బాక్సాఫీస్‌పై పుష్పరాజ్‌ తాండవం.. ఇండియన్ సినీ చరిత్రలో సరికొత్త రికార్డు!
on Jan 6, 2025
ఇండియన్ సినిమా చరిత్రలో 'బాహుబలి-2' కి ప్రత్యేక స్థానముంది. 2017 ఏప్రిల్ లో విడుదలైన ఈ మూవీ అప్పటి వరకు ఉన్న రికార్డులను తిరగరాసి, ఊహించని విధంగా ఏకంగా రూ.1810 కోట్ల గ్రాస్ రాబట్టి.. ఇండియన్ ఇండస్ట్రీ హిట్ గా నిలిచింది. ఏడేళ్లుగా 'బాహుబలి-2'నే ఇండియన్ సినిమా ఇండస్ట్రీ హిట్ గా ఉంది. ఇప్పట్లో ఆ రికార్డుని బ్రేక్ చేయడం కష్టమేనని అందరూ భావించారు. కానీ 'పుష్ప-2' చిత్రం విడుదలైన నెల రోజుల్లోనే ఆ వసూళ్లను బీట్ చేసి, సరికొత్త ఇండస్ట్రీ హిట్ గా నిలిచింది. (Pushpa 2 The Rule)
డిసెంబరు 4న ప్రీమియర్స్ షోస్‌తో ఇండియన్ బాక్సాఫీస్‌పై మొదలైన 'పుష్ప-2' వసూళ్ల రికార్డుల పరంపర సరికొత్త అధ్యాయాన్ని సృష్టించింది. కేవలం 32 రోజుల్లోనే భారతీయ సినీ చరిత్రలో ఇండియాలో అత్యధిక వసూళ్లు సాధించిన చిత్రంగా కొత్త రికార్డును క్రియేట్‌చేసింది. కేవలం 32 రోజుల్లోనే రూ. 1831 కోట్ల రూపాయాలు వసూలు చేసి, బాహుబలి-2 వసూళ్లను క్రాస్‌ చేసి పుష్ప-2 కొత్త రికార్డును క్రియేట్ చేసింది.
ఐకాన్‌ స్టార్‌ అల్లు అర్జున్‌ (Allu Arjun), బ్రిలియంట్‌ దర్శకుడు సుకుమార్‌ల కలయికలో రూపొందిన సినిమా పుష్ప-2 ది రూల్‌. సుకుమార్‌ రైటింగ్‌ సంస్థతో కలిసి మైత్రీ మూవీమేకర్స్‌ ఈ ఇండియన్ బిగ్గెస్ట్‌ బ్లాక్‌బస్టర్‌ సినిమాను నిర్మించింది. విడుదలకు ముందే ప్రీరిలీజ్‌ బిజినెస్‌ పరంగా ఇండియాలో సరికొత్త రికార్డును నెలకొల్పిన ఈ చిత్రం, సినిమా విడుదల రోజు ప్రీమియర్స్ నుంచే సన్సేషనల్‌ బ్లాకబస్టర్‌ అందుకుంది. అల్లు అర్జున్‌ నట విశ్వరూపానికి, సుకుమార్‌ వరల్డ్‌ క్లాస్‌ టేకింగ్‌ కి.. ప్రపంచ సినీ ప్రేమికులు ఫిదా అయిపోయారు. రష్మిక మందన్నా నాయికగా నటించిన ఈ చిత్రానికి దేవి శ్రీ ప్రసాద్‌ అద్భుతమైన బాణీలను అందించాడు. కూబా ఫోటోగ్రఫీ సినిమాకు వన్నెతెచ్చింది.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
