టాలీవుడ్లో స్టార్ హీరోల సినిమాలు ఒకే సమయంలో విడుదల కావడం కొత్తేమీ కాదు. అయితే అందరూ ఊహించిన దానికి పూర్తి భిన్నమైన రిజల్ట్స్ వచ్చే సందర్భాలు చాలా అరుదుగా ఉంటాయి. అలాంటి ఆసక్తికరమైన బాక్సాఫీస్ క్లాష్ 1995లో జరిగింది.
అది మెగాస్టార్ చిరంజీవి, కలెక్షన్ కింగ్ మోహన్ బాబు సినిమాల మధ్య జరిగిన పోటీ. 1995 జూన్ 15న చిరంజీవి నటించిన ‘బిగ్ బాస్’, మోహన్ బాబు ప్రధాన పాత్రలో వచ్చిన ‘పెదరాయుడు’ ఒకే రోజున ప్రేక్షకుల ముందుకు వచ్చాయి. విడుదలకు ముందు అందరూ ‘బిగ్ బాస్’దే పైచేయి అనుకున్నారు.
చిరంజీవి నటించిన ‘బిగ్ బాస్’పై భారీ అంచనాలు ఉండటానికి ఆయనకున్న స్టార్ ఇమేజ్తో పాటు విజయ బాపినీడు దర్శకత్వం కూడా ఒక కారణం. అయితే సినిమా విడుదలైన తర్వాత మాత్రం పరిస్థితి మారిపోయింది. కథనం, స్క్రీన్ప్లే విషయంలో ప్రేక్షకుల నుంచి ఆశించిన స్థాయిలో స్పందన రాకపోవడంతో.. సినిమా బాక్సాఫీస్ దగ్గర వెనుకబడిపోయింది.
ఇదే సమయంలో ‘పెదరాయుడు’ మాత్రం థియేటర్లలో సెన్సేషన్ క్రియేట్ చేసింది. రవిరాజా పినిశెట్టి దర్శకత్వంలో తెరకెక్కిన ఈ సినిమాలో మోహన్ బాబు పోషించిన పాత్ర ప్రేక్షకులను బాగా ఆకట్టుకుంది. ముఖ్యంగా ఆయన డైలాగ్ డెలివరీ, భావోద్వేగ సన్నివేశాల్లో నటన సినిమాకు ప్రధాన బలంగా నిలిచాయి. దీనికి తోడు సూపర్ స్టార్ రజనీకాంత్ ప్రత్యేక పాత్రలో కనిపించడం కూడా సినిమాకి మెయిన్ హైలైట్ గా నిలిచింది.
ఇది కూడా చదవండి: 'ప్యారడైజ్' ఫస్ట్ రివ్యూ.. అసలు ఈ కాకుల కథేంటి.?
మొదటి షో నుంచే ‘పెదరాయుడు’కు పాజిటివ్ టాక్ రావడంతో థియేటర్ల దగ్గర సందడి మొదలైంది. రోజులు గడిచేకొద్దీ సినిమాకు ప్రేక్షకుల ఆదరణ మరింత పెరిగింది. చివరికి ఈ సినిమా మోహన్ బాబు కెరీర్లోనే ఒక మైలురాయిగా నిలిచిపోయింది.
అదే సమయంలో ‘బిగ్ బాస్’ మాత్రం ఆశించిన స్థాయిలో ప్రేక్షకులను మెప్పించలేకపోయింది. దీంతో ఒకే రోజు విడుదలైన ఈ రెండు సినిమాల ఫలితాలు పూర్తిగా భిన్నంగా మారిపోయాయి.
ఒకవైపు అప్పటికే భారీ స్టార్ ఇమేజ్ ఉన్న చిరంజీవి సినిమా.. మరోవైపు మోహన్ బాబు సినిమా. కానీ చివరికి స్టార్డమ్ కంటే ప్రేక్షకుల నుంచి వచ్చిన స్పందనే బాక్సాఫీస్ ఫలితాన్ని నిర్ణయించింది. అందుకే 1995లో జరిగిన ఈ చిరంజీవి-మోహన్ బాబు క్లాష్ను టాలీవుడ్లోని ఆసక్తికరమైన బాక్సాఫీస్ పోటీల్లో ఒకటిగా ఇప్పటికీ గుర్తు చేసుకుంటారు.
మీకు నచ్చవచ్చు:
మోహన్ బాబు విలనిజం: మళ్లీ అదే రేంజ్లో ‘ది ప్యారడైజ్’.!
రాయలసీమ రామన్న చౌదరి.. మోహన్ బాబు ఏంటో తెలియాలంటే ఈ సినిమా చూడాలి.!
[Chiranjeevi Vs Mohan Babu, Pedarayudu Vs Big Boss, The Paradise Movie, Bigg Boss Telugu, Chiranjeevi, Mohan Babu, Pedarayudu Movie, Big Boss Movie, Telugu Film News]
