు సాయంత్రాలలో తింటే హాయిగా వుంటుంది. *  చపాతీ పిండి కలిపేటప్పుడు కొంచం పాలు పోస్తాం కదా.. మెత్తగా వస్తాయని, ఈసారి కొంచం పెరుగు వేసి చూడండి.. రోటీలు మృదువుగా వస్తాయి, పైగా రుచి కూడా పెరుగుతుంది. * బిర్యానీ చేసేటప్పుడు ఓ కప్పు పెరుగు వేస్తే కమ్మదనంతో పాటు రుచి కూడా చాలా బావుంటుంది. * పెరుగు పచ్చళ్ళ గురించి చెప్పేదేముంది... కొబ్బరి, పొట్లకాయ, టమోటా ఇలా ఎన్నోరకాల  పెరుగు పచ్చళ్ళు చేసుకోవచ్చు. * చపాతీలలోకి రైతా చేసుకుంటే చాలా బావుంటుంది. త్వరగా అయిపోతుంది కూడా. బూందీ రైతా అయితే అన్ని రైస్ ఐటమ్స్‌లోకి బావుంటుంది. రోటిలలోకి మాత్రం కీరా, కారెట్, అలాగే ఆనపకాయ తురిమి వేస్తే చాలా రుచిగా వుంటుంది. * చాలా కూరలలో పాలు పోసి వండుతాం కదా.. కొన్ని గ్రేవీ కూరలలో పెరుగు వేస్తారు. కొంచెం పులుపు రుచి వస్తుంది దాని వల్ల కూరకి.సూపులలో క్రీమ్‌కి బదులుగా పెరుగు వాడవచ్చు.   * ఇక ఇన్‌స్టెంట్ రవ్వ దోశలు వేయాలంటే పెరుగు వుండాల్సిందే. వేయించిన రవ్వని పెరుగులో కలిపి కాసేపు పోయాక తగినంత నీరుపోసి వేస్తే రవ్వ దోశలు చక్కగా కుదురుతాయి. * పెరుగు వడలు, ఆవియల్ వంటి కూరలు, దద్దోజనం లాంటి రైస్ ఐటమ్ ఒకటా రెండా.. పెరుగుతో ఎన్నో వంటకాలు చేసుకోవచ్చు. * ఇక లస్సీ, నిమ్మరసం కలిపిన మజ్జిగ దాహాన్ని తీరుస్తాయి. * పెరుగు మన డైజిస్టివ్ సిస్టంని ఆరోగ్యంగా ఉంచుతుంది. అందుకే వీలు అయినంత ఎక్కువగా పెరుగును వివిధ రూపాలలో మన ఆహారంలో చేర్చుకోవాలి.     -రమ

Salt is not just a taste- It’s a TIP Our kitchen is always incomplete without a packet of salt. But salt is not just a taste, if you are willing enough, it can provide solution to numerous tiny problems around us.. Those dirty rings- how often we see the water or rust rings on floor and wonder how to clean them. The cylinders and buckets would always leave such marks on the floor. Apply some salt on lemon and rub it over such stains and you can watch the floor sparkling as before. Best deodorizer- Salt can be best deodorizer if applied. Clean your refrigerators and sinks by adding a bit of salt and you would know it why. A pinch of salt when sprinkled in the shoes would absorb the moisture which often gives rise to a foul smell. Fight the bite- When you are stung by a bee, dampening the skin and covering it with some salt can relive you from the pain. A mosquito bite can also be relieved by applying some oil mixed with salt on the place. Spill- When you have lot of pickles on the dining table, it’s always hard to choose them but easy to spill them. But don’t panic if you spill something. Spray some salt quickly over the stain which would absorb the stain and makes it easier to clean the crime scene. Stained mugs- Everyone would love to serve their guests with best porcelain ware. But coffee/ tea stains in and around the coffee mugs can certainly be embarrassing. Clean those with dish soap along with some salt and you no longer feel shy to serve. Dental care- Salt is often considered as best support in oral care. Brushing teeth with salt and lemon would remove the plaque easily. Rinsing with salt and baking powder would act as mouth freshener. Gargling with warm salt water can relive us from mouth sores to throat infections. Salt for skin- We often soak our feet in lukewarm water to make them appear smooth. But it’s not just feet that deserves a pinch of salt, you can add some salt in your bathtub once in a while to let your skin look soft. Massaging your damp skin with salt crystals would also help remove the dead cells and improve the blood circulation. And well! If you are suffering with dandruff like millions in the world, massaging your scalp before a head bath would help you get rid of those dead flakes. There is an estimate that there are 14,000 ways to use salt. We have just mentioned a few of them. From removing stains to keeping away the ants... you can find hundreds of ways to use a pinch of salt.

  సైనికుల‌కు స‌లాం చేస్తున్న జ‌య `జై- హింద్‌`!   వాళ్లు ఎండావాన‌ల‌కి చ‌లించ‌రు, కొండాకోన‌ల‌కి త‌ల‌వంచ‌రు. ప‌చ్చ‌ద‌న‌మే ఎరుగ‌ని ఎడారిలో ఉన్నా, నేల‌నేది క‌నిపించ‌ని న‌డిసంద్రంలో ఉన్నా... వాళ్ల మ‌న‌సుల్లో ఒకటే ఆలోచ‌న‌, వాళ్ల జీవితాల్లో ఒక‌టే ల‌క్ష్యం, వాళ్ల చేత‌ల్లో ఒక‌టే త‌ప‌న‌ - అదే దేశ ర‌క్ష‌ణ‌! మ‌న భ‌ద్ర‌తా ద‌ళాల గురించి ఇలా ఎన్ని విష‌యాలు చెప్పుకున్నా, చెప్పాల్సింది ఇంకా మిగిలిపోయిన‌ట్లే తోస్తుంది. వారికి ఎన్ని వేల కృత‌జ్ఞ‌త‌లు అందించినా, మిగిలిపోయే రుణం ఏదో ఉంది. అందుకే వారి ఔన్న‌త్యం గురించి ప్ర‌జ‌ల‌కు తెలిపేందుకు, వారి మ‌న‌సులోని మాట‌ల‌ను మ‌న‌కి చేర‌వేసేందుకు ఒక కార్య‌క్ర‌మాన్ని రూపొందించారు `జ‌యపీస‌పాటి`. అదే జై - హింద్‌!!!   హాంగ్‌కాంగ్ నుంచీ తెలుగువారందికీ ఆత్మీయ‌వార‌థిగా నిలిచేందుకు `టోరీ` అనే ఇంట‌ర్నెట్ రేడియోని మొద‌లుపెట్టింది `తెలుగువ‌న్` సంస్థ‌. అందులో భాగంగా ప్ర‌పంచ‌వ్యాప్తంగా ఉన్న తెలుగువారు ఉన్న‌చోట నుంచే కార్య‌క్ర‌మాల‌ను నిర్వ‌హిస్తూ టోరీని విజ‌య‌వంతం చేశారు. హాంగ్‌కాంగ్ నుంచి కార్య‌క్ర‌మాన్ని నిర్వ‌హించే జ‌య‌పీస‌పాటి వారిలో ఒక్క‌రు. అప్ప‌టికే జ‌య హాంగ్‌కాంగ్‌లో ఉంటున్న తెలుగువారికోసం కె.పి.రావు దంప‌తుల‌తో క‌లిసి `హాంక్‌కాంగ్ తెలుగు స‌మాఖ్య‌` అనే సంస్థ‌ను ఏర్పాటు చేశారు. వంద‌కు పైగా తెలుగు కుటుంబాల‌కు ఆ స‌మాఖ్య ఒక వేదిక‌గా ఉంది.     సైనికుల కోసం ఏద‌న్నా మొద‌ట్లో జ‌యపీస‌పాటి శ‌ని, ఆదివారాల్లో రెండేసి గంట‌ల పాటు రేడియో కార్య‌క్ర‌మాన్ని నిర్వ‌హించేవారు. ఇవ‌న్నీ స‌ర‌దాస‌ర‌దాగా సాగిపోయేవి. కానీ దాంతో ఆమెకు ఎందుకో తృప్తి క‌ల‌గ‌లేదు. జ‌య‌కు చిన్న‌ప్ప‌టి నుంచి సాయుధ‌ద‌ళాల‌కు అనుబంధంగా ప‌నిచేయాల‌నే కోరిక తీవ్రంగా ఉండేది. అదెలాగూ సాధ్య‌ప‌డ‌లేదు. క‌నీసం మ‌న చీక‌టి రాత్రులు సుర‌క్షితంగా ఉండేందుకు త‌మ జీవితాల‌ను వెలిగిస్తున్న సైనికుల కోసం ఏద‌న్నా చేయాల‌న్న ప‌ట్టుద‌ల‌తో ఉండేవారు. సైనికుల గురించి ఎక్క‌డో స్కూళ్ల‌లోనో, కాలేజీల్లోనో చెప్ప‌డం త‌ప్ప మిగ‌తా మాధ్య‌మాలు అంత శ్ర‌ద్ధ వ‌హించ‌డం లేద‌ని గ్ర‌హించారు జ‌య‌. దేశం కోసం త‌మ ఆశ‌ల‌ను ప‌ణంగా పెట్టిన వారి మ‌న‌సులో ఏముంటుంది! ఆ ఉన్న‌త భావాలు మిగ‌తా ప్ర‌జ‌ల‌కు చేరితే అవెంత ప్ర‌భావ‌వంతంగా ఉంటాయో క‌దా అనిపించింది ఆమెకు! అలా రూపుదిద్దుకున్న‌దే `జై- హింద్` కార్య‌క్ర‌మం!   సైనికులు మాట్లాడితే `జై-హింద్‌` కార్య‌క్ర‌మం గురించిన ఆలోచ‌న‌ను చెప్ప‌గానే చాలా ప్ర‌శ్న‌లు వ‌చ్చాయి. ఒక చిన్న‌పాటి కార్య‌క్ర‌మంలో మాట్లాడేందుకు సైనికులు ఒప్ప‌కుంటారా! ఒక‌వేళ వాళ్లు ఒప్పుకుని ఏద‌న్నా మాట్లాడినా అది చ‌ట్టాన్ని ఉల్లంఘంచిన‌ట్లు కాదా! సెల‌బ్రిటీలు కాకుండా ఎవ‌రో సైనికులు మాట్లాడితే వినేది ఎవ‌రు!... లాంటి స‌వాల‌క్ష స‌వాళ్ల‌ను జ‌య ఎదుర్కొన్నారు. కానీ జ‌య వాట‌న్నింటినీ దాటి విజ‌యం సాధించారు. సెల‌బ్రిటీలు మాట్లాడితే ఆస‌క్తితో వింటార‌నీ, సైనికులు మాట్లాడితే అభిమానంతో వింటార‌నీ నిరూపించారు.    మూడేళ్ల విజ‌యం 2012 మ‌ధ్య‌కాలంలో మొద‌లైన జైహింద్ కార్య‌క్ర‌మం ఇప్ప‌టికి మూడు సంవ‌త్స‌రాల‌ను విజ‌య‌వంతంగా పూర్తిచేసుకుంది. ఈ మూడు సంవ‌త్స‌రాల ప్ర‌యాణం ఏమంత తేలిక‌గా సాగ‌లేదు. మొద‌ట్లో...  సైనికుల‌ను ఎలా సంప్ర‌దించాలి. మాట‌ల సంద‌ర్భంలో ఎలాంటి ఇబ్బందులూ రాకుండా ఎలా మెల‌గాలిలాంటి స‌మస్య‌లెన్నో ఆమె ఎదుర్కొన్నారు. పైగా జ‌య‌కు ఇంట్లో ఇద్ద‌రు చిన్న‌పిల్ల‌లు ఉన్నారు. భ‌ర్త ఉద్యోగ‌రీత్యా త‌ర‌చూ ప్ర‌యాణాలు చేయాల్సి రావ‌డంతో, ఆ ఇద్ద‌రి పిల్ల‌ల బాధ్య‌త‌నీ పూర్తిగా చూసుకోవాల్సి వ‌చ్చేంది. పైగా తాను ఒక పాఠ‌శాల‌లో ప‌నిచేస్తున్నారు. ఇన్ని బాధ్య‌త‌ల మధ్య కూడా, ఆమెకు దేశం ప‌ట్ల ఉన్న నిబ‌ద్ధ‌తే `జై-హింద్‌` కార్య‌క్ర‌మాన్ని ముందుకు న‌డిపించింది.     నొప్పించ‌క తానొవ్వ‌క‌ `జై-హింద్‌` కార్య‌క్ర‌మం కేవ‌లం సైనికుల‌తో స‌ర‌దాగా సాగిపోయే సంభాష‌ణ‌లా ఉండ‌దు. వారి నేప‌థ్యం ఏమిటి, సైనిక‌ద‌ళాల‌లో చేరేందుకు వారిని పురికొల్పిన ప‌రిస్థితులు ఏంటి, వారి అభిరుచులు, కుటుంబం... వంటి విష‌యాల‌ను చ‌ర్చిస్తూనే వాటిని తిరిగి శ్రోత‌ల‌కు తెలుగులో చెబుతారు జ‌య‌. ఒక‌వైపు సైన్యంలో ఉండే ద‌ళాలు ఎంత‌టి క‌ష్ట‌న‌ష్టాల‌ను ఎదుర్కొంటాయో తెలియ‌చేస్తూనే,  సైన్యంలో ఉండేవారికి ప్ర‌భుత్వం క‌ల్పించే స‌దుపాయాలను సంద‌ర్భానుసారంగా వివ‌రిస్తుంటారు. సైనికుల‌తో ఒకో ముఖాముఖి సాగే కొద్దీ `నొప్పించ‌క తానొవ్వ‌క‌` రీతిలో సంభాష‌ణ‌ను సాగించే నేర్పు జ‌య‌కు పూర్తిగా అల‌వ‌డిపోయిన‌ట్లే తోస్తుంది. సైనికుల బాధ్య‌త ఒక్క స‌రిహ‌ద్దుల‌కే ప‌రిమితం అనుకునే సామాన్య‌ల‌కు, సైన్యం అందించే సేవ‌లు విని ఆశ్చ‌ర్యం క‌లుగుతుంది. ఉదా|| ప్ర‌భుత్వ రంగ ఉద్యోగులు ఏద‌న్నా స‌మ్మెను చేప‌డితే, దానివ‌ల్ల ర‌వాణా ఆగిపోకుండా ఉండేంద‌కు `రైల్వే టెరిటోరియ‌ల్ ఆర్మీ` స‌దా సిద్ధంగా ఉంటుంద‌న్న విష‌యం చాలామందికి తెలియ‌దు. సైన్యానికి చేతులెక్కి మొక్కాల‌నిపించే ఇలాంటి విష‌యాలు కోకొల్ల‌లుగా `జై-హింద్‌`లో వినిపిస్తాయి.   కార్య‌క్ర‌మం తీరుతెన్న‌లు: సైనికుల కోసం జరిగే `జై-హింద్‌` జాతీయ గేయంతో మొద‌లై, జాతీయ గీతంతో ముగియ‌డం స‌ముచితంగా తోస్తుంది. మ‌న కోసం ప్రాణాలు అర్పించ‌డానికి కూడా వెనుకాడ‌రు సైనికులు. అందుకే వారు నిండునూరేళ్లూ జీవించాలంటూ, ఈ కార్య‌క్ర‌మం ద్వారా పుట్టిన‌రోజు శుభాకాంక్ష‌లను అంద‌చేస్తారు. ఆ త‌రువాత ప్రోగ్రాంలోకి విచ్చేసే విశిష్ట అతిథులు చెప్పే విష‌యాల‌కు మ‌న‌సంతా దేశ‌భ‌క్తితో నిండిపోతుంది. మ‌ధ్య‌మ‌ధ్య‌లో మంచిమంచి పాట‌లూ విన‌వ‌స్తాయి, శ్రోత‌ల‌ ప్ర‌శ్న‌లూ కార్య‌క్ర‌మానికి మ‌రింత వ‌న్నె తెస్తాయి. ఇందులో పాల్గొనే ప్ర‌తి ఒక్క సైనికుడూ ప్ర‌త్యేక‌మే! మ‌న సికింద‌రాబాదులోనే ప‌నిచేస్తున్న మేజ‌ర్ నిషాసింగ్ చిన్న‌నాటి క‌బుర్లు; కార్గిల్ పోరులో కాలు పోగొట్టుకుని, రెండు సంవ‌త్స‌రాలు ఆసుప‌త్రిలో గ‌డిపినా కూడా మార‌థాన్లో పాల్గొంటున్న మేజ‌ర్ డి.పి.సింగ్ పోరాటం;  కార్గిల్ యుద్ధంలో వీర‌మ‌ర‌ణం పొందిన కేప్ట‌న్ సౌర‌భ్ కాలియా గురించి ఆయ‌న తండ్రి ఎన్‌.కె.కాలియా పంచుకున్న జ్ఞాప‌కాలు... ఇలా ఒక్కో కార్య‌క్ర‌మం ఒక్కో స్ఫూర్తిచిహ్నంగా మిగిలిపోతుంది.     జ‌య‌పీస‌పాటి నిర్వ‌హించే ఈ కార్యక్ర‌మం గురించి జాతీయ‌, అంత‌ర్జాతీయ ప‌త్రిక‌ల్లో వార్త‌లు వ‌చ్చాయి. `జై-హింద్‌` అనే కార్య‌క్ర‌మం ఒక‌టి న‌డుస్తోంద‌ని అంద‌రికీ తెలిసింది. కానీ ఎవ్వ‌రికీ తెలియ‌కుండా... జ‌రుగుతున్న ఓ నిశ్శ‌బ్ద విప్ల‌వం కూడా ఉంది. బ‌తికితే రాజాలాగానే బ‌త‌కాలి, సంపాదిస్తే ల‌క్ష‌ల్లోనే సంపాదించాలి అనుకునే యువ‌త దీని నుంచి ప్ర‌భావితం అవుతోంది. ఏదో ఒక రోజున ఒక సైనికుడిని `మీరు సైనికుడిగా ప్రేర‌ణ క‌లిగించిన సంద‌ర్భం ఏంటి?` అని జ‌య‌పీస‌పాటి అడిగితే `మీ కార్య‌క్ర‌మాన్ని వినే సైనికుడిగా మారాల‌నుకున్నాను` అని ఎవ‌ర‌న్నా చెప్పే రోజు కూడా వ‌స్తుందేమో! - జై - హింద్‌!!!   - నిర్జ‌ర‌.

మొగవారికే మొదటి ప్రాధాన్యం     ఒకప్పుడు ఆడవాళ్లంటే చాలా చులకన ఉండేది. కానీ ఇప్పుడు కాలం మారిపోయింది. ఆడవాళ్లు ఏ రంగంలోనూ మగవారికి తీసిపోవడం లేదు. కాబట్టి సమాజం కూడా వాళ్లిద్దరికీ సమానమైన గౌరవం ఇస్తోంది. ఈ మాటలు మీరు కూడా నమ్ముతున్నారా? కానీ నిజంగా మనం మురిసిపోవాల్సినంత మార్పేమీ సమాజంలో రాలేదని అంటున్నారు పరిశోధకులు. అందుకు రుజువుగా ఒకటి కాదు రెండు కాదు, మూడు పరిశోధనలు చేసి చూపిస్తున్నారు. సామాన్యంగా ఒక జంటను సంభోదించేందుకు Mr. & Mrs అంటాము. అలాగే ఎవరన్నా అమరప్రేమికుల గురించి చెప్పుకోవాల్సి వచ్చినప్పుడు రోమియోజూలియట్ లాంటి పోలికలు చేస్తాము. ఇందులో మగవారినే మొదటగా పేర్కొంటాం కదా! ఈ వ్యవహారం లోతుపాతులని చూడాలనుకున్నారు Dr. Hegarty అనే పరిశోధకుడు. అందుకోసం ఓ మూడు పరిశోధనలు చేసి చూశారు. ఆ పరిశోధనలు, వాటి ఫలితాలు ఇవిగో...   మొదటి పరిశోధన: Dr. Hegarty మొదటగా ఇంటర్నెట్లో జంటగా కనిపించే పదాలను వెతికి చూశారు. ఇందుకోసం అటు అమెరికాలోనూ, ఇటు ఇంగ్లండులోనూ తరచూ వినిపించే కొన్ని పేర్లను నెట్లో సెర్చ్ చేశారు. ఉదాహరణకి డేవిడ్ అనే మగ పేరు, మేరీ అనే స్త్రీ పేరు ఉన్నాయనుకోండి. David and Mary అని మగవారి పేరు ముందు వచ్చేట్లుగా, అలాగే Mary and David అని ఆడవారి పేరు ముందు వచ్చేట్లుగా నెట్లో వెతికారు. ఈ ఫలితాలలో వచ్చిన పేర్లలో దాదాపు 80 శాతం సందర్భాలలో మగవారి పేరే ముందు కనిపించింది!   రెండో పరిశోధన: ఈ పరిశోధనలో ఓ 121 మందిని కొన్ని జంటలను ఊహించుకోమని చెప్పారు. ఆ జంటలలో కొన్ని జంటలు సంప్రదాయబద్ధంగా ఉంటాయనీ, మరికొన్ని జంటలు ఆధునికంగా ఉంటాయనీ ఊహించుకోమన్నారు. ఆ జంటల పేర్లు చెప్పమన్నప్పుడు.... సంప్రదాయబద్ధంగా ఉండే జంటల పేర్లలో ఎక్కువగా మగవాడి పేరు ముందు వచ్చింది. ఆధునికంగా ఉండే జంటల పేర్లు చెప్పినప్పుడు మరీ అంత వ్యత్యాసం కనిపించలేదు.   మూడో పరిశోధన: ఈసారి పరిశోధన కోసం ఓ 86 మందిని ఎన్నుకొన్నారు. వీరందరినీ కూడా కొన్ని జంటలని ఊహించుకోమని చెప్పారు. అలా ఊహించుకున్న జంటల మధ్య తేడాలని రాయమన్నారు. ఇలా రాసేటప్పుడు మగవారికి సంబంధించిన లక్షణాలే ఎక్కువగా రాయడాన్ని గమనించారు. అతను ఆమెకంటే బలంగా ఉంటాడు; ఆమె అతనికంటే దూకుడుగా ఉంటుంది; అతను క్రికెట్ బాగా ఆడతాడు లాంటి లక్షణాలకే ఎక్కువ ప్రాధాన్యత ఇచ్చారు. అంతేకానీ వంటావార్పూ, ఇంటిపని, కుటుంబం, నాట్యం.... లాంటి స్త్రీ సంబంధమైన లక్షణాల గురించి అంతగా ప్రస్తావించలేదు. అదీ విషయం! పైకి మనం ఆడవారి పట్ల అంతగా వివక్ష లేదని చెబుతున్నా, మన మెదడు మగవారికి ప్రాధాన్యత ఇచ్చేందుకే అలవాటుపడిపోయాయి. అదే రాతలోనూ కనిపిస్తోంది. మరి ఆ పరిస్థితి మారేదెప్పుడో!!! - నిర్జర.  

బొప్పాయి బ్రెస్ట్ మిల్క్ ను పెంచుతుందా   ‘నేను పుష్టిగా భోజనం చేసినా మా బాబుకి పాలు సరిపోవట్లేదు’ అని కొత్తగా తల్లయిన వాళ్ళు అనటం మనం వింటూనే ఉంటాం. అన్నం ఎక్కువగా తినేస్తే పాలు సమృద్దిగా పడతాయి అనుకోవటం పొరపాటే. మనం తీసుకునే ఆహారంలో పాలను ఉత్పత్తి చేసే పదార్థాలు అదిక శాతం ఉండేలా చూసుకోవాలి. మనకి అందుబాటులో ఉండే కొన్ని రకాల కూరగాయల్లో, మెంతులు, వెల్లుల్లి, తులసి, వాము, కాకరకాయి, బొప్పాయి మొదలైన వాటిలో పాలను ఉత్పత్తి చేసే గుణం అధికంగా ఉంటుంది. వీటిని మన రోజువారి ఆహారంలో భాగంగా చేసుకుంటే చాలు ఇక ఏ దిగులు ఉండదు. మెంతులు ఈ సమస్యకి ఒక మంచి పరిష్కారం. బాలింతకు ఎక్కువగా మెంతిపొడి, మెంతికూర మొదలైనవి పెట్టాలి. నార్త్ ఇండియన్స్ అయితే మెంతులతో చేసిన హల్వా తినిపిస్తూ ఉంటారు. మెంతులను నేతిలో వేయించి, పోసి చేసి వంతులు గోధుమ పిండిని కలిపి వాటిలో పంచదారపొడి వేసి హల్వా లా తయారు చేస్తారు.     సోంఫు కూడా బాలింతలకు మంచిది. పాలు తాగే పిల్లలకి కడుపులో నొప్పి లేదా గ్యాస్ కు సంబందించిన సమస్యలు దీని వల్ల బాగా తగ్గుముఖం పడతాయి. తల్లి ఈ సోంఫుని ఎంత తింటే పిల్లలకి అంత మంచిది. దీనిని పొడిగా చేసుకుని కూరల్లో తినచ్చు లేదా నీళ్ళల్లో వేసి కాచుకుని కషాయంలా కూడా తీసుకోవచ్చు. వెల్లుల్లి పాలు ఎక్కువగా ఉత్పత్తి అయ్యేందుకే కాదు పాలకు మంచి రుచిని కూడా తెచ్చిపెడుతుందని ఒక అధ్యయనం తేల్చి చెప్పింది. వెల్లుల్లి తిన్న తల్లుల పిల్లలు తల్లి దగ్గర ఎక్కువ పాలు తాగారట. ఈ వెల్లుల్లిని బాలింత తినే అన్ని వంటకాల్లో కలుపుకోవచ్చు. అలాగే వాము కూడా పాలు పడటంలో ఎక్కువ సహాయం చేస్తుంది. వాము పొడిలో కాని కషాయంలో కాని తేనె కలిపి తినిపిస్తే మంచి ఫలితం కనిపిస్తుంది.యుటరస్ కి సంబంధించి  ఏదైనా సమస్య ఉన్నా అది కూడా తగ్గుతుంది. అన్నింటికన్నా ముఖ్యమైనడి బొప్పాయి పండు. ప్రెగ్నెంట్ గా ఉన్నప్పుడు దీన్ని అస్సలు తినకూడదని చెప్తారు అదే పండు డెలివరీ అయ్యాకా మాత్రం ఎక్కువగా తినాలి. ఇందులో తగినన్ని ప్రోటీన్స్, విటమిన్స్ ఉండటమే కాకుండా పాలు సమృద్దిగా తయారుకావటానికి దోహదం చేస్తాయి. బాలింతలు దీన్ని ఎంత తింటే అంత మంచిది. ఓట్స్ లో ఐరన్, కాల్షియం, ఫైబర్ ఇంకా విటమిన్ బి ఎక్కువగా ఉండటంవల్ల దీనిని తీసుకుంటే డిప్రెషన్ కూడా తగ్గుతుందిట. కొత్తగా తల్లి అయిన వాళ్ళలో తెలియని భయం ఉంటుంది. అలాంటి సమస్యలన్నీ ఓట్స్ తినటం వల్ల పోతాయని తేల్చి చెప్పాయి కొన్ని అధ్యయనాలు. వీటితో పాటు బ్రెడ్ తింటే కూడా మంచిది. తల్లులు తీసుకునే ఆహారంలోనే ఏది పాలను ఎక్కువగా ఉత్పత్తి చేస్తుందో తెలుసుకుని తీసుకుంటే చాలు, పిల్లలకి పోత పాలు పట్టాల్సిన పని ఉండదు. ..కళ్యాణి