ఎన్టీఆర్ కథకు త్రివిక్రమ్ తుది మెరుగులు
on May 4, 2020
'అల... వైకుంఠపురములో' సినిమా విజయం అందించిన ఉత్సాహంలో ఉన్న మాటల మాంత్రికుడు త్రివిక్రమ్, తన తదుపరి సినిమా యుంగ్ టైగర్ ఎన్టీఆర్‌తో చేయనున్న సంగతి తెలిసిందే. ప్రస్తుతం ఈ సినిమా కథకు తుది మెరుగులు దిద్దే పనిలో ఆయన బిజీగా ఉన్నారు. ఎన్టీఆర్ సినిమా కంటే ముందు వెంకటేష్ హీరోగా త్రివిక్రమ్ ఒక సినిమా చేయాలనుకుంటున్నారని వార్తలు వచ్చాయి. వాటిలో ఏమాత్రం నిజం లేదని త్రివిక్రమ్ సన్నిహిత వర్గాలు తెలుపుతున్నాయి.
ప్రస్తుతం ఎన్టీఆర్ 'ఆర్ఆర్ఆర్' సినిమా చేస్తున్నారు. రాజమౌళి దర్శకత్వం వహిస్తున్న ఈ సినిమా సంక్రాంతికి విడుదల చేయాలనుకున్నారు. కానీ ప్రస్తుత పరిస్థితుల నేపథ్యంలో విడుదల వాయిదా పడే అవకాశాలున్నాయని ఫిల్మ్ నగర్ వర్గాలు చెబుతున్నాయి. సినిమా షూటింగ్ ఇంకా పూర్తి కాలేదు. పూర్తి కావడానికి మరో నాలుగైదు నెలలు పడుతుందని టాక్. ఈ లోపు ఖాళీగా ఉండడం ఎందుకు? వెంకటేష్ హీరోగా ఓ సినిమా చేస్తే బాగుంటుందని త్రివిక్రమ్ ఆలోచిస్తున్నట్లు వార్తలు వచ్చాయి. త్రివిక్రమ్ సన్నిహిత వర్గాలు అటువంటిది ఏమీ లేదని, ప్రస్తుతం ఎన్టీఆర్ హీరోగా చేయబోయే చిత్రానికి తుదిమెరుగులు దిద్దుతున్నారనీ తెలిపారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
