జననాయగన్.. ఇళయ దళపతి చేసిన చివరి మూవీ..ఎంటైర్ విజయ్ కెరీర్ లోనే కోట్ల రూపాయల బడ్జెట్‌తో తెరకెక్కిన ఈ భారీ పొలిటికల్ యాక్షన్ డ్రామాకి సంబంధించిన షాకింగ్ న్యూస్ ఇప్పుడు ఇండస్ట్రీ వర్గాలని ఒక్కసారిగా షాకింగ్ కి గురి చేస్తుంది.

విజయ్  'జన నాయగన్‌' కి సంబంధించి అన్ని థియేట్రికల్ హక్కుల ఒప్పందాలని రద్దు చేసుకోవాలని నిర్మాతలకి స్పష్టం చేసినట్టుగా తెలుస్తుంది. సాధారణంగా ఒక అగ్ర హీరో సినిమా వాయిదా పడితే బిజినెస్ పరంగా వడ్డీల భారం పెరుగుతుంది. 'జన నాయగన్‌' చిత్రం బిజినెస్ వందల కోట్లలో జరిగింది. సినిమా విడుదల నిరవధికంగా ఆలస్యమవుతుండటంతో డిస్ట్రిబ్యూటర్లు, బయ్యర్లు తీవ్ర నష్టాలను చవిచూడాల్సి వస్తుంది. పంపిణీదారులు ఎవరూ తన సినిమా వల్ల రూపాయి కూడా నష్టపోకూడదనే ఉద్దేశంతో విజయ్ ఈ నిర్ణయం తీసుకున్నట్లు తెలుస్తోంది. సినిమా థియేట్రికల్ డీల్స్ మొత్తాన్ని రద్దు చేసి, బయ్యర్ల నుంచి తీసుకున్న అడ్వాన్స్ మొత్తాలని పూర్తిగా వెనక్కి ఇచ్చేయాలని నిర్మాత వెంకట్ కె. నారాయణకి  విజయ్ సూచించారు. భారతీయ చలనచిత్ర చరిత్రలోనే ఒక అగ్ర నటుడి సినిమాకి  సంబంధించి ఇంత భారీ స్థాయిలో రిఫండ్స్ ఇవ్వడం, ఒప్పందాలను రద్దు చేసుకోవడం ఇదే మొదటిసారి అని సినీ విశ్లేషకులు చెప్తున్నారు.

also read: Raghava lawrence: రాజకీయాల్లోకి లారెన్స్.. విజయ్ ఖాళీ చేసే తిరుచ్చి ఈస్ట్ నుంచి పోటీ!

దీంతో వ్యాపార లావాదేవీల కంటే  నైతిక బాధ్యతకే విజయ్ ప్రాధాన్యత ఇచ్చారని ఆయన అభిమానులు  కొనియాడుతు జన నయగాన్ రిలీజ్ కోసం ఎంతో అతృతతో వెయిట్ చేస్తున్నారు