Home

»

Exclusive Movie News

శుక్ర మహాదశ నుంచి ఎస్సై పరీక్షల వరకు.. ర‌వితేజ అండ్ గ్యాంగ్‌ అదిరిపోయే కామెడీ.!

Nov 18, 2026 3:54PM

మాస్ మహారాజా రవితేజ సినిమాల్లో యాక్షన్ ఎంత ప్రత్యేకమో.. కామెడీ కూడా అంతే ప్రత్యేకం. ముఖ్యంగా ఆయన కామెడీ టైమింగ్, డైలాగ్ డెలివరీ ప్రేక్షకులను కడుపుబ్బా నవ్విస్తుంటాయి. ఇక ఆయన కెరీర్‌లో వచ్చిన ఎవర్‌గ్రీన్ కామెడీ ఎంటర్‌టైనర్లలో 'వెంకీ' సినిమా ఒకటి. ఇప్పుడు ఈ సినిమాకు సంబంధించిన కొన్ని సరదా సన్నివేశాలు మరోసారి నవ్వులు పంచుతున్నాయి.

ముఖ్యంగా నిరుద్యోగులుగా తిరిగే పాత్రల మధ్య జరిగే సంభాషణలు ఈ కామెడీ సీన్స్‌లో ప్రత్యేక ఆకర్షణగా నిలుస్తాయి. ఉదయాన్నే టీ, కాఫీలు అడిగే రోజులు పోయి.. రాత్రి చేసిన హడావుడి దిగాలంటే మజ్జిగ కావాలని అడిగే విచిత్రమైన పరిస్థితులు నవ్విస్తాయి. ఎన్నాళ్లు ఇలా బేవార్స్‌గా తిరుగుతావురా అని తండ్రి ప్రశ్నిస్తే.. ‘ఇన్నాళ్లని ఏం ఫిక్స్ అవ్వలేదండి' అంటూ చలాకీగా సమాధానం చెప్పడం, శుక్ర మహాదశ నాలుగో పాదంలో ఉందని నమ్మే పాత్రల అమాయకత్వం ప్రేక్షకులను కితకితలు పెడుతుంది.

ఇక తమకు ఉద్యోగాలు ఇప్పిస్తానని చెప్పే వ్యక్తిని నమ్మి ఈ గ్యాంగ్ పడే పాట్లు మరో హైలైట్. ఇండియన్ రెస్టారెంట్, చైనీస్ రెస్టారెంట్ అంటూ మొదలయ్యే కన్ఫ్యూజన్, ఆ తర్వాత స్టీల్ ప్లాంట్, షిప్‌యార్డ్, జింకు బంకు అంటూ ఆఫీసుల కోసం వెతుక్కుంటూ తిరగడం నవ్వులు పూయిస్తుంది. నెలకు రూ.30 వేల జీతం, పీఎఫ్, సీఎఫ్, బీఎఫ్ అంటూ ఉద్యోగం గురించి చెప్పే మాటలు నమ్మి, చివరకు లక్ష రూపాయలు సర్దుబాటు చేయడానికి ప్రయత్నించడం కామెడీగా సాగుతుంది.

ఇది కూడా చదవండి: ఇన్నాళ్లూ ఎవరూ గుర్తించలేదు.. 'బాయ్స్' టైటిల్ కార్డులో అసలు విషయం ఇదే!

అయితే ఆ ఉద్యోగాల వ్యవహారం వెనుక అసలు విషయం తెలిసిన తర్వాత కథలో ఆసక్తికరమైన మలుపులు చోటుచేసుకుంటాయి. యాంటీ కరప్షన్ బ్యూరో (ఏసీబీ) వ్యవహారం, మోసగాడి ట్రాప్ వంటి అంశాలతో ఈ సన్నివేశాలు మరింత ఆసక్తికరంగా మారతాయి. ఇక చివరికి ఏబీసీడీ పద్ధతిలో పోటీ పరీక్షలకు ప్రిపేర్ అవుతూ, తమకు ఇష్టమైన రాజకీయ నాయకులు, క్రికెటర్ల పేర్లతో ఆప్షన్లు పెట్టుకోవడం ప్రేక్షకులను నవ్వుల్లో ముంచెత్తుతుంది.

మొత్తానికి రవితేజ 'వెంకీ' సినిమాలోని ఈ కామెడీ సన్నివేశాలు ఎప్పుడూ కొత్తగానే అనిపిస్తాయి. జీవితంలో నిరుద్యోగం, రోజువారీ సమస్యలు ఎన్ని ఉన్నా.. కాసేపు నవ్వుకుంటే మనసుకు ఎంతో హాయిగా ఉంటుందని ఈ సీన్స్ గుర్తుచేస్తాయి. రవితేజతో పాటు బ్రహ్మానందం, మాస్టర్ భరత్, ఏవీఎస్ కలసి పంచిన ఈ వినోదాన్ని మరోసారి చూసి ఎంజాయ్ చేయవచ్చు. ఇలాంటి కామెడీ వీడియోల కోసం మా Teluguone youtube channelను Subscribe చేసుకోండి. 

మీకు నచ్చవచ్చు: 

తను మాట్లాడదు, మాట్లాడలేదు: చిరు నోటి నుంచి బయట పడ్డ అసలు సీక్రెట్.!

ధనుష్ ఫ్యాన్స్ VS అనిరుధ్: లైఫ్ ఇచ్చినోడినే మర్చిపోయావా.?

 

[RaviTeja, Venky, Brahmanandam, MasterBharath, AVS] 

google-ad-img

Customer Service

For support : teluguone.teluguone@gmail.com | For Queries : support@teluguone.com