కరుప్పు(Karuppu)అలియాస్ వీరభద్రుడు(Veerabhadrudu)ని సూర్య ఏ ముహూర్తాన స్టార్ట్ చేసాడో గాని రికార్డు కలెక్షన్స్ రాబడుతున్నాడు. ఎంటైర్ సూర్య కెరీర్ లోనే బిగ్గెస్ట్ హిట్ మూవీగా కూడా కరుప్పు నిలిచింది. దీంతో సూర్య అభిమానుల ఆనందానికైతే అవధులు లేవు.

 మే 15న  థియేటర్స్ లో ల్యాండ్ అయిన కరుప్పు ఇండియాలో 132.05 కోట్ల గ్రాస్ ని రాబట్టగా ఓవర్సీస్ మార్కెట్‌లో  57 కోట్ల గ్రాస్ వసూళ్లని సాధించింది. దీంతో ఫస్ట్ వీక్   ప్రపంచవ్యాప్తంగా ' 207 కోట్ల గ్రాస్ కలెక్షన్లని సొంతం చేసుకుని సరికొత్త సునామీని సృష్టించింది. సూర్య కెరీర్‌లోనే గ్లోబల్ బాక్సాఫీస్ వద్ద 200 కోట్ల మార్కుని తాకిన తొలి చిత్రం కూడాను.రానున్న రోజుల్లో మరిన్ని రికార్డులు కరుప్పు అందుకోబోతుందని  ట్రేడ్ నిపుణులు అంచనా వేస్తున్నారు.

కరుప్పు బాక్సాఫీస్ ప్రయాణం మొదటి రోజే భారీ ఓపెనింగ్స్ తో స్టార్ట్ అయ్యింది . తొలిరోజు దేశవ్యాప్తంగా 4,891 షోలతో 14.40 కోట్ల నెట్ కలెక్షన్లు రాబట్టిన ఈ చిత్రం, వీకెండ్‌లో మరింత పుంజుకుంది. శనివారం (రెండో రోజు) .24.15 కోట్లు, ఆదివారం (మూడో రోజు) అత్యధికంగా 28.35 కోట్ల నెట్ వసూళ్లను సాధించి సరికొత్త రికార్డులు క్రియేట్ చేసింది. సోమవారం వర్కింగ్ డే అయినప్పటికీ  14.30 కోట్లు, మంగళవారం 12.75 కోట్లు, బుధవారం 10.70 కోట్ల నెట్ కలెక్షన్లను ఖాతాలో వేసుకుంది. ఇక గురువారం ఏడో రోజున దేశవ్యాప్తంగా 5,140 షోల ద్వారా రూ. 8.30 కోట్ల నెట్ వసూళ్లను సాధించింది. దీంతో మొదటి వారం ముగిసేసరికి భారత్‌లో మొత్తం నెట్ కలెక్షన్లు. 114.05 కోట్లకు చేరుకున్నాయి.

Also read: Baahubali: బాహుబలి ఫ్లాప్ అయి ఉంటే... తమన్నా షాకింగ్ కామెంట్స్

ఈ కలెక్షన్ల జోరుతో సూర్య కెరీర్‌లో సరికొత్త రికార్డు నమోదైంది. భారతదేశంలో నెట్ వసూళ్ల పరంగా 100 కోట్ల మార్కుని  దాటిన సూర్య మొట్టమొదటి సినిమాగా 'కరుప్పు' సరికొత్త మైలురాయిని అందుకుంది. గతంలో సూర్య నటించిన 'సింగం 2' సాధించిన 98 కోట్ల లైఫ్‌టైమ్ నెట్ రికార్డును ఈ సినిమా కేవలం ఆరు రోజుల్లోనే బ్రేక్ చేయడం విశేషం. అంతేకాదు సూర్య గత చిత్రాలైన 'కంగువా' ( 82.65 కోట్ల నెట్), 'సింగం 3' 81 కోట్ల నెట్  కలెక్షన్లను కూడా ఈ చిత్రం భారీ మార్జిన్‌తో దాటేసింది. కేవలం తమిళనాడులోనే కాకుండా ఆంధ్రప్రదేశ్, తెలంగాణ, కర్ణాటక, కేరళ రాష్ట్రాల్లోనూ ఈ చిత్రం అద్భుతమైన వసూళ్లని  సాధిస్తూ దూసుకుపోతోంది.