హరితేజ మాస్ ఎంట్రీ.. ఇక కన్నడ బ్యాచ్ కి దబిడిదిబిడే !
on Oct 7, 2024
హరితేజ బిగ్ బాస్ మొదటి సీజన్ లో ఎంట్రీ ఇచ్చి మంచి ఎంటర్టైన్మెంట్ ఇచ్చింది. మళ్ళీ సీజన్-8 లో వైల్డ్ కార్డు ద్వారా ఎంట్రీ ఇచ్చింది. మంచి డాన్స్ పర్ఫామెన్స్ తో హరితేజ మొదటి వైల్డ్ కార్డుగా ఎంట్రీ ఇచ్చింది. నాగార్జున స్టేజి మీదకి పిలవగానే ఫుల్ జోష్ తో వచ్చింది. ఇక తనకి సర్ ప్రైజ్ వీడియోగా తన తోటి కంటెస్టెంట్ అయిన నవదీప్ మాట్లాడిన వీడియోని ప్లే చేశాడు నాగ్ మామ. నువ్వు అప్పటికంటే ఇప్పుడు ఇంకా బాగా ఆడు అంటూ హరితేజని మోటివేట్ చేశాడు నవదీప్.
ఆ తర్వాత హరితేజ వెళ్ళబోతుంటే నీకు ఇంకో సర్ ప్రైజ్ అంటు నాగార్జున ఆపాడు. తన కూతురు భూమిని స్టేజ్ మీదకి పిలుస్తాడు నాగ్ మామ. తనని చూడగానే హరితేజ ఎమోషనల్ అవుతుంది. ఆ తర్వాత హరితేజ హౌస్ లోకి ఎంట్రీ ఇవ్వగానే.. అందరు ఆశ్చర్యంగా చూస్తుంటారు. అందరిని వెళ్లి పరిచయం చేసుకుంటుంది. అంతే కాకుండా పాత కంటెస్టెంట్ లకి విష్ణుప్రియ, నిఖిల్ లు.. మరొక వైపు టేస్టీ తేజ, హరితేజలు కలిసి టాస్క్ ఆడుతారు. ఇందులో హరితేజ , టేస్తీ తేజ విన్ అయి ఇరవై లక్షల మనీ గెలుచుకొని ప్రైజ్ మనీకీ ఆడ్ చేస్తారు.
ఆ తర్వాత వచ్చిన వాళ్లందరితో హరితేజ పాజిటివ్ గా మాట్లాడుతూ.. మంచి కామెడీ టైమింగ్ తో పంచ్ లు వేస్తుంది. ఇక నామినేషన్ ప్రక్రియ విషయానికి వస్తే.. పృథ్వీ , యష్మీలని హరితేజ నామినేట్ చేసినట్టు తెలుస్తుంది. హరితేజ బయట నుండి వాళ్ళ గేమ్ చూసి వచ్చి.. ఎవరు ఎలా ఆడుతున్నారోనని తెలుసుకొని వచ్చింది కాబట్టి నామినేషన్ పాయింట్స్ స్ట్రాంగ్ గా పెట్టి వాళ్లకు గట్టి పోటీ ఇస్తుందనిపిస్తుంది.
Also Read