ఇండియాలోని స్టార్‌ హీరోల్లో అల్లు అర్జున్‌ నెం.1.. 25వ స్థానంలో మహేష్‌!!
on Jan 31, 2025
ఒకప్పుడు ఇండియన్‌ సినిమాలో బాలీవుడ్‌ హవా ఎక్కువగా నడిచేది. మార్కెట్‌ పరంగా అతి పెద్ద ఇండస్ట్రీగా బాలీవుడ్‌ పేరు తెచ్చుకుంది. అయితే కాలం గడుస్తున్న కొద్దీ బాలీవుడ్‌ ప్రభ తగ్గుతూ వచ్చింది. ఆ తర్వాత తెలుగు, తమిళ్‌ ఇండస్ట్రీలు బాలీవుడ్‌పై ప్రభావం చూపించడం మొదలెట్టాయి. వాటి వెనుకే మలయాళ, కన్నడ ఇండస్ట్రీలు కూడా వెళ్లాయి. ముఖ్యంగా గడిచిన 10 సంవత్సరాల్లో సౌత్‌ ఇండస్ట్రీలు బాలీవుడ్‌ని బాగా దెబ్బతీశాయి. ఈ విషయం రిలీజ్‌ అయిన సినిమాలు, వాటి కలెక్షన్స్‌ చూస్తే అర్థమవుతుంది. తెలుగులో ఒక స్టార్‌ హీరో సినిమా రిలీజ్‌ అవుతుందంటే బాలీవుడ్‌ భయపడే స్థాయికి చేరుకుంది. వాటిని క్రాస్‌ చేసేందుకు ఎలాంటి సినిమాలు తియ్యాలి అనే ఆలోచనలో పడ్డారు బాలీవుడ్‌ దర్శకనిర్మాతలు, హీరోలు. అందుకే సౌత్‌ ఇండస్ట్రీల్లోని డైరెక్టర్లతో సినిమాలు చేసేందుకు ఉత్సాహం చూపిస్తున్నారు.
ప్రస్తుతానికి వస్తే.. ఇండియాలోని వివిధ ఇండస్ట్రీల్లోని స్టార్‌ హీరోల్లో ఎవరు నెంబర్‌ వన్‌ అనే ప్రశ్న మొదలైంది. ఆ విషయాన్ని తేల్చేందుకు ఐఎండిబి సంస్థ ఒక సర్వే నిర్వహించి ‘ఐఎండిబి ఇండియన్‌ పాపులర్‌ సూపర్‌స్టార్స్‌’ అంటూ ఓ లిస్ట్‌ను విడుదల చేసింది. అందరూ ఊహించినట్టుగానే టాలీవుడ్‌ టాప్‌లో నిలిచింది. ఐకాన్‌ స్టార్‌ అల్లు అర్జున్‌ మొదటి స్థానాన్ని ఆక్రమించాడు. రెండో స్థానంలో షారూఖ్‌ ఖాన్‌, మూడో స్థానంలో యశ్‌, నాలుగో స్థానంలో రణబీర్‌ కపూర్‌ ఉన్నారు. 7వ స్థానంలో ప్రభాస్, 8వ స్థానంలో రామ్‌చరణ్‌ ఉన్నారు. ఇక ఎన్టీఆర్‌ 23వ స్థానంలో, మహేష్‌బాబు 25వ స్థానంలో ఉండడం అందర్నీ ఆశ్చర్యపరిచింది. ఇక తమిళ్‌ హీరో విజయ్‌ 10వ స్థానంలో ఉన్నాడు. 11 నుంచి 25 మధ్యలో రజినీకాంత్‌, దుల్కర్‌ సల్మాన్‌, హృతిక్‌ రోషన్‌, సల్మాన్‌ఖాన్‌, ఆమిర్‌ ఖాన్‌, ఎన్టీఆర్‌, కమల్‌హాసన్‌, మహేష్‌బాబు నిలిచారు.
పుష్ప2తో అల్లు అర్జున్‌ క్రేజ్‌ అమాంతం పెరిగిపోయింది. పైగా ఇండియాలోనే టాప్‌ గ్రాసర్‌గా ఈ సినిమా నిలవడంతో హీరోగా అతని రేంజ్‌ టాప్‌లోకి వెళ్లిపోయింది. బాహుబలి, సలార్‌, కల్కి వంటి భారీ హిట్‌ సినిమాలు చేసినప్పటికీ ప్రభాస్ 7వ స్థానంతో సరిపెట్టుకోవాల్సి వచ్చింది. ఎన్టీఆర్‌, రామ్‌చరణ్‌ ఇద్దరూ కలిసి చేసిన ఆర్‌ఆర్‌ఆర్‌ బ్లాక్‌బస్టర్‌ హిట్‌ అయింది. ఆ తర్వాత ఎన్టీఆర్‌ చేసిన దేవర కూడా సూపర్‌హిట్‌గా నిలిచింది. అయినా ఎన్టీఆర్‌ 23వ స్థానానికి వెళ్లిపోవడం అతని ఫ్యాన్స్‌ని షాక్‌కి గురి చేసింది. ఆర్‌ఆర్‌ఆర్‌ తర్వాత రామ్‌చరణ్‌ చేసిన గేమ్‌ఛేంజర్‌ డిజాస్టర్‌ అయినప్పటికీ 8వ స్థానంలో ఉండడం అందర్నీ ఆశ్చర్యపరిచింది. టాప్‌ 25 లిస్ట్‌లో ఐదుగురు టాలీవుడ్‌ హీరోలు, టాప్‌ టెన్‌లో ముగ్గురు ఉన్నారు. గత ఏడాది ప్రభాస్ నెంబర్‌ 1గా ఉన్నాడు. ఈ సంవత్సరం ఆ స్థానాన్ని అల్లు అర్జున్‌ చేజిక్కించుకున్నాడు. ఆయా స్టార్స్‌కి సంబంధించి రిలీజ్‌ అయిన సినిమాలు, వాటి రిజల్ట్స్‌, ఆడియన్స్‌లో వారికి వున్న క్రేజ్‌ని బట్టి ఐఎండిబి ఈ లిస్ట్‌ను తయారు చేస్తుంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
