Home

»

Latest News

Chiranjeevi: మెగా ఫ్యాన్స్ ఆ రూమర్ నమ్మకండి!

Apr 24, 2026 12:50PM

ఈ ఏడాది సంక్రాంతికి 'మన శంకర వరప్రసాద్ గారు'తో బిగ్గెస్ట్ బ్లాక్ బస్టర్ ను అందుకొని మెగాస్టార్ చిరంజీవి (Megastar Chiranjeevi) ఫుల్ జోష్ లో ఉన్నారు. వచ్చే సంక్రాంతికి తన 158వ సినిమాతో అలరించడానికి సిద్ధమవుతున్నారు. 'వాల్తేరు వీరయ్య' వంటి బ్లాక్ బస్టర్ తర్వాత దర్శకుడు బాబీతో చిరంజీవి చేస్తున్న సినిమా కావడంతో 'Mega158' పై భారీ అంచనాలు ఉన్నాయి.

ఆ వార్తలపై క్లారిటీ..!
గత కొద్ది రోజులుగా ఈ సినిమాలో బాలీవుడ్ సీనియర్ యాక్టర్ అనిల్ కపూర్ (Anil Kapoor) ఒక కీలక పాత్రలో నటించబోతున్నారని గట్టిగా ప్రచారం జరిగింది. చిరంజీవి, అనిల్ కపూర్ వంటి ఇద్దరు లెజెండరీ నటులు ఒకే స్క్రీన్ పై కనిపిస్తే చూడాలని అభిమానులు కూడా ఆశపడ్డారు. అయితే, ఈ వార్తల్లో నిజం లేదని తెలుస్తోంది. అవన్నీ కేవలం రూమర్స్ మాత్రమేనని, అనిల్ కపూర్ ఈ ప్రాజెక్టులో భాగం కాదని సమాచారం. అనిల్ కపూర్ ప్రస్తుతం ఎన్టీఆర్-ప్రశాంత్ నీల్ కాంబినేషన్‌లో రాబోతున్న 'డ్రాగన్'లో నటిస్తున్న సంగతి తెలిసిందే.

ప్రీ-ప్రొడక్షన్ పనుల్లో బాబీ..
ప్రస్తుతం 'Mega158' ప్రీ-ప్రొడక్షన్ పనులు తుది దశకు చేరుకున్నాయి. కె.వి.ఎన్ ప్రొడక్షన్స్ పతాకంపై వెంకట్ కె. నారాయణ ఈ చిత్రాన్ని భారీ బడ్జెట్‌తో నిర్మిస్తున్నారు. ఈ సినిమాకు 'కాకాజీ' (Kakaji) అనే టైటిల్‌ను పరిశీలిస్తున్నట్లు ఇండస్ట్రీ వర్గాల్లో టాక్ నడుస్తోంది.

మెగాస్టార్ చిరంజీవి ఈ సినిమాలో ఒక పవర్‌ఫుల్ గ్యాంగ్‌స్టర్ పాత్రలో కనిపిస్తారని వార్తలు వస్తున్నాయి. అదే సమయంలో ఇందులో తండ్రీకూతుళ్ల సెంటిమెంట్ హైలైట్ గా నిలవనుందని అంటున్నారు. బాబీ తనదైన శైలిలో మాస్ ఎలిమెంట్స్‌తో పాటు ఎమోషన్స్ తో ఈ కథను సిద్ధం చేసినట్లు సమాచారం. త్వరలోనే ఈ మూవీ రెగ్యులర్ షూటింగ్ ప్రారంభం కానుంది.

 

google-ad-img

Customer Service

For support : teluguone.teluguone@gmail.com | For Queries : support@teluguone.com